FSF: O Atletes pon a súa mellor cara

FSF: O Atletes pon a súa mellor cara

08:14 14/02/17

As do Atletes, nun choque desta campaña, protagonizaron a mellor nova da fin de semana no FSF costeiro

Na 2ª División, fermosísimo partido o vivido no Conco, dos que fan afección polos goles e a emoción. Mágoa que os puntos marcharan para Zaragoza.

Xa nas Ligas Galegas, as mozas do Semáforo disputaban un estrano partido, e tras unha gran primeira metade na que lanzaron ata 7 balóns aos paus, desmororánose moralmente na segunda sufrindo un set ante o Santiago Futsal.
Pola contra, os chicos vencían un partido importante que os aúpa á 3ª praza, a só 3 puntos do 2º, se ben cun partido máis.

Na Liga Provincial, o Ponteceso FSF tiña oportunidade para ter cazado ao líder, pero na súa visita á Baña as de Pondal caían nun partido bronco na que o resultado non amosa o visto na pista. Deste xeito, as costeiras quedan con 5 puntos de desvantaxe sobre o liderado, pero un partido menos, aínda con opción a todo.

A mellor nova da semana foi o partidazo das mozas do Atletes, que por fin competiron a grandísimo nivel ante as 3ª da Provincial, sacando un empate que ben puido ser unha vitoria.

2ª División Nacional, Grupo I, xornada 23

Laura co Fisober

Noe marcou 4 goles co Fisober

Resultado: FISOBER F.S.F. - SALA ZARAGOZA (4-6).
FISOBER: Lía, Tamara, Paula Fandiño, Ana, Noe. Tamén xogaron: Leti, Mai, Bárbara, Inés , Laura.
Goles: 0-1 min 1 Rapha; 0-2 min 3 Rapha; 1-2 min 9 Noe; 2-2 min 10 Noe; 2-3 min 13 Rocío; 2-4 min 17 Rapha; 3-4 min 18 Noe; 3-5 min 19 Rocío (descanso); 4-5 min 29 Noe; 4-6 min 36 Rapha.

Partido adiantado da xornada 23ª a petición do conxunto aragonés, aproveitando a xornada de descanso na liga, e que se celebrou na tarde do sábado no Conco. E foi un gran partido, cheo de emoción, de tolemia por momentos, dos que fan desfrutar o público, cunha metade para cada equipo e que finalmente se levou o Sala Zaragoza para terras aragonesas, onde a local Noe e a brasileira Rapha marcaron ata por catro veces cada unha.

Non podía arrancar peor o partido para o equipo costeiro. Xa que aínda dentro do primeiro minuto a brasileira Rapha adiantaba o equipo aragonés. E non tardou moito en repetir tan solo un par de minutos despois. Malas perspectivas para o Fisober que se vía cun 0 a 2 en tan solo tres minutos. Pero non se viñeron abaixo as locais. E seguiron loitando. Mediada esta primeira metade Noe e Bárbara tiñan moi boas ocasións para estrear o electrónico local. Tivo que ser Noe a que os nove minutos puxera o primeiro gol do Fisober. A resposta visitante foi por mediación de Laura Boix pero non foi quen de superar a Lía. Acto seguido aos dez minutos un lanzamento cruzado de Noe petaba nunha xogadora visitante para poñer de novo táboas no marcador. E a punto estivo Inés de adiantar as locais cun testarazo. Quen si marcou foi a visitante Rocío Faci aos 13 minutos para poñer novamente en vantaxe ao Sala Zaragoza. Tivo novamente que aparecer Lía ante unha dobre ocasión visitante, mentras que Paula Fandiño tiña a ocasión local. Aos 17 minutos novamente Rapha facía o 2 a 4, respostaba Noe tan só un minuto despois co 3 a 4, e dentro da tolemía cando chegábamos ao último minuto da primeira metade Rocío Faci facía o 3 a 5 co que se chegou o tempo de lecer.

Na segunda metade apareceu un Fisober moito máis entregado que na primeira metade facendo protagonista a porteira visitante. Paula Fandiño, Noe e Inés puideron recortar diferenzas nesta primeira metade. E si chegaban as visitantes aparecía Leti con solvencia na portería para frenalas. Non foi ata o minuto 29 cando Noe finalizaba unha gran combinación local para poñer o 4 a 5 e apretar o electrónico. Case de seguido Inés facía lucir de forma espectacular a porteira visitante que evitaba o empate cando a grada xa o cantaba. Pasaban os minutos e o Fisober non daba acadado o ansiado empate. Foi a falta de catro minutos cando novamente Rapha finalizaba unha contra para poñer o definitivo 4 a 6. Dende aquí ata o final foi un querer e non poder das locais que incluso utilizaron o xogo de cinco no último minuto pero xa sen froito.
A vindeira semana chega o San Bernabé rioxano a Dumbría nun choque importante para ambos equipos.

Lía, porteira do Fisober

Liga Galega Masculina, xornada 19

Resultado: FSF Villa de Cee (Clínica A Xunqueira) - Autos Muiño Concello de Guitiriz (9-4)
FSF Villa de Cee: Pose, Marroco, Hidalgo, Rober e Miguelon. Tamén: Bruno, Jose Antonio, Santi, Juanjo, Aitor, Perce e Gabi.

Partido case perfecto dos ceenses ante un equipo que chegaba como 3ª e que marcha de Cee como 4º. Primeira metade brutal dos costeiros, dexando o choque sentenciado ao descanso cun parcial de 6-1, con goles de Perce (2), Juanjo, Aitor, Miguelón e Hidalgo.
Ao comezo da segunda, os lucenses case se meten no partido, pero rapidamente os tantos de Perce, Miguelón e Bruno darían conta para finiquitar o choque.
Difícil escoller as estrellas desta xornada, pero a directiva sinala a 3* a Perce polos seus tres goles; 2* para o partidazo de Juanjo, e º* para Hidalgo que segue medrando como xogador o fisterrán, cada vez máis concentrado en defensa.

Liga Galega Feminina, xornada 17

Resultado: FSF Villa de Cee (O Semáforo)- Santiago Futsal
Villa de Cee: Vanesa, Adriana, Andrea, Tati e Goreti,. Participando tamen Alba Cambeiro, María Lijó, Paula Trinidad, Serena, Marta, Maria Dumbría e Carla.

Comenzaron moi ben situadas as ceenses na pista dominaban o xogo e xeraban continuas ocasións de gol, chegando o primeiro os poucos minutos de comenzar por obra de Tati. Seguían dominando e todo parecía que ía ser un partido fácil, pero non foi así, pois a pelota non quería entrar. Ata 5 paus e outras tantas paradas da meta santiaguesa impedían o gol. E así, nos últimos minutis da primeira metade, 3 chegadas illadas das visitantes, e 3 goles.

Púñase costa arriba o partido, e cos nervos chegaron os erros, e as precipitacións. Cada unha tiraba polo seu e as santiaguesas ampliaban o marcador ata o 1-6 final.
As estrelas nesta semana son 3* Adriana, intentouno todo, 2* María Lijó, das poucas que non pediu o ritmo de xogo na segunda parte e 1* Paula Trinidad.

Liga Provincial, xornada 17

Resultado: S.D. A Baña - Concello de Ponteceso F.S.F. (4-1)
AD VILA DE PONDAL-CONCELLO DE PONTECESO FSF: Isabel, Aniña, María, Carmen e Verónica - tamén xogaron - Alba, Nuria, Sandra e Martina.
Goles: Nuria (2), Daniela, Andrea, para as locais. E Alba para as da vila de Pondal.

Partido embarullado e con pouco fútbol o visto na tarde do sábado en A Baña, no que o resultado non reflexa o ocorrido na pista. Parecía que saían fortes as visitantes, que nas primeiras xogadas do partido xa conseguían un par de chegadas claras con un tiro ó pau incluído. Ambos equipos intentaban saír co balón xogado desde atrás e as locais dificultaban a saída das pontecesanas cunha intensa presión arriba desde o minuto 1. Pasarían 7min do xogo cando Nuria adiantaba ó seu equipo cun tiro desde fóra da área. Non lles daba tempo de recuperarse do gol ás de Ponteceso cando a mesma Nuria facía o segundo tras roubar o balón nun erro da defensa visitante. Pero a pesar dos resultados non baixaban os brazos as pondalianas, que seguían chegando á portería rival. A pontecesana Nuria mandaría un balón ó longueiro cun disparo lonxano e Sandra probaría tamén de lonxe, pero a meta local mandábao a córner. Nos últimos segundos da primeira metade, farían o terceiro as de A Baña mediante un tiro de castigo, despois de fallar outro uns minutos antes.

De volta do descanso seguiría o encontro na mesma liña, coas xogadoras de Curro tendo máis ocasións de gol, pero sen conseguir recortar distancias. Vero e María probaban con tiros lonxanos, pero sen bater á porteira rival. Sería Alba quen recortaría distancias, rematando de cabeza un pase de Aniña, que conseguía traspasar a liña de gol. Quedarían aínda varios minutos para chegar ó remate, e aínda dispoñerían de máis ocasións as pondalianas. Pero volverían ser as bañenses as que sumarían un tanto ó marcador tras unha xogada combinada. Alba tería a última ocasión do encontro, pero mandaba o que sería o terceiro balón ó pau para as pontecesanas.
Remataría o encontro cun 4-1, resultado avultado para un efectivo SD A Baña que logrou meter casi todos os tiros á portería que fixeron, ó contrario que o Concello de Ponteceso FSF, que pese a non facer un bo partido puido obter un mellor resultado nun encontro cheo de protestas e pouco fútbol. Baixa así ó segundo posto da táboa clasificatoria, poñéndose a 5 pts do líder provisional.

Liga Provincial, xornada 17

Resultado: Ventorrillo FSF Bodega O Rincón - A.D. Atletes (2-2)
A.D. Atletes FSF: Martina (P); Cris; Julia; Marta; Alba (1); Antía (1); Ana; Sara; Ainoa.
Goles: 0-1, m.18: Antía; (descanso); 1-1, m.24; 1-2, m.27: Alba; 2-2, m.39.

Como xa é costumbre, saíu o Atletes a xogar contra o Ventorrillo na Coruña pechado na súa parcela, intentando saír á contra a través das súas xogadoras máis veloces: Alba e Ainoa. O Ventorrillo facíase dono do medio campo e intenta atacar sobre a portería das esteiranas. Intenta o Ventorrillo acosar a portería do Atletes, pero estas impedíano gracias á gran actuación da porteira Martina, impoñendo una barreira defensiva mediante Ana, Antía e Julia, que non deixan asomarse a súa porta as coruñesas. Unha vez feitos os cambios o Atletes, con Marta e Cris, seguen mantendo o seu nivel defensivo. A partir da metade desta primeira parte, o Atletes, una vez afianzado na defensa, trata de arriscar lanzando contínuas contras, ben dirixidos por Antía, e igualmente ben levadas, tanto por Ainoa como por Alba. Chegado o minuto 18 desta primeira metade, un forte disparo de Antía desde o seu campo, colle adiantada a porteira do Ventorrillo, Ana, e consigue o primeiro gol para o Atletes, co cal chégase o descanso do partido.

Na segunda metade, as coruñesas forzan o ritmo do partido, sin que o Atletes se descompoña, nin moito menos, conseguindo frear ás coruñesas, a pesar de que levan contínuo perigo sobre Martina, que se elixe como una das destacadas do partido. O Atletes non se achica e segue saíndo con rapidez sobre a porta do Ventorrillo, que tamén fan destacar a súa porteira Ana, a cal mostra moi boas maneiras, frenando as embestidas de Alba e Ainoa. Chegado o minuto catro, un penalti dudoso señalado en contra das de Esteiro, logra o Ventorrillo o seu primeiro gol, por medio de Isabel, con diferencia a mellor xogadora do Ventorrillo. Sigue o partido ca mesma tónica e, tres minutos máis tarde, nun dos clásico contraataques de Alba, escórase á dereita, e a través dun forte tiro, con moi pouco ángulo, consegue o dous a un para o Atletes. Un gol precioso que premia o bo xogo que están a facer as de Esteiro.
A partir deste gol o Atletes faise dono do partido e pasa o ataque, poñendo en perigo a porta das coruñesas, que apenas logran deter os avances sobre a súa portería. Foito deste dominio o Atletes consigue sacar catro saques de esquina consecutivos na portería das herculinas, que consiguen frenas as esteiranas pola boa actuación da súa porteira Ana.
Faltando un minuto e catorce segundos para o final, consigue o empate o Ventorrillo por medio de Isabel, que deixa o marcador definitivo en empate a dous goles, e o segundo na súa conta particular.
En resumen, un moi bo partido de fútbol sala xogado polos dous equipos que deixou satisfeitos os espectadores e os contendentes do encontro. No Ventorrillo destacou a súa xogadora Ana Isabel, autora dos dous goles do seu equipo e a directora do mesmo. Polo Atletes, todas estiveron a moi alto nivel, destacando Antía e Martina.