Venres. 29.03.2024
El tiempo

A Pipa: Golpe de man

A Pipa: Golpe de man
O Baio ganou en Ponteceso-Foto-SD O Baio gañou en Ponteceso-Foto-SD Golpe de man do Baio nesta xornada co triunfo, importantísimo, ante o Ponteceso, que deixa aos homes preparados por José Barca cun pé fóra da loita polos postos de ascenso e promoción, pois os seis puntos con respecto ao Baio, segundo, se antollan moi complicados de reducir. O choque, como se prevía, foi moi disputado e con entrega total por ambos conxuntos, decidíndose nunha acción puntual, co tanto do goleador baiés, MC, tras un rexeite do meta local a un penalti favorable ao Baio. Os intentos finais do Ponteceso non forneceron efecto mercé ao magnífico traballo de contención realizado polo once dirixido por Pedro Gómez, que manteñen a segunda praza a cinco puntos do líder e un por encima do Mazaricos. Precisamente os pupilos de Néstor Romeu sufriron, como era predecible, para sumar os tres puntos en Malpica, pero os dous tantos do seu goleador Chenel, o segundo a falta de dez minutos, outorgaron un triunfo fundamental aos amarelos, que se manteñen a un punto do Baio e seguen pugnando por esa praza de promoción e poñer en dificultades ao líder, Corme. O líder, pese ao 4-1 final, non o tivo fácil ante un Cee ben plantado sobre o terreo de xogo, pero ao que os erros na zaga condenaron a ser superado por un Corme que, como en case todos os encontros, tivo a posesión do balón e mostrouse moi firme, mantendo a súa vantaxe na táboa clasificatoria. En Verdillo, dous goles tempraneiros fixeron máis sinxelo o camiño do San Lorenzo para sumar os tres puntos ante a Esteirana. Con este resultado mantense na zona alta o conxunto rojillo, a catro puntos do Mazaricos e cinco do Baio, mentres que a Esteirana ten unha relativa vantaxe sobre os postos de perigo. Por abaixo comezan a ver a luz da permanencia o Baíñas e Laxe. Os verdes venceron ampliamente a un Camariñas que parece levantar o pé do acelerador e coa permanencia case asegurada non puido cun Baíñas cun Pablo Muíño inconmensurable. En Laxe, os locais conseguiron un merecido triunfo sobre o Buño, que, cun 3-0 en contra á media hora de xogo, recurtou distancias ata o 3-2 que levou a inquietude á grada láxense, pero o 4-2 xa en minuto final, sentenciou a contenda. Empate entre Corcubión e Coristanco nun encontro onde o equilibrio foi absoluto durante os noventa minutos con dous equipos que buscan a permanencia e non querían perder. Pese a todo, os visitantes adiantáronse no marcador a falta de nove minutos, empatando os blanquiazules cinco minutos despois do 0-1. Quen segue o seu costa abaixo é o Porteño, que viu como o Montelouro practicamente se aseguraba o seu permanencia ao vencer en Ponte do Porto por 1-3, con dous goles nos primeiros seis minutos de xogo, pese a que o Porteño recortou distancias e puxo moito traballo para conseguir un mellor resultado que o 1-3 final para os homes de Oscar Leis. Cerqueda e Castriz empataron a cero goles nun choque onde os locais, moi mermados de efectivos e sen cambios, foron capaces de responder ás accións ofensivas dun Castriz que gozou de boas oportunidades para adiantarse no marcador, pero que ao final tivo que conformarse cun reparto de puntos que lles mantén a ambos na zona media-alta da táboa. Na próxima xornada, varios encontros chaman a atención dos afeccionados, pero especialmente o duelo de Mazaricos, entre o once local e o líder, Corme, unha das probas de lume que lle restan aos azuis de aquí ao final de campaña. En Cee, o derbi contra o Corcubión chega con ambos equipos separados por tres puntos e coa permanencia en xogo. Laxe, Baíñas e Porteño visitan tres campos moi complicados, como o son os de Castriz, Buño e, especialmente, o choque nas Rocheiras de Coristanco, onde os locais e Porteño xóganse máis que tres puntos de face á permanencia. No resto de encontros, Baio e San Lorenzo teñen que intentar sumar os tres puntos e ver de raspallón o Mazaricos-Corme para as súas aspiracións de face á zona nobre da clasificación, mentres que o Ponteceso quererá recuperar o perdido ante unha necesitada Esteirana. Monte Louro e Cerqueda enfróntanse empatados a puntos e con tranquilidade na táboa clasificatoria.   Goleada xalleira no derby de Preferente Segue o seu ritmo ascendente o Xallas, que non atopou dificultades para superar con contundencia a un Soneira moi desafortunado, que xa ao descanso perdía na Fontenla por 4-0. O resultado final demostra a diferenza actual entre un conxunto que busca a promoción de ascenso a Terceira División e outro que intenta escapar de quéimaa do descenso a Primeira. En Sofán, o locais sufriron de xeito abondo para sumar un novo triunfo, nesta oportunidade ante un Ribadeo que mantivo o 0-0 ata os minutos finais da contenda, con xogadores experimentados nas súas filas como Mauro Perotti ou Rafa Casanova, que chegaron a xogar en categorías moito máis altas. Na próxima xornada partido clave para o Xallas en Viveiro, ante un conxunto do que lle separan catro puntos e que mellorou ostensiblemente nas últimas xornadas da man de Germán Amil. Complicado encontro para o Soneira no Municipal, onde se medirá a un Paiosaco lanzado en pos dos postos de ascenso directo e que ocupa a terceira praza da clasificación a un punto do Estudiantil e dous por encima de Laracha e Xallas. A Sarria irá o Sofán para render visita a un conxunto sumido no descenso como o é a Sarriana, pero complicado de bater, pois o Noia, na última xornada, derrotoulle por 3-1 moitísimo traballo.   Ok Dumbria e Fisterra; Ko, Zas e Outes Dumbría, unha xornada máis, e Fisterra, a domicilio os dous, sumaron sendos triunfos que lles achegan un pouco máis aos seus obxectivos de principio de tempada. Mentres, o Sporting Zas víase sorprendido no seu terreo polo Puebla e o Outes, pese a manter o 0-0 ata o minuto 70, perdía co líder no Conchido. Os goles de Adrián e Darío Capelo outorgaron unha nova vitoria ao Dumbría, neste caso no derbi ante o Outes, onde os xogadores de Cambeiro buscaron conter o potencial visitante, pero ao final os pupilos de Julián Ferreiro fixéronse cos tres puntos en xogo. En Zas, sorpresa pola inesperada derrota do Sporting ante un Poboa que se aproveitou dos numerosos erros á hora da definición dos locais para sumar un triunfo máis amplo do merecido, e que deixa aos sportinguistas nuevamente na zona de intranquilidade. Ben o Fisterra, que segue sumando e de xeito merecido, sobrepoñéndose a dous penaltis en contra, o segundo deles no tempo de desconto, superando a un Riveira que tampouco está moi tranquilo na clasificación e que non está cumprindo as expectativas do principio de tempada. Na próxima xornada, non poden fallar Sporting Zas e Dumbría ante os dous equipos que pechan a táboa clasificatoria, Escravitude e Villestro, respectivamente, mentres que o Outes terao máis complicado ante o Poboa en terreo deste e o Fisterra pode case certificar o seu permanencia de superar ao histórico Flavia de Padrón en terreo fisterrán.   Fin da segunda volta en Terceira Final da segunda volta na Terceira Autonómica, cun Muxía que empató en Cabana ante un conxunto que se engancha á zona de promoción de face aos últimos nove encontros de competición. O Ameixenda case se asegura a súa presenza nesa promoción tras superar a un Lira que non termina de arrincar trala sustitución de Manín á fronte do equipo liracho, aínda que, do mesmo xeito que o Nantón, a promoción parece que non se lles escapará. O quinto posto de face a ese play-off de ascenso, ten varios candidatos, pois ao Castrelo e Volantes, que levan moitas xornadas pugnando por esa posición, úneselles o Cabana, a dous puntos do Castrelo, e achégase o Seaia, que con 18 puntos inicia a terceira voa a catro puntos do Castrelo. Na próxima xornada, tres partidos que poden clarificar moito o camiño, coa visita do Seaia a Nantón; do Volantes a Cabana e un Castrelo-Lira que se leva a palma. O Ameixenda é favorito ante o Outes B, do mesmo xeito que o Muxía que rende visita ao Camelle.   Os descensos por arrastre Aínda que aínda resta moita competición por diante, a verdade é que os equipos comezan a mirar ás categorías superiores cos descensos e arrástrelos que se poden producir. En Segunda B, o Somozas parece cos dous pés en Terceira División, co Boiro na promoción. Esta situación faría que de 3ª División, a día de hoxe, serían 5 os equipos que perderían a categoría, os catro oficiais e un arrastre, e deles catro serían para o grupo de Preferente Norte. Por iso, perderían a categoría 7 equipos en Preferente Norte, dos que 2 recaerían no grupo segundo de 1ª Autonómica (Bertamiráns e Soneira), pois o resto irían ao grupo primeiro (Sada e Betanzos) e tres ao terceiro (Sarriana, Chantada e Lemos). En 1ª, polo tanto, serían cinco os equipos que descenderían, co que, a día de hoxe, Sporting Zas e Outes estarían no descenso á Liga da Costa, e nesta perderían a súa condición os tres descensos oficiais e os dous arrastres, que ocupan actualmente Coristanco e Corcubión. Pero, repito, restan moitas xornadas e pode pasar de todo, ademais das promociones de ascenso e as salvacións de equipos que agora están inmersos no descenso.  
  • Manuel Corredoira, Entrenador UEFA PRO, Nacional Nivel 3 de Fútbol e Director Deportivo pola RFEF, formador da Escola Galega de Adestradores, actual coordinador das Escolas de Fútbol Base de Zas e Delegado da Federación Galega de Fútbol para a Costa.
A pipa de Corredoira

A Pipa de Corredoira

Fonte

Comentarios