Segue espallándose o xadrez pola bisbarra. E se as zonas de Muxía, Corcubión, Camariñas e Fisterra xa están invadidos, esta pasada fin de semana o desembarco do navío "Xadrez" tocaba en Carnota.
Este sábado pasado, día 4 de xaneiro celebrouse a Fase Cormarcal de Xadréz "Xogade" Torneo Concello de Carnota. Coma sempre, foi éxito de participación, só do Colexio Peleteiro de Santiago chegaron 19 xogadores, do Club de Xadrez Cabo Touriñán, e da Asociación Cultural Canle de Lira, ata lograr un total de 42 xogadores, cabe resaltar a participación activa do alcalde de Carnota, Ramón Noceda, que sen complexo ningún se sentou a xogar e a gozar dunha marabillosa tarde de xadrez, a parte da implicación amosada para que este acto se celebrase sen ninguna falla, e colaboración na organización en todo momento.

Botouse de menos a participación dalgún neno do Concello carnotán, pero vista a implicación, non creo que tarden en resolver este asunto xa que se acabou falando de montar unha escola de xadrez en Lira - Carnota. Non se pode catalogar doutra forma máis que de exitosa xornada, de tarde fantástica e distinta, e cabe destacar enfrontamentos entre maiores e nenos, nos que algún neno lle ensinaba algunhas normas de comportamento ante un taboleiro a algún adulto que era novato nestas lides.

Risas, silencio entre partidas, e sobre todo, outro éxito de organización do Club de Xadrez Cabo Touriñán, que grazas ao seu esforzo podemos gozar deste magnifico deporte na Costa da Morte. "Viva o Xadrez".

Cómpre resaltar tamén a asistencia de público, pois houbo momentos nos que non se cabía, entre familiares dos xogadores e aficionados o xadrez. Un pai de xogadores ademais animouse a mover unhas fichas.

Novas relacionadas

• O xadrez faise grande nos Faros da Costa da Morte.
• A Costa da Morte no epicentro do xadrez mundial.
• O xadrez invade a fin da terra.
• 5 Grandes Mestres Mundiais participarán no Torneo Internacional de Xadrez Entre Faros.
• A bitácora da semana (CCXXXI): Chess Faros.
• A bitácora da semana (CCXXXII): Chess da Costa.

Máis novas

• Coñecendo mundo a través do xadrez.
• O xadrez muxián invade toda Galicia.
• A semente do xadrez prende en Muxía que xa conta con dous clubes.
• Unha festa deportiva para pechar o 1º Circuito de Xadrez da Costa da Morte.
• O tenis de mesa pechou unha exitosa I Liga Intermunicipal cun gran ambiente e vitorias corcubionesas.
• A xogada mestra (XXVIII): O reMate con Garri Kasparov.

Fonte

• Redacción de QPC ([email protected]).