Impresionante o acontecido esta fin de semana na ribeira do Río Xallas. O máis granado da pesca sen morte internacional achegouse á Dumbría, que se afianza como referencia, tamén, no mundo da pesca con este Open Internacional do Río Xallas.

Na súa 6ª edición, o Club Salmo co apoio do Concello de Dumbría, artellou esta proba xa convertida nun dos eventos deportivos con máis prestixio a nivel inernacional, e así o demostra que as 34 prazas habilitadas para outras tantas parellas foron completadas de contado.

Foron 4 mangas no coto de pesca sen morte de Xallas-Beba, na modalidade de mosca con cola de rata. O compañerismo e o respecto pola natureza son básicos neste deporte, convertindo ademais a Costa da Morte nun referente mundial.

A maior peza, de 47,8 cm foi collida por Miguel Montoto. Os gañadores Josu e Ánder Pérez pescaron o maios número de pezas por parella con 68 capturas, mentres que o campión individual foi David Arcay con 41.
Estas foron as parellas que completaron o podio, pero xa poden ver todas asClasificacións do Open de Pesca Río Xallas 2015.

Novas relacionadas

• O Río Xallas recibe ao máis granado da pesca sen morte internacional.
• O Xallas recibe á élite da pesca.
• Dous campións do mundo estarán no Open de Pesca Río Xallas.
• O Anllóns e o Xallas volveron comprobar a supremacía do clube de Pesca Salmo.
• O Couto de Verdes do río Anllóns acolle unha nova exhibición do coruñés David Arcay.
• A Costa da Morte xa está no circuito de pesca de salmónidos.
• A pesca tomou a Laxe e Camariñas.
• O Campionato de Pesca Submariña cede 350 kg de peixe a Cáritas.

Fonte e máis información

• Open Internacional do Río Xallas.
• Club Salmo.