Manín, Chema Rei, Marcote, Lema Suárez e Bebeto Convertiuse o acto de presentación do libro “50 anos da historia do Fútbol da Costa”, nun fermoso evento para lembrar o pasado dun club senlleiro. Os autores, Xosé María Lema Suárez e Chema Rei, tiraron de grandes persoeiros do fútbol fisterrán, como son Bebeto (Gabriel Riveiro) e Manín (José López Marcote), ambos protagonistas con nome propio na enciclopedia do noso fútbol, para conseguir que máis de 70 persoas asistisen ao Salón de Plenos do Concello. O acto, presidido polo alcalde, José Marcote, tivo o punto máis emotivo coa homenaxe que os Rapacollóns, a nomeada Mellor Afección da Costa na Gala QPC do pasado verán, en nome de toda a SD Fisterra, lle quixeron render ao eterno capitán. Bebeto foi o encargado de presentalo, despois de lembrar que a primeira novela do propio Lema Suárez, ”Costa do Solpor”, ten na Fisterra do séc. XVIII un dos seus principais escenarios. Manuel Cartamil, coñecido na casa como "Gringo”, foi tantos anos o gran capitán do barco da SD Fisterra, e este ano dá as últimas patadas ó balón no Lira ás ordes do propio Manín. Un Cartamil que foi un dos que deron un paso adiante cando o barco se afundía hai uns anos, formando unha nova directiva con varios xogadores, e que ata agora non puido disfrutar dun recoñecemento na súa propia casa, e que por sorpresa, recibiu emocionado agradecemento a todos os que compartiron con el tantos anos de verde, e especialmente aos seus fillos e á súa muller Rosa. [fbvideo link="https://www.facebook.com/FutboldaCosta/videos/1118809081571081/" width="660" height="400" onlyvideo="1"] Houbo moito tempo para falar da historia da gran canteira do fútbol costeiro. Chema Rei fixo un resumo da historia do fútbol fisterrán, que destacou e destaca pola súa inesgotable canteira. Como non podía ser doutro xeito, saíu a colación unha das frases máis míticas na vila do Cristo: ”dás unha patada a unha pedra e aparece un futbolista”. Pola súa banda, Lema Suárez fixo un repaso da estrutura desta necesaria enciclopedia do noso fútbol. Tomou a palabra Manín, historia viva do fúbol costeiro, e o fixo co sentido do humor habitual. Contou unha ducia desas anécdotas que darían para varios libros, e fixo rir a todos os asistentes, entre os que se atopaban escritores fisterráns coma Roberto Traba -o dono do Bar A Galería- e Alexandre Nerium (Manolo López, o poeta e guía do Museo da Pesca).

Novas relacionadas

• A presenza dos clubs de Mazaricos no libro “50 anos do Fútbol da Costa”.
• Presentación en Corcubión: “Entre todos creamos do Fútbol da Costa unha lenda. Que morran de envexa”.
• Sermos repasa os 50 anos do Fútbol da Costa co libro de Chema Rei e Lema Suárez.
• “Entre todos creamos do Fútbol da Costa unha lenda. Que morran de envexa”.
• Unha viaxe polos 50 anos do Fútbol da Costa.
• O libro Mar de Paixón nace percorrendo ducias de anécdotas sobre a historia do Fútbol da Costa.

Artigos relacionados sobre a historia do Fútbol da Costa

• Lema Suárez: A curiosa prehistoria do fútbol da Costa daqueles anos vinte.
• Chema Rei: Aqueles anos no Balsiño.
• Xosé María Lema Suárez: O 12 de abril, a data exacta dos 50 anos da Liga da Costa.
• Xosé María Lema Suárez: O ascenso, a celebración ideal do cincuentenario do C.D. Baio.
• Xosé María Lema Suárez: A repercusión mediática do libro do Baio e Liga da Costa (II).
• Xosé María Lema Suárez: A repercusión mediática do libro do Baio e Liga da Costa.

Artigos de Héctor Pose do libro “Mar de Paixón”

• Un árbitro á sombra dun rododendro.
• Os imprescindibles.
• Miculita-Sieso-Manín: tridente letal.
• O Míster.
• Manolo… Manolo Casal.
• Periscal e… gol!.
• Remexer nos papeis doutros.
• Tonié.
• Un gol en Santa Comba.
• Domingo de fútbol.
• Un Mar de Paixón: Un proxecto…, xa traxecto.

Fonte

• Redacción de QPC ([email protected]).