FSF: O Vila de Cee aséntase no liderato a costa do Ponteceso FSF

Deportes Carnota Cee Muros Ponteceso Fútbol Sala

FSF: O Vila de Cee aséntase no liderato a costa do Ponteceso FSF

11:45 03/11/15

Impresionante o derbi costeiro da liga Provincial Feminina celebrando entre o Concello de Ponteceso FS e FSF Villa de Cee, dous dos mellores equipos da categoría, no Pavillón cunha asistencia de público dunhas 80 persoas. Venceron as ceenses que se afianzan no liderado. Xa na Liga Galega, vistoso empate sen goles do Fisober na casa, que mantén as de Fran e Jemisa na 5ª praza. Pola súa conta, os mozos do Vila de Cee colleitaron un empate que soubo a pouco en Noia pero seguen sen coñecer a derrota.

Liga Autonomica, xornada 7

Ana co Fisober

Resultado: FISOBER F.S.F. – POIO PESCAMAR “B” (0-0)
FISOBER: Leti, Tamara, Noe, Paula Fandiño e Ana; tamén xogaron: Mai, Nuriña, Inés e Andrea Piroja.

Partido correspondente a sétima xornada da Liga Autonómica Galega o que se disputou na tarde do sábado no Pavillón Municipal de Vimianzo con boa presenza de público.

Noe co Fisober Aínda que pareza mentira e a pesar do resultado gafas de igualada a cero o partido foi unha delicia para o espectador dos que fan afección, cheo de intensidade, ocasións, emoción e que puido caer de calquera lado, só faltou o gol para facelo máis bonito aínda, polo tanto, pode ser que a igualada fose un resultado xusto, o que parece incrible foi que non se movera o electrónico en toda a tarde, grazas tamén á gran actuación das porteiras. Arrancaron moi fortes as visitantes, a pesar da súa xuventude as rapazas do filial do Poio, que son as actuais campionas da competición, amosaron o seu poderío. Tras uns primeiros minutos de dominio visitante as costeiras foron sacudíndose dito dominio e comezaron a poñer en perigo a porta defendida por Laura nesta primeira metade. Dominio visitante e rápidas contras locais, ese era o guión. E as ocasións chegaban por ondadas, pasábase duns minutos no que as visitantes tiñan as súas, a outros no que chegaban as das costeiras. Nesta primeira metade as máis claras por parte local foron para Inés, Paula Fandiño e Ana que non chegou por pouco a un pase cruzado. Pero chegouse con igualada a cero o tempo de lecer, ningún equipo era quen de perforar as redes. Na segunda metade foi un pouco do mesmo. Minutos bos dun equipo daban paso a minutos bos do outro. Nesa alternancia de xogo e ocasións que foi unha constante durante todo o partido. E tanto Leti coma Andrea, que foi a elexida para defender a portería visitante nesta segunda metade, seguían infranqueables. As mellores ocasións locais nesta segunda metade estiveron nas botas de Mai, Noe e Paula Fandiño que dispuxo dun libre indirecto no borde da área a catro para o fin. As visitantes tamén tiveron as súas pero non foron quen de superar a Leti. En definitiva gran partido de todas as rapazas de ambos os equipos sobre o rectángulo de xogo que a pesar do inusitado resultado deron un gran espectáculo.

Liga Provincial feminina, xornada 5

Resultado: Concello de Ponteceso FSF - FSF Villa de Cee (2-4)
A.D.VILA DE PONDAL-CONCELLO DE PONTECESO FSF: Melani, Ana, Carla, Carmen e Sandra - tamén xogaron- Chus, Noa, Zeltia, Cintia e Martina.
FSF VILLA DE CEE: Carla, Adriana, María de Dumbría, Andrea e Alba -tamén xogaron- Marta, María Lijo, Paula Trinidad e Vanesa.
Goles: 0-1.- Andrea (min.12); 0-2.- Andrea (min.15); 0-3.- Andrea (min.16); 1-3.- Chus (min.27); 1-4.- Marta (min.33); 2-4.- Chus (min. 38)

Fermoso derbi o vivido en Ponteceso entre dous dos mellores equipos da categoría. Saíron as ceenses moi motivadas ao partido querendo demostrar por que son as líderes da liga. Dende o primeiro momento dominaron o partido pois tiveron o balón, combinárono e crearon varias ocasións de gol. Intentaban a presión arriba as pontecesanas, pero seguía causando perigo o Cee con algún tiro dende a frontal que sacaba Melani a corner. Presionaban tamén arriba as visitantes, complicándolle moito a saida de balón ao Ponteceso, que non conseguía pasar do seu campo. Tería outra chegada perigosa o equipo de Juan Jesús tras un roubo de balón de Adriana, pero Melani salva en 2 tempos. A primeira chegada das pondalianas chegaría despois dunha xogada de Sandra, pero a defensa manda a córner o balón antes de que chegase Zeltia. Noa probaba tamén tras un tiro de falta, pero a porteira enviaba a corner. Abriu a lata unha espectacular Andrea que en apenas 5 minutos marcaba 3 goles poñendo un claro 0-3 no marcador, aproveitando varios erros da defensa local. Pero quedaría o Cee sen Andrea, expulsada por doble amarilla nun alarde dos colexiados. Aínda así seguía sen saír o xogo do Ponteceso, que non creaba ocasións de perigo de cara á portería rival, se ben nos últimos 2 minutos tiveron ocasións para recortar. Comezaba a segunda metade coas rapazas de Barca e Curro máis mandonas, coa posesión e o Cee cedendo o mando do partido sen a súa mellor xogadora. Recortaba o Ponteceso pero enseguida responderon de novo as do FSF Villa de Cee marcando de falta por obra de Marta o 1-4, xa co partido case resolto as locais fóronse á desesperada arriba subindo o ritmo conseguindo marcar o definitivo 2-4 obra de Chus, a partir diso a boa defensa e a porteira Vanesa non deron opcións a máis. Primeira derrota do Concello de Ponteceso FSF nesta tempada nun duro partido, mentres as ceenses mantéñense invictas e líderes, cun punto de vantaxe sobre Work e 3 sobre A Baña, Ponteceso e 5Coruña.

Liga Provincial masculina, xornada 5

Os do Vila de Cee co Negro-Foto_FB de JO

Resultado: Noia – FSF Villa de Cee (1-1).
Vila de Cee: Rafa, Juanjo, Miguelón, Aitor e Hidalgo. Participando tamén: Joseño, Carlos, Estrella, Pablo, Mario, Champi e Marroco.
Goles: 1-0, m.5; 1-1, m.13: Aitor.

Bo partido o que xogou o Vila de Cee en Noia, e só a falta de acerto cara ao gol impediu traer mellor premio que o punto colleitado. Comezaron a primeira parte algo durmidos os Ceenses e enseguida encaixaron o 1-0 a favor do Noia, pero desertaron enseguida e nun vendaval en ataque conseguiron empatar por obra de Aitor. Seguiron toda a primeira parte atacando, dominando o xogo, e disfrutaron de innumerables ocasións de Miguelón, Champi, Aitor, Estrella e Mario, pero parecía que a pelota non queira entrar, e fóronse ao descanso co 1-1. Na 2ª parte iguálase algo máis o xogo, aínda así os rapaces do Nejro , seguían disfrutando de ocasións pero sen chegar a marcar, unhas veces polo pau e outras por mala fortuna. Xa ao final á desesperada intentaron os visitantes saír a polo partido cun porteiro-xogador, e sufriron, pois o Noia errou dúas contras moi claras. As estrelas nesta semana son 3* para Aitor, golazo, 2* para Hidalgo, doulle moito dinamismo ao xogo, e 1* para Mario, que marca sempre o ritmo do partido. Seguen os Ceenses neste primeiro ano de liga sen coñecer a derrota, e esperando a vindeira semana ao Opticalia Pontedeume na casa ante os seus seguidores.

Aitor levou as estrellas da xornada-FOto-Fb de JP

Aitor levou as estrelas da xornada-Foto-Fb de JP

Liga Provincial feminina, xornada 5

Resultado: Concello de Carnota Lira FSF – A Baña S.D. (0-2).
Lira FSF: Lía, Terre, Alba, Martina e María. Tamén xogaron: Eva, Inés e Uxía.

Ás 7 da tarde do sábado volvían as Roxiñas ao seu feudo despois dunha xornada de descanso para enfrontarse ás da Baña, equipo que esta tempada está a acadar bos resultados. Comezou o partido con dominio local nos primeiros acordes do xogo e tivo Martina a oportunidade de adiantarse no marcador nun man a man ca porteira que botou fóra por pouco. Non tivo Lía excesivo traballo, pero con mala fortuna, unha das poucas chegadas da primeira metade das visitantes, errou na saída e o rexeite foi moi ben aproveitado polas da Baña. Así foi o marcador ao descanso, nun partido moi intenso, no que as Roxiñas dominaban o xogo aínda que ningún equipo atacaba con claridade. Na segunda metade o partido seguiu igual de intenso, ou quizáis un pouco máis, sobre todo por parte das xogadoras visitantes. Viu amarela Inés e Uxía vermella directa, un pouco excesiva, por unha entrada na que a xogadora contraria caeu ao chan e enmudeceu a grada cos seus berros, a pesar de estar no campo de novo un minuto despois. Unha xogadora da Baña tamén foi expulsada, pero esta por dobre amarela. O partido era un vaivén e as Roxiñas deixaban os últimos alentos para sequera empatalo, e mandou Martina de novo un tiro que saíu rozando o pau. Cando mandaban as Roxiñas e a dous minutos do final, nun córner, María non marca ben á sua rival e remata a pracer na frontal da área para poñer o definitivo 0 -2 no marcador. Non está tendo sorte o xogo das Roxiñas, que están merecendo máis do que mostran os marcadores e, para máis, neste partido lesionouse Terre, á que todos lle desexamos unha pronta recuperación.

Liga Provincial feminina, xornada 5

Resultado: A.D. Atletes - Espartanas F.S. (2-6)
Atletes: Mariña; Cris; Sara; Marta; Bárbara (1); Alba; Antía (1); Ana, Sandra.

Partido con pouca historia. En realidade os partidos do Atletes, de momento, dada a falta de experiencia das rapazas de Paco Caamaño, e mentres non collan o ritmo de competición, son monólogos dos rivais. Xa aos 2 minutos o equipo esteirán recibiran un tanto. O ánimo veulle as esteiranas, cando o cabo de outros dos minutos, lograba empatar, por medio, como casi sempre, de Bárbara. Ata o descanso o partido foi un toma e daca por parte dos dous equipos, levando ambos os dous certo perigo ás porterías contrarias. Porén, as espartanas, loxicamente dada a súa veteranía, decatáronse, cando finalizaba a primeira parte, do maior punto débil do Atletes. Na segunda parte, as Espartanas chegoulles con tirar á portería do Atletes desde calquera punto do campo de xogo. Cando o Atletes chegaba á portería das coruñesas, o balón no poder da porteira destas era lanzado coa man ata a área das esteiranas. Alí entre dúas encargabánse de meter cingo goles máis, que ben puideron ser dous ou tres máis, se contasen coa puntería suficiente ou tamén con algunha máis de sorte. E isto foi todo, o segundo gol do Atletes marcouno Antía dun extraordinario lanzamento de dez metros. Aínda ao final do partido, esta mesma xogadora, fallaría outro lanzamento de dez metros que se lles pitaría ás Espartanas.