FSF: Triplete ceense, con suspense, para pechar un ano inmellorable

Deportes Cee Dumbría Vimianzo Fútbol Sala FSF

FSF: Triplete ceense, con suspense, para pechar un ano inmellorable

13:33 07/06/16

Radiante Familia do FSF Vila de Cee-Foto-María

Era unha fin de semana para demostrar que o fútbol sala feminino costeiro está ao primeiro nivel de Galicia. E así o demostraron tanto o Vila de Cee como o Fisober. O Fisober participaba na final a 4 da Copa Autonómica, e malia que non pasaba das semis ao caer ante as campioas, si que pechaba un curso fantástico.

Aínda mellor foi o ano para a familia do FSF Vila de Cee. "Se en setembro nos din esto, non o criamos", recoñece un dos directivos, despois de completar o curso cun doblete copeiro, en masculino e feminino, nunha final organizada na casa e con suspense ata o último segundo. "Se escribimos nós o guión, non sae mellor", recoñecían.

Un título da Liga Provincial e o seu correspondente ascenso, ademais desta Copa provincial para as mozas, e un subcampionato e unha Copa Provincial para os mozos, dan conta dunha temporada inmellorable.

Pero ollo, que pode que si, pois na Autonómica masculina pode que quede unha praza, e se o Cee é invitado a ocupala, a directiva vai ser valente e vai competir o ano que vén en Autonómica. Estaremos atentos.

As Finais de Copa

FSF Vila de Cee Campioas da Copa Provincial-Foto-María

Era un reto esta organización da final das Copas Provinciais para a familia do Cee, que se volcou ao completo para que todo saíse ben. Arrincaron o sábado pola mañá as semis femininas no pavillón de Corcubión, cunhas 120 persoas nas bancadas. O Vila de Cee vencía 1-0 ao 5Coruña durante boa parte do partido, pero era un choque tremendamente axustado e o equipo herculino tivo o empate a tiro ata que faltando só 3 minutos, as ceenses rubricaron o seu pase. O Santiago Futsal Gaiola metíase na final xusto despois tras vencer ao Grupo Work por 3-1.

Mentres en Cee, o Brión eliminaba ao Libertad, e o Vila de Cee daba conta de todo un Parrulo. A primeira foi axustada, co 0-1 para os visitantes, pero a saída tralo descanso de Mario de Jose revolucionou o partido, e os ceenses venceron con comodide. A festa pola tarde estaba asegurada cos dous equipos nas finais.

Tocaba dar de comar a toda a parroquia e o pavillón convertiuse nun salón, con 120 persoas xantando.

250 persoas ateigaban o pavillón pola tarde. Empezaron as mozas, que empezaron caendo 0-1, pero remontaban e se colocaban 2-1. Non ía ser tan sinxelo, o Gaiola empataba a falta de 5 minutos e provocaba a prórroga. Aí, o apoio das bancadas fixo que as locais metesen o 4-2 e celebrasen o título.

Aínda máis incrible sería a cita dos mozos. O partido, e tamén a prórroga, remataba co igualadísimo 1-1. Tocaba a sorte dos penaltis, que desta volta estivo do lado local.

Festa rachada asegurada polos bares da vila.

FSF VIla de Cee Campions da Copa Provincial-Foto-María

Carta da Directiva do Vila de Cee

Unha vez dada por finalizada esta gran tempada deportiva 2015/2016 para o FSF Villa de Cee, dende a directiva sentímonos felices, orgullosos e gratificados, nunha tempada incrible onde fai 10 meses nin o máis optimista soñaba cun final tan espetacular. Por iso sentímonos felices e orgullosos e damos grazas:

Felices, orgullosos e grazas de poder representar xunto con xa 6 clubs a dia de hoxe de futbol sala nesta comarca espectacular, á Costa da Morte, estes títulos forman parte de todos.
Felices, orgullos e grazas a unha afición espectacular, amigos e voluntarios fieis, que toda a tempada estiveron enchendo o pavillón, animando e apoiando os nosos equipos, incrible os dos nosos socios, 200, nun club que acaba de nacer, vos brindamos estes títulos dos cales sodes grandes merecedores.
Felices, orgullosos e grazas ao concello de Cee, o apoio foi espectacular, facilidades todas as do mundo e moita axuda, sempre respaldándonos, grazas o alcalde Ramón Vigo, acordámonos cando no agosto pasado a piques de empezar a tempada tivemos a primeira reunion onde lle mostramos o noso proxecto, creu nel dende o primeiro momento e cargounos as pilas a todos a fin de poder levar o nome de FSF Villa de Cee por toda Galicia, grazas á concelleira de deportes Camola Freire, facilidades todas as do mundo e moita axuda, sempre respaldándonos, traballou arreo coma se foxe unha máis da directiva, grazas o técnico de deportes Manolo Calo, fixémolo traballar abondo, al menos un centenar de chamadas e conversas con él, solucionando os problemas día a día.
Felices, orgullosos e grazas a todas as empresas do noso entorno, especial mencion a Ferrotlantica dende o minuto un, Bazarra, Clínica A Xunqueira, Bar O Xardin, Finisterrae Centro Comercial, Clínica Baldomar, Asesoría Lema, Grupo Insua, Mon Xestión, Clínica Juan Francisco, Óptica Ollo, Bodegón O Montañés. Grazas por todo o voso apoio, grazas a vosoutros seguimos crecendo.
Felices, orgullosos e grazas a todos os que participamos dende o comenzo do club, ano 2013, sobre estas fechas empezabamos a falar do proxecto un pequeno grupo de amigos e pais, a fin de respaldar aunhas rapazas as cales tiñan ganas de xogar a pelota e non existía futbol sala feminino en cee, por circunstancias, estudos, traballo, saude, etc alguhas e alguns xa non estan no club, pero é de recibo reconocer que sen eles no seu momento non estariamos neste gran momento, acordamonos especialmente de xente coma Jorge Calabanda e Elvira Freire, cales poderiamos decir que foron a semente do club.
Grazas os clubs veciños polo voso apoio e axuda, atletes de esteiro, carnota lira fsf, fisober, ponteceso fs, a baña fs, viaxes amarelle, colaboración , axuda mutua, ect. grazas en especial a fran pioto, un dos que mais nos animou na nosa creación, e moitisimas grazas a severino amarelle, todo un exemplo onde mirar e aprender no futbol sala feminino gallego, a sua axuda con nos e tan grande que non temos forma de agradecerllo. este titulos forman parte tamen de todos vos.
Finalmente felices, orgullosos e grazas a todos as xogadoras e xogadores, o seu compromiso, a sua actitude e as suas gañas, son as grandes estrelas do club, nin que dicir da sua colaboración, adestrando as categorias base, apoiandose entre eles e a sua disponibilidade para a directiva en cantos actos e eventos orgañizamos, facendo socios, etc. Grazas a todos por ser tan grandes.

Dende a directiva o noso agradecemento e infinito, traballamos arreo, sen presa pero sen pausa, cometemos moitos erros, discutimos moito, pero vivímolo con pasión e sentímonos todos familia e certo que todos nos apoiamos e nos axudamos, e non entendemos outra forma de facelo, por todo isto pedimos perdón cando nos equivocamos e tratamos de aprender e seguir avanzando, e a verdade e que tempadas coma esta fainos sentirnos tan orgullosos e felices, que todo o traballo e sufrimiento nos momentos complicados, que os temos, quedan no olvido e fainos seguir adiante, darnos forzas e gañas para seguir crecendo toda esta familia FSF Villa de Cee.

Directiva FSF Villa de Cee.

O Fisober, sen sorte na Final a 4 da Copa Autonómica

Menos sorte tivo o Fisober que na semifinal da Final a catro da Copa Autonómica Galega caía ante o equipo local Opirata F.S. Moaña por 3-0.

Rematou o sábado a tempada oficial para o Fisober, unha gran tempada na que o equipo superou as expectativas que tiña ó comezo da mesma. Finalista na Copa Deputación, gañador da Copa da Costa, cuarto posto en liga e semifinais da Copa Autonómica son un gran bagaxe para a tempada, para un equipo no que unha boa parte do plantel chegaba dende o filial esta tempada.

Como epílogo a tempada só quedará a primeira experiencia internacional do Fisober nun torneo que se celebra no Algarve en Portugal entre o 17 e 19 Xuño baixo o nome de Taça das Naçons (Women´s Futsal Nations Cup ) con equipos portugueses, ingleses, ucranianos ou xaponeses entre outros e onde destaca o Atlético de Madrid.