Basti e Alex Flores, os pichichis de inverno no Futbol da Costa

Chegamos ao ecuador da temporada, e xa temos aos pichichis de inverno nas 2 principais ligas, esquecendo unha Preferente na que os nosos están aciagdos cara gol.

Facemos caso, coma sempre, das táboas de Luís Porto, que cada semana espera a nosa confirmación cando hai discrepancias entre as nosas crónicas e as actas arbitrais. Como non, a maioría das veces temos nós razón…

Escaseza na Preferente

Na Preferente hai pouco que contar pois os nosos equipos están entre os menos goleadores da Liga. O Dumbría é o peor nese apartado, con só 8 tantos en 19 xornadas… Mentres, o Xallas é o 3º, só por riba do pechacancelas O Val, con 17 goles a favor. Así, apenas aparecen, moi abaixo, os xalleiros Coria, Becerra, Kevin e Doro, con 3 tantos. No Dumbría, só Brais supera a barreira do gol, con 2 tantos.

 

Basti e Lucas á cabeza

Segue sendo Basti o máximo goleador, non só da Costa, se non da categoría. Os seus 14 goles superan en só un aos puntas do Cordeiro e do Unión, e só 2 a un Lucas que está destapando a súa faceta goleadora ante a falta de Alejo no 11 cormelán. David Sampedro está achegándose aos de arriba, igual que Vía Rápida, Juan Chans e o eterno pichichi sofanista Raúl.

Xogador	Equipo	Goles
Basti	Soneira	14
Lucas	Corme	12
David Sampedro	Outes	9
Vía Rápida	Soneira	8
Raúl	Sofán	8
Juan Chans	Corme	8
Alejo	Corme	7
Piki	Outes	6
Charro	Malpica	6

 

Duelo de ex compañeiros na Liga da Costa

As goleadas están sendo importantes nesta pelexa, e vemos como os máximos goleadores aproveitan os “minutos do lixo” para aumentar a súa conta. Así están os 2 de arriba, pelexando, con Álex Flores e David Blanco pelexando man a man. Os ex compañeiros no Zas demostran o seu potencial, co dianteiro uruguaio agora en Castriz. De preto os segue o amarelo Estéfano.

Matías

Xogador	Equipo	Goles
Álex Flores	Castriz	21
David	Blanco Zas	20
Estéfano	Mazaricos	18
Yuyo	Camariñas	15
Róber Pladur	Esteirana	14
Juni	San Lorenzo	12
Yanki	Volantes	12
Adrián Makaay	Fisterra	12
Javi Suárez	Baíñas	11
Alberto Recarey	Ponteceso	10
Manuel Luís	Carnota	9
Santi	Cabana	9
Sande	Zas	9
Fuentefría	San Lorenzo	9
Chenel	Mazaricos	8
Baíñas	8

 

Empate na 3ª

As rotacións deixan ao actual pichichi da 3ª, ao corcubionés Iago Lema, por detrás de dous novos artilleiros da competición. Lema suma 9 goles, polos 11 de Geiko (Montelouro) e Enmanuel (Nantón). O cabanés colle o relevo ao mítico Luís Giancé.

A cousa está apretadísima porque o tamén corcubionés Roi (dumbriés ex do Malpica e do Cee) e Esteban, do Castrelo, suman 8 gole,s polos 7 do laxense Reigía e 6 do seu compañeiro Samuel Lema e do muradán Sergio.

 

Novas relacionadas

• 19-11-15: Grandes nomes nas listas dos Pichichis da Costa.

Pichichis do ano pasado

• Iago Lema e Nacho, pichichi e porteiro menos batido da 3ª.
• Alejo e Piti, os primeiros pichichis do curso.

Máis información

• O cadro da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Redacción de QPC (info∫@quepasanacosta.com).