Martes. 06.12.2022
El tiempo

Cinco campións do mundo compiten no VIII Open de Pesca Río Xallas

Cinco campións do mundo compiten no VIII Open de Pesca Río Xallas
O campionato tera lugar no coto Xallas-Beba a vindeira fin de semana O campionato tera lugar no coto Xallas-Beba a vindeira fin de semana O río Xallas, ao seu paso por Dumbría e Mazaricos, acolle a vindeira fin de semana o VIII Open de pesca a mosca por parellas, organizado polo clube Salmo en colaboración co concello de Dumbría e outros colaboradores. No evento - de enorme éxito na edición do ano pasado - participarán un total de 68 deportistas entre os que destacan David Arcay, Pablo Castro e Jordi Oliveras - actuais campións do mundo coa Selección Española nesta modalidade -. Á cita tamén acudirán o italiano Valerio Santi Amantini - bicampión do mundo Individual e segundo no Ránking Mundial - e o seu compañeiro Andrea Adreveno - campión do mundo por equipos coa Selección Italiana -. Ademais, deportistas belgas, franceses, portugueses así como unha boa parte da alta competición do panorama nacional e galego participarán neste Open. A proba desenvolverase no coto do Xallas-Beba; un dos poucos ríos galegos regulados para a pesca sostible sen morte. O río dividirase en 17 tramos que se distribuirán por sorteo entre os deportistas; serán oito mangas de dúas horas de duración. No mes de xullo, celebrarase neste mesmo escenario o Campionato de España Xuvenil e no de agosto o Campionato do Mundo Xuvenil. O Open de Xallas é unha das competicións máis relevantes no eido nacional e internacional e conta cunha longa lista de espera de competidores que desexan ter praza para asisitir ao evento. Novas relacionadas Fonte     

comentarios