Pleno de derrotas na familia do ACB nunha fin de semana para olvidar e seguir traballando.

3ª División Sénior Masculino

• Resultado: XERIO - ACB COSTA DA MORTE (63-35)
• ACB: Nefri (2), Diego (5, 1Triple), Jose (3), Tinin (9), Deril (16, 2Triples).

Contundente derrota do sénior ante o segundo mellor equipo da liga. O equipo costeiro so se presentaba na pista da Riazor con cinco xogadores dadas as múltiples baixas do equipo por diversos motivos. Pese as baixas, e a non contar con cambios o equipo céense saíu concentrado e disposto a non entregar o partido facilmente e pese a que a circulación de balón non era excelsa si o foi o acerto o aro e cun bo xogo individual. Así se chegaría ao descanso co partido empatado a 25 e con todo por decidir.
Tras a reanudación todo cambiou, o equipo local fixo patente o seu dominio no poste baixo e cun parcial de 20-2 sentenciou o partido no terceiro cuarto.
Pese a derrota, boas sensacións, o equipo conseguiu competir en todo momento e dar unha boa imaxe.

2ª División Sénior Feminino

• Resultado: MARISTAS - ES BAZARRA COSTA DA MORTE (55-47).

Lástima de terceiro cuarto onde as costeiras perderon todo o gañado ata ese momento no mellor partido de todo o colectivo no que levamos de temporada. Boa circulación de balón co manexo de Fani, rápidos contraataques con Sandra, dominio no poste de Esther e unha Yaiza inspiradísima desde todas as posicións do perímetro (20 puntos) deron lugar ao mellor nivel de baloncesto das sénior.

Aínda así, tras o pésimo terceiro cuarto e a indudabre categoría do rival, perderían o partido nos minutos finais do encontro, levándose o equipo coruñés a merecida vitoria na súa cancha.

2ª División Junior Feminino

• Resultado: CE CUME CEE - CB CULLEREDO (36-72).

Mal partido dos locais do que puideron rescatar o primeiro cuarto no que a garra sempre estivo presente, pero desapareceu a partires do descanso. Destacar o bo partido dos visitantes, lideres da categoría que non deron ningunha opción os censes. Co partido resolto os locais maquillaron o resultado no derradeiro período, anotando neste cuarto mais puntos que en todo o que se levaba de partido.

2ª División Cadete Masculino

• Resultado: CD LOS ROSALES - COSTA DA MORTE (70-37).

Bo medio partido dos rapaces que aguantaron do partido ata un descanso empatado. Tras a reanudacion o equipo coruñés moito mais físico non dou opción e se levou unha cómoda vitoria.

2ª División Infantil Masculino, xornada 10

• Resultado: LICEO LA PAZ - FERROATLANTICA ACB COSTA DA MORTE (58-8).
• ACB COSTA DA MORTE: Lois (2); Fran; Ramiro (2); Miguel; Alvaro (4) – quinteto inicial-, David; Guillermo; Javi.

O equipo infantil sigue colleitando derrotas na súa liga, pagando a súa falta de acerto no tiro, pero pouco a pouco van xogando e mellorando no seu xogo.

2ª División Infantil Feminino

• Resultado: CB CULLEREDO - FERROATLANTICA COSTA DA MORTE (62-35).

Mal partido das pequenas do ACB ante o líder da categoría que non daría opción en ningún momento e se levaría unha fácil vitoria, cortando así a racha das censes de tres partidos consecutivos gañando. Derrota xusta, pero que serve para coller forza para o tramo decisivo da liga con tres partidos onde so vale gañar.

Novas relacionadas

• Basket: As Júnior do ACB celebran un título.
• Basket: As mozas seguen mantendo o nivel do ACB.
• Basket: As mozas ao poder.
• Fin de semana de vitorias, derrotas e desculpas para o baloncesto costeiro.
• Arrincou a tempada para o basket costeiro con boas sensacións.

Fonte

• Redacción de QPC (info@quepasanacosta.com).
• ACB Costa da Morte.