FSF: Grandes tardes de fútbol sala

FSF: Grandes tardes de fútbol sala

07:55 09/02/16

O Fisober afronta a recta final ben situado

Xornada completa para o FSF, que tivo vario focos de interese. O Fisober mantense no grupo de arriba, 4ª a 3 puntos do liderado, pero varios dos equipos de arriba teñen un partido menos, aprazado polo entroido e a selección sub-17. Moi apretada está a zona alta, polo que está todo por decidir.

Xa na Liga Provincial, había derbi, pero de clara cor vermella. O líder, o Vila de Cee, arrasou co Atletes de Esteiro nunha tarde de bo fútbol sala no pavillón ceense, e mantén 7 puntos de vantaxe sobre o Ponteceso, que empataba no partidazo da xornada ante o 3º, o Grupo Work. Un punto de vantaxe manteñen as pondalianas sobre as herculinas na pelexa polo ascenso. Ademais, as Roxiñas non puideron coas de Fene.

E como dicimos a tarde no pavillón ceense foi completa, pois os chicos voltaban á competición e o facía con vitoria. Quedan así os ceenses 5º na táboa de clasificación a 3 puntos do 2º e con 2 partidos menos. A vindeira semana tócalles viaxar a Mera contra U.D. Liberdad , empatado a puntos co FSF Villa de Cee.

Liga Autonómica, xornada 18

Inés co balón

Resultado: BURELA F.S. PESCADOS RUBÉN – FISOBER F.S.F. (2-6).
FISOBER: Leti, Nuriña, Ana, Inés, Paula Fandiño; tamén xogaron: Noe, Tamara, Mai.
Goles: 0-1 Noe, 0-2 Inés, 0-3 Ana, (descanso), 0-4 Noe, 0-5 Noe, 1-5 Anna, 1-6 Inés, 2-6 Lara.

O mellor para o Fisober foi o resultado, nun mal partido moi lonxe da liña amosada no mes de Xaneiro, quizais condicionado por ser domingo de Entroido, no esixente calendario que lle espera as costeiras saberase. A domicilio as costeiras sempre sofren e os dous minutos xa tivo que aparecer Leti para desviar un lanzamento da local Noemi. A resposta no mesmo minuto foi por parte da visitante Inés. De novo tivo que aparecer Leti a lanzamento de Lara ós cinco minutos. O partido estaba algo tolo, espeso e sen control. Aos dez minutos tiña Inés de novo unha boa ocasión para as costeiras.

Todo trocou os catorce minutos cando Noe de tiro cruzado facía o cero a un para as visitantes. Máis aínda cando nese mesmo minuto Inés culminaba co dous a cero a mellor xogada do partido. Parece que o Fisober se tranquilizou algo e controlou máis o partido. Co terceiro visitante obra de Ana a minuto a medio para o fin poñían terra de por medio as costeiras. Resultado co que se chegou o tempo de lecer.

O comezo da segunda metade foi bo para as visitantes con dous lanzamentos o pau obra de Inés e Mai e unha boa ocasión para Tamara. Pero de novo co paso dos minutos volveuse a espesura da primeira metade. A oito para o fin marcaba Noe e pechaba o partido. Unha Noe que repetía co quinto a catro para o fin. Respostaba Anna co un a cinco a tres para o fin facendo un auténtico golazo. Inés facía o un a seis a falla de trinta segundos. E a local Lara facía o definitivo dous a seis a segundos do fin.

Liga Provincial, xornada 16

Juan Jesus coas rapazas do FSF VIla de Cee

Resultado: FSF Villa de Cee - A. D. Atletes, FSF (12-0)
FSF Villa de Cee: Adriana (2); Andrea; María de Dumbría; Carla; Alba (1); Marta (2); Serena (1); María Lijo (4); Paula (2); Vanesa.
A.D. Atletes FSF: Mariña (P); Cris; Marta; Bárbara; Alba; Antía; Ana; Sandra.

Partido sen historia, sobre todo pola enorme desidia das Esteiranas, que non fixeron honor a categoría de “deportistas”, segundo o seu propio adestrador. 120 persoas había na bancada para unha doble xornada de FS pero quedaron a medias.

Aguantaron as do Atletes, un pouquiño na primeira parte. Catro a cero en este período. Na segunda metade, simplemente foi un paseo militar para as líderes da categoría, que demostaron a súa clase, sobre todo Adriana, e María Lijo que conseguiu catro goles.

Liga Provincial, xornada 16

Resultado: Grupo Work - Ponteceso FSF (1-1)
A.D.VILA DE PONDAL-CONCELLO DE PONTECESO FSF: Melani, Aniña, Martina, Carmen e Sandra - tamén xogaron - Zeltia, Elsa, Noa, Carla e Cintia.
Goles: 0-1.- Sandra (min.13); 1-1.- Sandra (min.38)

Empezaba o partido co grupo work movendo o balón e o Ponteceso defendendo en cuadrado esperando a ver que facían as rivais. A primeira oportunidade do encontro chegaría para as coruñesas no minuto 7 tras un saque de córner, pero o balón pasaría por riba do longueiro. Responderían as pondalianas cunha dobre oportunidade, pero Carmen erraría na primeira e Ana mandaría fóra o tiro do rechazo.

Seguiría así a liña do partido, pero no minuto 13 chegaría o primeiro tanto, gol de Sandra que roubaba o balón no medio do campo e tiraba dende 3/4 entrando o balón po 4iva da porteira. Terían outra oportunidade as pontecesanas por medio de Noa, mentras as do work Seguían movendo o balón pero sen ocasións claras, polo que decidiríanse a sacar porteira-xogadora a 3 min do descanso. Achegaríanse máis á meta defendida por Melani as herculinas, pero sen xerar ocasións claras de perigo e probando con tiros dende lonxe. Chegaríase ó descanso co 0-1 no marcador.

Segunda parte como a primeira, co Work tendo o control do balón e Melani safando de varias ás pontecesanas e incluso mandando un balón ó pau. Volverían saír de 5 as coruñesas a 4 minutos do final, co Ponteceso cerrado atrás e defendendo ben o 5 vs 4, pero no único erro das pondalianas chegaría o tanto do empate cun gol en propia tras un tiro que toca nunha xogadora pontecesana a 2 min do final. Terían varias ocasións ambos equipos no último minuto, con xogada de Melani incluída, pero remataría o partido co 1-1 no marcador, un repartode puntos que serve para manter ós dous equipos no mesmo posto que a semana pasada na táboa clasificatoria.

Liga Provincial, xornada 16

Resultado: Concello Carnota Lira - Ártabras Fene (3-5)

Liga Provincial Masculina, xornada 16

Boa vitoria do Vila de Cee ante o seu publico

Resultado: FSF Vila de Cee - Gonaba Parrulo FS (4-2)
FSF Vila de Cee: Josiño, Purti, Juanjo, Marroco e Tomas, participando tamén Rafa, José Antonio, Aitor, Carlos, Champi.

Saíron a polo partido os ceenses dende o primeiro minuto, presionando o rival e levando a iniciativa, e conseguindo marcar nos primeiros 5 minutos o 1-0. Co marcador a favor dos Ceenses os visitantes reciben un regalo do colexiado en forma de penalti, significaba o empate 1-1, os rapaces do Fsf Villa de Cee, non se renderon en ningún momento e conseguen marcar por obra de Juanjo grazas a estratexia nunha bonita xogada precedida dunha falta a favor o 2-1, pero de novo volveu a aparecer o arbitro de novo e coma deveulle parecer pouco regalo o penalti aos visitantes, regalou outro mais, o cal supuxo o 2-2 co cal se foi o descanso.

Na segunda parte dominou o partido totalmente os ceenses, o Parrulo limitábase a defender e a intentar algunha contra, as cales eran perfectamente resoltas polos locais. Xa no ecuador desta 2ª parte Aitor consegue marcar e poñer o 3-2 a favor. Xa nos últimos minutos do partido o Parrulo intentou a desesperada saíndo de 5 co porteiro xogador intimidar os locais, os cales defendían perfectamente e xa faltando poucos segundos para rematar Aitor de novo marcaba o 4-2 definitivo.

As estrelas tocan 3* para Purti, posiblemente o seu mellor partido no que levamos de tempada, 2* Juanjo cun bonito gol de estratexia e 1* para Aitor, 2 goles.