Segue a Costa da Morte volcada coa familia de Abdoulaye. Se todos os equipos están realizando colleitas para axudar á familia a repatriar o corpo e poder acompañalo nos ritos locais, dende Corme nace unha nova iniativa.

Tras a reunion que mantiveron na tarde-noite deste mércores a Asociación Deportiva Vidú e o Corme CF co resto de clubes costeiros, estes chegaron a un acordo para poñer en marcha o I Memorial Abdoulaye Fall Seck, un evento que se celebrará o vindeiro sábado 30 de abril ás 12.00h no Municipal de Arliña (Muxía).

Neste emotivo acontecemento enfrontaranse o Muxía CF cadete, equipo no que militaba o rapaz senegalés, e unha selección da Costa da mesma categoría. Este combinado estará composto por un ou dous xogadores de cada un dos equipos que militan na liga da Costa cadete.

Durante o transcurso do encontro sortearase material deportivo como unhas botas firmadas por David Villa, entre outras cousas, para recaudar fondos para a repatriación de Abdoulaye ao seu país natal.

Novas relacionadas

• A bisbarra solidarízase coa familia de Abdoulaye.
• Consternación costeira pola morte dun xogador do Muxía de 15 anos

• A.D. Vidú e Comre CF.
• Redacción QPC ([email protected])