Pablo Iglesias, Martín Alfeirán, Juanca Rodríguez, Andrés Vila, Juan Pereira e Mario Cancela Excelentes novas para arrincar o 2017 na familia Xiria. O central do Calvo Xiria Pablo Iglesias foi convocado pola selección galega de categoría absoluta para disputar dous partidos fronte a Xapón. Galicia medíarase á selección nipona, que se atopa preparando a súa participación no Mundial de Francia de xaneiro 2017, en dous partidos que se disputan en Bueu e no Rosal. Ademais, o lateral carballés Martín Alfeirán tamén foi citado, neste caso como segundo reserva no posto de lateral dereiro por se fallasen Víctor Rodríguez ou David Chapela.

Éxito da canteira

Ademais, catro rapaces pertencentes ás Escolas Balonmán Xiria foron seleccionados para particiapar coas seleccións galegas no Campionato de España de Seleccións que terá lugar en Cataluña entre o 2 e o 7 de xaneiro. Así Juan Pereira e Mario Cancela, do Garaysa Xiria, en categoría infantil e Juanca Rodríguez e Andrés Vila, do Laber Xiria, en categoría xuvenil partirán na madrugada do 1 de xaneiro cara terras catalanas coa expedición galega que estará comandada por outro carballés, Bruno López vicepresidente da FGBM e Delegado Provincial da FGBM nas provincias da Coruña e Lugo. Nas dúas categorías nas que terá representación o Xiria, o combinado autonómico aspira a estar entre os primeiros clasificados e tentarán acadar os postos de honra do campionato. Dende a web do campionato poderanse seguir os partidos en directo: www.cesabm2017.cat.

Fonte

• Xiria.