FSF: Comezou a 1ª Galicia con derbi e debut

07:34 17/10/17

Imaxe do derbi que abría a 1ª Galega entre Atletes-Ponteceso FSF Arrincou a 1ª Galicia (a antiga Liga Provincial) e o fixo con dous focos de atención. O primeiro, no municipal de Esteiro, onde o Atletes recibía ao Concello de Ponteceso no primeiro derbi da campaña. Un partido ben vibrante que caía do lado pontecesán. Ademais, debutaba o Amarelle Concello Santa Comba, e facíao con goleada demostrando que aspira a todo. Por arriba, o Fisober segue sen sumar na 2ª División Nacional, na que o Viaxes Amarelle de Patri e Inés seguen sumando. Por Cee, as viaxes das Centolas e dos mozos, depararon doble derrota.

2ª División Nacional, Gr.IV, xornada 5

Resultado: FISOBER F.S.F. – C.D. FUTSI ATLÉTICO B (0-2).
FISOBER: Lía, Ana, Paula Fandiño, Carla, Mai; tamén xogaron: Taibo, Ainho, Andrea M., Laura, Noe, Bárbara.
Goles: 0-1 min 3 Alba, (descanso), 0-2 min. 40 Andrea.

Ahinoa co Fisober Partido cheo de ocasións por ambos conxuntos, no que o filial fo Atlético o único que foi quen de aproveitalas. Un partido tolo tiña que arrancar dunha maneira tola, cun lanzamento lonxano das visitantes que bicou a parte de arriba do longueiro. Non tardaron en adiantarse as visitantes e foi aos tres minutos por mediación da súa capitana Alba que poñía en vantaxe o filial do equipo máis poderoso de España. Non se viña abaixo o Fisober a pesares de tan mal inicio e case de seguido Carla tiña unha moi boa ocasión para igualar. O partido non tiña un dominador claro e os minutos ían pasando. As madrileñas impuñan un forte ritmo de xogo e o Fisober respostaba, e Paula Fandiño e Bárbara tiveron o empate nas súas botas. O inicio da segunda metade o Fisober tentou a igualada, primeiro unha dobre ocasión de Noe e Mai e uns minutos despois a mesma Mai case conseguen a igualada. O ritmo non baixaba e o cadro visitante tamén mandaba un balón ao pau, ao tempo que Carla marraba un man a man. O ritmo era frenético pero a expulsión, polémica, de Mai deixaba ao Fisober en inferioridade. Non sufríu demasiado o Fisober pero o esforzo físico acabouse pagando e houbo varias chegadas que rozaron o empate, ata que xa a 20 segundos do final, o equipo madrileño finiquitaba o partido.

Andrea co Fisober

1ª Autonómica Feminina, xornada 5

Resultado: Villa de Cee “O Semáforo” - Bembrive (0-6)
O Semáforo: Adriana, María Lijo, Alba Cambeiro e Alba Trillo e Andrea. Tamén: Paula Trinidad Marta, Tamara, Alejandra e Maria do Pindo.

Mal partido en Cee para as Centolas, que seguen sen sumar en 4 partidos. As Centoliñas recibían na casa a un dos cocos da Liga, Bemvibre FS, actualmente 3ª clasificado e a 1 punto do primeiro clasificado. Comenzaron moi ben as ceesas, e nos primeiros 5 minutos dominaban totalmente o encontro, xenerando boas ocasións e defendéndose perfectamente. Tan só, nunha xogada illada marcan as do Bembibre un golazo nun disparo lonxano que entrou pola escuadra. Aínda así as locais seguiron dominando o partido e creando as suas ocasións, pero nos instantantes finais da primeira parte nos 2 últimos minutos dous graves despistes por falta de concentracíon costaron dous goles, remantando cun 0-3 e tirando abaixo todo o bo traballo que se había realizado nos primeiros 18 minutos. Xa na segunda parte foi un querer e non poder, outra vez remando co resultado en contra en ningún momento tiveron as locais posibilidade de remontar, non conseguindo facer un bo xogo en ningún momento. As estrelas nesta xornada para as Centoliñas, 3* Adriana bo traballo na porteria sobre todo na segunda parte , 2* Marta, este posiblemente sexa unha das xogadoras mas regulares, 1* Alba Cambeiro. A vindeira semana tócalles viaxar as rapazas de Santi, nesta ocasión a Pontevedra a casa do lider LEIS DE PONTEVEDRA, igual co masculino, en este comenzo de liga o calendario non perdoa, tocándolles nestas 6 primeiras xornadas cos candidatos a gañar a liga.

3ª División Nacional, xornada 5

Resultado: Sport Sala Culleredo - FSF Villa de Cee (8-1)
FSF Villa de Cee: Bruno, Aitor, Ángel, Santi e Marroco. Participando tamén Perce, Mixi, e Pepe.

Os chicos do Villa de Cee FSF Nada puido facer o Villa ante o potente líder da clasificación, o único invicto da categoría. Partido malo en términos xenerais, prexudicados na primeira parte polas decisións arbitrais, como habitualmente, cunha clarísima expulsión do porteiro contrario por mans fora da área cortando unha clarísima ocasión de gol, expulsión do adestrador, desafortunados de cara o gol con catro balóns os paus, e todo contra o líder da clasificación. A vindeira semana empeza a calmarse o calendario dos ceeses, os cales neste inicio de liga xa se enfrontaron os principais equipos do campionato incluído o primeiro e segundo clasificado. A vindeira semana recibimos o CARBALLIÑO FUTBOL SALA, esperamos poder brindar a primeira vitoria na casa os seareiros.

1ª Galicia Feminina, xornada 1

Resultado: AD Atletes - Concello de Ponteceso FSF (4-8)

Atletes FSF de Esteiro 17-18

AD ATLETES: Mariña, Leticia, Martina, Antía e Ana - tamén xogaron - Cristina, María Julia, Marta, Sara e Ainoa.

O Concello de Ponteceso FSF comezou a campaña vendendo no derbi en Esteiro

AD VILA DE PONDAL - CONCELLO DE PONTECESO FSF: Uxía, Nuria, Alba, María e Vero - tamén xogaron - Martina e Saray.
Goles: 1-0, m.5: Ainoa; 1-1, m.7: Alba; 1-2, m.8: Nuria; 1-3, m.9: María; 2-3, m.12: Antía; 2-4, m.21: Alba; 2-5, m.25: Ana en propia; 2-6, m.26: Alba; 3-6, m.32: Ainoa; 4-6, m.32: Sara; 4-7, m.37: María; 4-8, m.40: Alba.

O Municipal de Esteiro abríu a campaña na 1ª Galicia (anterior Liga Nacional). Foi un choque moi intenso, e vistoso, que demostra que o Atletes por fin vai competir en serio, despois do visto ante un equipo experimentado e con calidade como o pontecesán. Empeza o partido co Atletes facendo presión sobre as xogadoras do Ponteceso, que durante o inicio do partido incomoda de algunha maneira o xogo das de Ponteceso, que aínda así conseguen superar esa presión nalgunha xogada para ter os primeiros avisos. Froito da presión das locales, os cinco minutos do encontro, marca para as esteiranas, Ainoa, que xa se viña mostrando como a xogadora local máis incisiva. As de Ponteceso non se deixan dominar, e os seis minutos e medio, empata Alba, unha das destacadas do partido. O claro baixón das locais permite que Nuria e María poñan o 1-3 no luminoso. Aínda Alba e Saray puideron ampliar a vantaxe, pero era Antía a que recurtaba e poñía o 2-3 nun doble penalti moi ben lanzado. Os últimos minutos da primeira metade deixaban varias ocasións nas dúas áreas cunhas xogadoras de Paco máis metidas no partido. Uxía desbarataba un doble penalti e varios tiros lonxanos en contras das esteiranas, mentres que o Ponteceso tampouco acertaba. No segundo período sairían con máis ganas as xogadoras de Curro, que ampliaban distancias por medio de Alba a menos de 1minuto da reanudación. Respondía o Atletes, cunha ocasión que salva Verónica, pero xa non era capaz de exercer a presión da primera metade, e o Ponteceso faise dono total do partido. Alba dirixe o seu antoxo o partido e o Atletes non e capaz de sobrepoñerse o dominio das pontecesás. Ante o descontrol das locales, chegado o minuto vintecinco do partido, Ana, marca en propia meta, poñendo o 6 a 2 no marcador para as visitantes. Un minuto mais tarde, Alba consigue un extraordinario gol dende fora da área das esteiranas que se cola na portería polo ángulo izquerdo da meta esteirana. Nuns minutos de baixón defensivo das da vila de Pondal, volvería recortar distancias o conxunto local, conseguindo dous tantos por medio de Ainoa e Sara, tas boas combinacións con Leti. Xa era tarde para remontar pero si que houbo ocasións para os dous equipos quedando 4-8 o marcador final. Alba, sobre todas, e María destacaron polas visitantes, e as locais non desentonaron, sendo Ainoa a máis destacada, acompañada de Sara, que a pesares de súa xuventude tamén deixou ver detalles de boa calidade.

1ª Galicia Feminina. xornada 1ª

Resultado: Ulla Oil Vedra FSF - Amarelle Concello Santa Comba (1-6)
Goles: 0-1 Violeta (min. 12); 0-2 Tati (min. 16); 0-3 Violeta (min. 27); 0-4 Nerea Míguez (min. 31); 0-5 Nuria (min. 32); 0-6 Nuria (min. 34); 1-6 Ainoa (penalti) (min. 40).

O Amarelle Concello Santa Comba, dirixido por Suso Yanes, estreouse na nova competición provincial de fútbol sala feminino cunha contundente goleada por 1-6 sobre o Ulla Oil Vedra FSF no partido disputado esta tarde en Vedra, con goles de Violeta (2), Nuria (2), Tati e Nerea Míguez. Na primeira parte, o partido empezaba moitísimo respecto por ambas escuadras nos primeiros minutos da competición nesta nova tempada, pero a medida que pasaba o tempo, as xalleiras ían tomando o mando do partido e a querer tomar a dianteira no marcador, ata que Violeta no minuto doce de xogo anotaba o primeiro gol da tempada para o Amarelle Concello de Santa Comba. Co 0-1 no marcador, o partido ía máis rodado e a catro minutos do tempo de asueto Tati conseguía ampliar a distancia ata o 0-2, co que se foi ao tempo de asueto. Na reanudación, o conxunto xalleiro saíu para intentar certificar a primeira vitoria do ano e aos sete minutos conseguía ampliar a distancia ata o 0-3 cun novo tanto de Violeta. O Amarelle Concello de Santa Comba sentíase cada vez máis cómodo sobre a cancha e xeraba cada vez máis perigo conseguindo anotar dous tantos prácticamente consecutivos no minuto 31 e 32, obra de Nerea Míguez e Nuria respectivamente, para poñer o 0-5 no marcador. Pero o partido non quedaría aí e uns minutos máis tarde Nuria repetía e conseguía transformar o 0-6 que deixaba sentenciado o encontro. Malia a gran diferenza no marcador, as locais intentaban anotar o gol do honor, pero con pouca fortuna, aínda que xa co tempo prácticamente cumprido o colegiado pitó un rigoroso penalti con expulsión da porteira xalleira, Vanesa. E esta oportunidade non a desaprovecharía o Ulla Oil Vedra FSF, que por medio de Ainoa conseguía poñer o 1-6 final no marcador. Tras este primeiro encontro na Primeira Galicia Feminina para o Amarelle Concello de Santa Comba, agora queda seguir traballando durante a semana, para o próximo fin de semana enfrontarse contra o Sport Sala Culleredo FSF en horario e pabellón aínda por determinar.

2ª División Nacional, Gr.IV, xornada 4

Resultado: AD Alcorcón FSF B - Viaxes Amarelle FSF (2-2)
Viaxes Amarelle FSF: Carmen, Martita, Sheila, Patri, María Gómez (cinco inicial), Mónica, Tati, Inés, Marta Hermo.
Goles: 0-1 María Gómez (min. 1); 1-1 Marta de Diego (min. 11); 2-1 Carol (min. 12); 2-2 Carmen (min. 28).

O Viaxes Amarelle FSF das costeiras Patri e Inés mantén o liderato do grupo IV de Segunda División logo de salvar un punto na complicada cancha do AD Alcorcón FSF B, onde malia que as herculinas adiantáronse pronto, as locais deron a volta, e Carmen acabou anotando o gol do empate a falta de doce minutos para o final do partido.