O Soneira celebra sen suar o título duns Veteranos que xa pensan na Copa

13:04 23/04/13

Soneira de Veteranos campión no seu primeiro ano en 1ª División

Os números falan. Dous anos de existencia, un título de 2ª División co conseguinte ascenso, e un título de liga da 1ª División. Este Soneira de Veteranos vén de irrumpir nas Ligas de Veteranos cunha forza tremenda. A súa fortaleza, xuventude e gañas de pasalo ben o convirten xa nun aspirante a loitar contra eses equipos que están ano tras ano na zona de arriba, como poden ser o Castriz, o Cabana, o San Román ou o Corcubión Vet.

Esta campaña, recén ascendido, leva nos primeiros postos dende a xornada 1, e tras pasar polo liderato, verse por detrás do Castriz en varias ocasións, tomou o mando na xornada 22 e ata a 30 non o soltou. E xa levaba varias xornadas preparando a celebración, pero faltab 3 xornadas cando o Castriz aguou a festa no Municipal vencendo por 0-2 e retrasando a festa. Máis non se podía retrasar e o pasado domingo o Soneira puido celebralo título na casa.

Pero o fixo dun xeito algo insólito, unha vez que o Bergantiños chegaba ás Eirtoas con só 6 xogadores, polo que o choque non se disputou e os 3 puntos para o Soneira. Campións sen suar. Por detrás, un Castriz que fixera os deberes, vencer en Baio, pero que ao que non chegou.

Mino do Cabana foi o máximo goleador da 1ª División de Veteranos da Costa

Mino do Cabana, quedou máximo goleador da 1ª División levando o Trofeo Placasa.

Ascensos e descensos

Os veteranos do Laxe quedaron campións da 2ª División

En 2ª, finalmente o Laxe, tras ir por detrás do Muros case todo o ano, leva o título. Ambos equipos ascenden e ocuparán as prazas do Camariñas e do Vimianzo, que remata o ano cun punto.

Nesa liga, Ambrosio, do Laxe, é o pichichi da 2ª División.

Ambrosio do Laxe foi o pichichi da 2ª División de Veteranos da Costa-Foto- Modesto Parga

Copa da Costa de Veteranos 2013

Xa tendes o cadro da Copa de Veteranos 2013. Podedes pinchar aquí e pincha nunha pestana debaixo do cadro principal que indica "Copa da Costa de Veteranos".

Como vemos xa temos varios enfrontamentos serios, como o Castriz-Corcubión, rememorando a final do ano pasado, ou o Cabana-San Román. As eliminatorias comezan xa este sábado 28 de abril, e a final, a partido único, será o 23 de xuño.