Intensa chega esta eliminatoria de Dezaseisavos da Copa da Costa 2013, que xa segue paralela á Copa Xuvenil e á Copa de Veteranos, e das que tendes os cadros en www.copadacosta.com.

E o fai a partido único, algo que dende logo dá moito máis tensión a cada choque. Unha Copa da Costa que cumpre 50 anos, como nos demostran os bravos da Cherinkas co seu vídeo homenaxe, e que invitan aos campos a pinchar o temazo dos Troitamundos da Copa da Costa. Unha Copa da Costa que este curso en QPC vén patrocinada por Senra Sport.

E uns Dezaseseisavos nos que faltan algúns equipos eliminados nunha tensa Previa, na que a Esteirana superaba o derbi muradán ante o Volantes e o Sofan facía o propio en Verdillo nun partido de infarto, de auténtica Copa. Unha Previa na que tamén o Carnota eliminaba por 2-1 ao Muros, e o Baíñas facía o propio co Outes facendo valer o factor cancha para o de menor categoría.

Precisamente o factor cancha permite que o Baíñas reciba ao Carnota no Municipal, nunha tarde de mércores consabor a Copa en Vimianzo,pois de seguido toca o Castrelo-Lira. Tamén terá o factor campo a favor o Muxía ante un Ponteceso que ten a mirada máis fixa na Liga que na Copa.

Atentos teremos que estar ao que fan os equipos da Preferente, xa sen moito en xogo na Liga, e que queren aproveitar esta que pode ser o último ano no que os equipos da Preferente entren no bombo, unha petición que facían a semana pasada os clubes da Costa nunha reunión con pouco aforo, e que non ten o consenso de todos os clubes.
En todo caso, o Dumbría terá un complicadísimo choque ante un Cee que ten que tomarse esta Copa como un claro obxectivo. O XSC visita ao Nantón, nun partido que non pode perder, mebtres que o Soneira ten cita en Buño.

Cómpre resaltar algunha eliminatoria tremendamente igualada, como o Esteirana-Sofán, na que os muradáns chegan pero coa necesidade de seguir sumando na Liga mentres os carballeses xa están liberados de tensións ligueiras. O Corcubión-Zas tamén será vibrante e o resto de partidos serán os seguintes, cos horarios xa perfilados tralas voltas da Federación:

A seguinte rolda, a de Oitavos, será xa as fins de semana do 19 e 26 de maio, unha vez que rematen o groso das competicións ligueiras. E todos xa cun ollo na gran Festa do Fútbol da Costa, a Final de Copa, que este ano, por fin, será tamén a un só partido. A cita, o 30 de xuño, para entrarmos no verán con gusto.

Máis información

• www.futboldacosta.com.
• Cadros da Copa da Costa 2013.

Novas relacionadas

• Os Clubes da Costa piden a unificación das Ligas Xuvenís nunha reunión con pouco aforo.
• 50 anos da Copa da Costa cos Oliver e Benji do Ghañan Style.

Crónicas da semana

• 3ª Autonómica: O IDC celebra o ascenso e o Porteño gaña o derbi.
• 2ª Autonómica: O Cee despídese do ascenso e os de abaixo rezan contra os arrastres.
• 1ª Autonómica: Ao borde do abismo.
• Preferente: Pasando xornadas.
• Resultados e análise da xornada da última fin de semana de abril.

Artigos relacionados

• Alberto Pose: Do auténtico fútbol da Costa. Con Manolín.

Fonte

• Redacción de Deportes de QPC ([email protected]).