A pasada semana a vila de Laxe acolleu a presentación dunha nova peña deportivista con sede na rúa Villa Amparo do termo municipal laxense. Desprazáronse ata o evento varios dos representantes máis coñecidos do Deportivo e do deportivismo. Alí estiveron Pachi Dopico, Vicepresidente da entidade branquiazul, Miguel Otero, Presidente da Federación de Peñas, e o xogador Laure. Foron máis de cen persoas as que se achegaron para bautizar o novo punto de encontro do deportivismo en Laxe. Dopico agradeceu en nome de  Augusto César Lendoiro a creación desta nova familia e fixo balance da tempada do ascenso e do que vai dar de si a nova campaña, facendo especial fincapé no apoio amosado por parte da afección. Por outra banda, Miguel Otero tamén agradeceu o xesto ante unha familia deportivista en crecemento. Ademáis comentou ante a nova directiva as grandes responsabilidades que supón un proxecto deste tipo. O acto pechou cunha merenda a base de churrasco e chourizo criollo a moreas.

Novas relacionadas

• O Bar Pérez acolle a presentación dunha nova peña deportivista.
• Unha festa deportivista polo San Xoan no Pindo.
• Deporfelicidad.com: Buscando a cara máis feliz do ascenso.
• Zas vístese de branquiazul para facer o camiño.
• O Deportivo únenos polas ondas.
• O Pindo tinguiuse de branquiazul .
• A Peña A´Moa do Pindo presentou a Asemblea de Peñas do Deportivo .

Fonte

• Redacción de QPC ([email protected]).
• A fotografía é de Sabela Pose.