Néstor, a fichaxe venelozana do Volei Dumbría, comeza a demostrar o seu poderío

13:29 09/11/16

O venezolano Néstor González é a gran fichaxe foránea do Volei Dumbría Xa o contamos o martes, que a participación do intencional Néstor González Jérez foi clave na vitoria in extremis do Volei Dumbría ante o Emeve Lugo. Pero é que o xogador venezolano do cadro costeiro foi elixido MVP da xornada na Superliga 2 Masculina. Xa comeza a dar os seus froitos a gran aposta foránea deste equipo da casa na segunda categoría estatal.

Brillante partido en tarefas ofensivas o que protagonizou o “opuesto” dumbriés para levar ao seu equipo á vitoria. Néstor anotou 34 puntos, 27 deles de accións ofensivas, cun 46% de acertos, ademais de 2 aces e 5 bloqueos, unha completísima actuación coa que se sitúa como segundo mellor atacante, terceiro mellor bloqueador e máximo anotador da xornada.

É a segunda vez que un xogador do Voleibol Dumbría é recoñecido co MVP da xornada, xa que na primeira xornada de Liga, o colocador dumbriés Manuel Marcote foi recoñecido como o mellor xogador da semana.

Liga Galega Cadete Masculina

O equipo cadete do Voleibol Dumbría venceu ao Voleibol Lugo por 3-0 en partido disputado o sábado ás 10:30 no Pabellón Municipal de Dumbría. Nun partido moi frouxo contra un equipo que está empezando, o adestrador dumbriés aproveitou para dar minutos a todos os seus xogadores, sobre todo aos 5 novos que se incorporaron esta tempada. O resultado final sería 25-8, 25-18 e 25-13.

Esta semana os cadetes descansan, mentres que os xuvenís desprázanse a Orense para enfrontarse o domingo día 13 ás 10:30 contra o Burgas.