O Volei Dumbría - Manuela Rial rematou 9º no Campionato de España infantil. Toda unha fazaña para os novos costeiros, que disfrutaron dunha completa fin de semana de convivencia e deporte de alto nivel.

Os xogadores dirixidos por Luís Alberto Fernández e Gurutz Larrañaga, tras arrasar na primeira fase, non puideron superar aos cabezas de serie das principais potencias do voleibol en categoría infantil, como son Valencia e Andalucía. Así quedaron apeados da loita polo título na segunda fase e competiron polos postos 9º a 12º.

E venceron a Caravaca por 3-0 con parciais de 25-22, 25-22 e 25-18, nun trepidante partido onde os nosos xogadores renderon a un gran nivel, baseando o triunfo nunha gran defensa. E venceron tamén ao Alcalá para conquistar o 9º posto, que pon o listón moi alto para as vindeiras xeracións de xogadores.

O balance foi realmente positivo xa que finalizaron a competición con 5 vitorias e tan só 2 derrotas, unha delas fronte ao Campión do torneo. Todos os compoñentes do equipo, dirixido por Luís Alberto Fernández e Gurutz Larrañaga, e formado por David Redonda, Manuel Marcote, Xavier Pérez, Juan Bautista Marcote, Josema Bermúdez, Unai Larrañaga, Manuel Abuelo, J. Miguel Caamaño, Maikel Cambeiro, Samuel Sambade e Alberto Sampedro, tiveron a oportunidade de debutar nun Campionato de España, experiencia que seguro que recordasen durante moito tempo.

Esta é a 2ª vez desde a súa fundación en setembro do 2007 que un equipo do Voley Dumbría participa nun Campionato de España. En 2009 os cadetes xa acudiran á localidade malagueña de Lousa a participar en devandita competición. Para o colexio Manuela Rial é a súa terceira participación, xa que anteriormente xa estiveran en Murcia e en Valladolid.

Novas relacionadas

• O Manuela Rial arrasa na primeira fase do Campionato de España de Volei.
• O Manuela Rial marcha a Guadalaxara polo Campionato de España de Voleibol.
• Un corcubionés do Dumbría mantense na Selección Galega de Volei Praia.
• Os infantís do Manuela Rial xa son Campións Galegos de volei.
• Bronce galego para os cadetes do Volei Dumbría.
• Un Campionato provincial e dous subcampionatos para o Manuela Rial de Volei.
• Máis éxitos provinciais e estatais para o volei costeiro.
• Dous costeiros titulares coa Selección Galega de volei.
• 3 novos costeiros coas Seleccións Galegas.
• O Manuela Rial arrasa nos campionatos intercomarcais de volei.
• 3 xogadores do Manuela Rial e un do Volei Dumbría celebran os Reis coa Selección Galega.

Fonte

• Redacción de Deportes de QPC ([email protected]).
• Nota de prensa do Volei Dumbría e do Manuela Rial da man de Gurutz Larrañaga e Luís Alberto Fernández.