O día menos pensado
21:59 30/10/16
Os triunfos de Xallas, Sofán ou Sporting Zas, unidos ao liderato fortalecido do Dumbría, debuxaron unha xornada insospeitadamente positiva nas categorías máis altas
![Pablo Rey, do Malpica, porfía por un balón con Raúl, do Monte Louro - Foto: Edu Olveira]()
Pablo Rey, do Malpica, porfía por un balón con Raúl, do Monte Louro - Foto: Edu Olveira
Houbo pedrea un dos días que menos boletos parecían ter mercado os equipos costeiros de categoría superior. Tanto a Preferente como a Primeira Galega deixaron sorpresas positivas, e tamén algunha decepción, que deixan un horizonte de optimismo para a maioría de representantes. Máis previsible foron unha Liga da Costa e Terceira onde os líderes son cada vez máis líderes, e o son ademais cunha decidida aposta pola representación local e o fútbol alegre.
Viña o Xallas de facer o seu peor partido do curso, e chegaba á Fontenla un case campión do ano pasado como o Atlético Arteixo. Pois os astros puxéronse do revés e os combeses tiraron de casta, clase e boas maneiras para levar un partido de bandeira e recuperar as mellores sensacións e o espírito da permanencia de hai uns meses. A un nivel parecido pode valorarse o éxito do Sofán no difícil campo do Arzúa, que deixa aos carballeses máis preto dunha utópica Terceira División que de calquera tipo de apuro. Nese sentido, a nota negativa foi o resultado dun Soneira que está a pagar as baixas e a mala fortuna de cara a gol.
Instalado na dinámica case de rutina e sempre baixo os mesmos patróns vive un Dumbría líder de Primeira, no que case sempre marcan a diferencia os mesmos, e que empeza a ter pinta de dominador da competición. Ese bo aspecto conecta ademais co éxito do Sporting Zas en Lalín, nun exfeudo de Segunda División B, e ante o que incluso pode chegar ser un rival directo. Da balanza tiran para abaixo esta vez un Corme con síntomas preocupantes e un Fisterra con sorprendente patinazo na casa ante o Piloño.
Pouco cambia a vida nunha Liga da Costa cun Corme e un Baio cada vez máis fiables, e onde os plans B de competitividade, como San Lorenzo, Ponteeso, Castriz ou Camariñas patinaron esta vez. Os carballeses viron como a 'resurrección' de Penedo na última acción lles privaba do triunfo, mentres que o prometedor cadro palilleiro comprobou en Mazaricos que aínda lle queda que remar para colocarse a tope na parrilla de favoritos.
E na Terceira Galega poderíase dicir que xogan o Muxía e nove máis. O Ameixenda, alternativa na táboa, tamén caeu en Arliña tras, iso si, un partido precioso e de reivindicación do nivel da categoría. Os da Vila da Barca teñen en si mesmos e na confianza o peor enemigo, con tres partidos de marxe xa sobre a zona de non ascenso.
Pablo Rey, do Malpica, porfía por un balón con Raúl, do Monte Louro - Foto: Edu Olveira
Houbo pedrea un dos días que menos boletos parecían ter mercado os equipos costeiros de categoría superior. Tanto a Preferente como a Primeira Galega deixaron sorpresas positivas, e tamén algunha decepción, que deixan un horizonte de optimismo para a maioría de representantes. Máis previsible foron unha Liga da Costa e Terceira onde os líderes son cada vez máis líderes, e o son ademais cunha decidida aposta pola representación local e o fútbol alegre.
Viña o Xallas de facer o seu peor partido do curso, e chegaba á Fontenla un case campión do ano pasado como o Atlético Arteixo. Pois os astros puxéronse do revés e os combeses tiraron de casta, clase e boas maneiras para levar un partido de bandeira e recuperar as mellores sensacións e o espírito da permanencia de hai uns meses. A un nivel parecido pode valorarse o éxito do Sofán no difícil campo do Arzúa, que deixa aos carballeses máis preto dunha utópica Terceira División que de calquera tipo de apuro. Nese sentido, a nota negativa foi o resultado dun Soneira que está a pagar as baixas e a mala fortuna de cara a gol.
Instalado na dinámica case de rutina e sempre baixo os mesmos patróns vive un Dumbría líder de Primeira, no que case sempre marcan a diferencia os mesmos, e que empeza a ter pinta de dominador da competición. Ese bo aspecto conecta ademais co éxito do Sporting Zas en Lalín, nun exfeudo de Segunda División B, e ante o que incluso pode chegar ser un rival directo. Da balanza tiran para abaixo esta vez un Corme con síntomas preocupantes e un Fisterra con sorprendente patinazo na casa ante o Piloño.
Pouco cambia a vida nunha Liga da Costa cun Corme e un Baio cada vez máis fiables, e onde os plans B de competitividade, como San Lorenzo, Ponteeso, Castriz ou Camariñas patinaron esta vez. Os carballeses viron como a 'resurrección' de Penedo na última acción lles privaba do triunfo, mentres que o prometedor cadro palilleiro comprobou en Mazaricos que aínda lle queda que remar para colocarse a tope na parrilla de favoritos.
E na Terceira Galega poderíase dicir que xogan o Muxía e nove máis. O Ameixenda, alternativa na táboa, tamén caeu en Arliña tras, iso si, un partido precioso e de reivindicación do nivel da categoría. Os da Vila da Barca teñen en si mesmos e na confianza o peor enemigo, con tres partidos de marxe xa sobre a zona de non ascenso.
PreferenteNorte, xornada 11
1ªAutonómica, Gr.2, xornada 9
2ªAutonómica, Gr.2, xornada 9
LigaGalega Xuvenil, xornada 8
1ªXuvenil, Gr.2, xornada 6
1ªXuvenil, Gr.3, xornada 8
LigaGalega Cadete, xornada 8
1ªCadete, xornada 5
LigaGalega Infantil, xornada 7
1ªInfantil, xornada 7
LigaAlevínSur, xornada 3
LigaBenxamínSur, xornada 3LigasVeteranos, 1ª División
LigasVeteranos, 1ª División
Máisinformación
- Mercado de fichaxes do Fútbol da Costa.
- As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
- A actualidade no Facebook “Fútbol da Costa”.
