O Cabo Touriñán métese no podio
O Xadrez Cabo Touriñán puido co Pousada das Animas
Ascende o Club Xadrez Cabo Touriñán á 3ª praza 2ª División, Grupo C do xadrez galego, tras vencer en casa ao Pousada das Ánimas. Os muxiáns e corcubioneses suman 19,5 ptos dos 32 en xogo, e miran máis cara arriba que cara abaixo.
2ª División, Grupo C, rolda 8
- Resultado: Cabo Touriñán - Pousada das Ánimas (2,5 - 1,5)
- Resultados por taboleiros:
- José Soneira - Diego Piñeiro 1-0;
- Ramón Franco - José Luís Mouriño 0-1;
- Tomás Lago - Samuel Ozores 1/2-1/2;
- José Sar - Samuel Silva 1-0.
A primeira partida en rematar foi a de José Sar que xogou unha celada (trampa na apertura) da apertura italiana, o seu rival mordeu o anzó e perdiu en oito xogadas. (1.e4 e5 2.Cf3 Cc6 3.Ac4 Cd4 4.Cxe5 Dg5 5.Dg4 Dxe5 6.Ab3 d5 7.Dg3 Dxe4 8.Rd1 De2++).
O resto de partidas decidíronse pasadas as tres horas e media de xogo. Ramón Franco saiu mal da apertura pero conseguiu chegar a un final de Alfil contra cabalo cun peón de menos pero cunha posición igualada xa que o seu rei estaba mellor posicionado, pero tras un grave erro na xogada 40 acabou perdendo a partida. No terceiro taboleiro Tomás Chegou a un final de Torre e dous peóns contra Torre e un peón pero non foi capaz de rematar e a partida terminou en taboas. A última partida en rematar foi a de José Soneira, que esta vez tivo unha partida complicada na que os dous xogadores tiveron chances de vitoria, pero tras chegar a un final moito mellor para Soneira volviu a darlle a vitoria final para o equipo muxián por 2,5 - 1,5.
A próxima rolda os muxiáns e corcubioneses desprázanse para enfrontarse ao Keixo de Arzúa.
Máis información
Para os máis interesados, as partidas pódense reproducir en xadrezcabotourinan.blogspot.com.es.Novas relacionadas
- O Cabo Touriñán afiánzanse na zona media da 2ª Galega de xadrez.
- O Club Cabo Touriñán vence ao líder e espalla o xadrez polas escolas de Muxía.
- O erros condenan ao Club Xadrez Cabo Touriñán en Vilagarcía.
- Unha incomparecencia impide ao Cabo Touriñán sumar a súa segunda vitoria na Pobra
- Febreiro 2017: O Xadrez Cabo Touriñán comeza a liga con vitoria.
- Setembro 2016: 745 xogadores participaron no I Circuito Intercomarcal de Xadrez.
Fonte
- Redacción de QPC ([email protected]).
