FSF: Unha nova vitoria pola mínima para celebrar o #25N

FSF: Unha nova vitoria pola mínima para celebrar o #25N

08:23 27/11/18

FF: Unha xornada marcada polo #25N.

Fisober e Galipizza co 25N Boas novas para o Fisober da Preferente, que conseguía, no Día Internacional contra a Violencia de Xénero, a súa segunda vitoria consecutiva pola mínima, que as instala na zona media da táboa, despois de varios meses de invertidume na zona perigosa. A fin de semana provocou que o choque do filial do Fisober se adiase. Si que xogaron na 1ª Galicia, o Amarelle Santa Comba, que volveu á senda da vitoria trala derrota a semana pasada precisamente no Conco; e o Atletes, que caía na casa nun pavillón de Esteiro ateigado de xente nova para ver ás súas bravas rapazas.

Preferente Galicia, xornada 10

Resultado: Galipizza Sport Sala Culleredo - Fisober FSF (0-1)
FISOBER: Lía, Adriana, Paula Fandiño, Ana, Nuriña ; tamén xogaron : Mai, María Dumbría, Carre, Laura, Kenny.
Goles: 0-1 min 23 Ana.

Saíron apretando moito as rapazas do Fisober, dispoñendo de algunha ocasión clara despois do roubo tras presión, pero as costeiras non foron quen de materializalas. A súa vez as locais dispoñían dalgunha que outra ocasión con lanzamentos lonxanos aos que respostaba ben Lía. Nos últimos minutos da primeira metade o Culleredo subía a liña de presión, conseguindo finalizar dende fora e provocando unha xeira de saques de esquina. A volta dos vestiarios, o Fisober saiu máis enchufado, cun bo xogo combinativo que lle permitía saír da presión local. Isto combinado con balóns en longo facía que chegaran as ocasións costeiras. Ana tiña unha gran ocasión cunha peinada que Marta desvíaba in extremis. Pero pouco despois de novo era Ana a que definía no segundo pau unha gran combinación do Fisober para poñer o cero a un no electrónico que a postre foi definitivo. Co gol as locais espiliron e sacaron forzas de fraqueza para tentar a igualada. Comezaron a apretar aínda máis, compricando moito a saída de balón costeira. As ocasións eran locais agora, sempre con lanzamentos lonxanos os que Lía respostaba con seguridade. Nos últimos minutos decidiuse o Culleredo polo xogo de cinco. O Fisober defendeu ben ese xogo, incluso contando con algunha ocasión despois de roubo que non foi quen de materializar. Aínda así o Culleredo tivo dúas grandes opcións de gol antes do fin, unha que sacaba Nuriña no área e outra que remataba con boa intervención de Lía. Rematando o partido con triunfo pola mínima das costeiras.

1ª Galicia Feminina, xornada 8

Resultado: A.D. Athletés - Melide, F.S.F. (1-5)
A.D. Athletés FSF: Julia (P); Mari; Cris; Saray; Martina; Laura; Antía (1); Ana; Ainoa.

Comezaba o choque co Athletés, coma sempre, intentando facerlle presión o Melide, pero este equipo, novo pero con moita calidade, sobre todo a través da súa mellor xogadora, María Valcarcel, que dou unha verdadeira exhibición no Pavillón de Esteiro, non permitía que as locais fixeran o seu xogo. Chegado o minuto dous, en unha xogada sin aparente perigo, de rebote, María xa inaugurou o marcador para as forasteiras. O Athletés espoleado pola súa nova pero animosa afección, sufría. Pero a base de brega intenta parar as de Melide, que levan a iniciativa no xogo e que pronto, aos 5 minutos, xa marcaban o segundo tanto, por medio de María. Pouco a pouco as de Paco van sacándose o dominio visitante e van chegando a porta pero son as de Melide as que marcan o terceiro nunha contra ao fío do descanso. Na segunda, cos ánimos das bancadas, as esteirás consiguen levar o xogo á metade contraria da pista. Laura con clase e velocidade consigue levar perigo a porta de Xanaia, pero esta desvía os disparos da xogadora local. Entre toma e daca sobre unha e outra portería, nun saque de falta, Carla, tras un fallo da retagarda das esteiranas, consigue o catro a cero. No minuto 30 en unha gran xogada individual de Antía, tras un potente disparo cruzado marca un gran gol para as locais, poñendo o 4 a 1 no marcador, para que de novo María, a protagonista do choque, faga o 5º xa sobre o pitido final. Polas locals destacaron Laura, e sobre todo a nova afección que animou sin parar e con deportividade aplaudindo as xogadas das visitantes.

1ª Galicia Feminina, xornada 8

Resultado: Amarelle Concello Santa Comba - Cruces FSF (5-2)
Amarelle Concello Santa Comba: Nerea, Ge, Carla, Nuria, Andrea (cinco inicial), Alba, Paula, Violeta, Leticia, Elsa.
Goles: 1-0 Nuria (min. 13); 2-0 Nuria (min. 25); 3-0 Nuria (min. 28); 3-1 Begoña (min. 30); 3-2 Begoña (min. 31); 4-2 Nuria (min. 40); 5-2 Carla (min. 42).

O Amarelle Concello Santa Comba, dirixido por Suso Yanes, volve ao camiño da vitoria, e faio tras un partido igualado, onde tras abrir vantaxe no partido, un Cruces FSF moi ben plantado en cancha achegou posicións, para finalmente a escuadra xalleira decidir o partido e os tres puntos do seu lado, cun marcador final de 5-2. Na primeira parte, o partido comezaba cun Amarelle Concello de Santa Comba querendo mandar sobre a cancha e xerando as primeiras ocasións, aínda que non conseguiron sumar o primeiro tanto ata o minuto 13, grazas a un gol transformado por Nuria. Aínda quedaba partido por diante, e as rivais empezaban a crear perigo, pero xusto antes de irse ao tempo de asueto Nuria conseguía poñer calma, para irse ao tempo de asueto, ao anotar o 2-0 no marcador. Na reanudación, o partido empezaba cun Amarelle Concello de Santa Comba que quería definir o partido e poñía o 3-0 no marcador, cun novo gol de Nuria. Coa vantaxe no marcador, as xalleiras parecían ter controlado o encontro; pero o Cruces FSF reacciono con dous rápidos goles de Begoña, a falta de 19 minutos para o final do encontro. Os goles non baixaron os ánimos das xalleiras, e volveron pelexar por abrir distancia no marcador, e fixérono efectivo a dez minutos do final grazas a un novo gol de Nuria; e apenas uns minutos máis tarde Carla poñía o 5-2 definitivo no marcador, cando aínda restaban oito minutos por diante, pero onde o marcador permaneceu sen modificación algunha.

1ª División Foro 16 Feminismo. xornada. 9

Resultado: Viaxes Amarelle FSF - CD Universidade de Alacante (0-2)
Viaxes Amarelle FSF: Carmen, Patri, Irune, Martita, María Gómez (cinco inicial), Reneé, Iraia, Mónica, Zaida.

Patri Romani capitana do Viaxes Amarelle

Patri Romaní é capitana do Viaxes Amarelle O Viaxes Amarelle FSF segue mellorando no seu xogo, e disputando cada vez máis os partidos, pero nova derrota fronte a Universidade de Alacante, e que condena ás galegas a continuar na zona de descenso, aínda sen puntuar. As herculinas intentaron sobre todo na segunda metade atopar o empate, pero o longueiro e a meta rival impediuno.