Imaxe do choque da anterior xornada na casa ante o UVA

O Voleibol Dumbría caía derrotado no último partido da primeira volta en casa do líder, o Intasa de Sansadurniño por un contundente 3-0 con parciais de 25-15, 25-14 e 25-19.
O equipo dumbriés pouco puido facer ante un equipo ferrolán que apenas leva unha derrota no que vai de liga, nun partido no que foi por detrás en todo momento e onde a superioridade do equipo local foi aplastante, como demostran os parciais.

Os dumbrieses acudían a Sansadurniño con varias baixas e ata con algún xogador lesionado, como o caso do capitán Touriñán que xogaría como líbero por problemas nun gemelo. Nesas condicións era difícil competir contra un rival que domina a categoría e que xa tiña asegurada a súa presenza na Copa Príncipe, onde intentará revalidar o título conseguido o ano pasado.

Con este partido finaliza a primeira volta onde os xogadores da Costa da Morte conseguiron puntuar en 4 dos 8 partidos disputados. Sen dúbida, un gran inicio de tempada tendo en conta que son debutantes na categoría e a enorme mocidade do persoal, formada nas categorías inferiores do club, ademais das dúas fichaxes, o utrerano Daniel Muñoz e o venezolano Néstor González, xa recoñecido nas pasadas xornadas como un dos destacados da Liga.

Imaxe do choque ante o EMEVE

Este sábado xogan en Palencia ás 17:30 contra CyL Palencia 2018, equipo formado polas novas promesas do voleibol nacional que forman a Selección Xuvenil Española. O partido será contra un rival directo, xa que tan só os separan 3 puntos na clasificación, e prevese moi igualado como reflicte o 3-2 a favor dos dumbrieses da primeira volta.

Categorías inferiores

Os equipos cadete e xuvenil masculino de Voleibol Dumbría, facendo un gran traballo nas Ligas Galegas, enfróntanse o domingo día 4 a partir das 16:00 ao Calasancias da Coruña no Pabellón de San Francisco Javier na 8ª xornada da 1ª División Autonómica.

Máis información

• Resultados e Clasificación Grupo A – SuperLiga 2.
• Plantel do CV Dumbría.

Novas relacionadas

• A canteira do Volei Dumbría tamén responde.
• O potente UVA non deu opcións ao Volei Dumbría.
• Volei: Unha montaña rusa de compromiso.
• Néstor, a fichaxe venelozana do Volei Dumbría, comeza a demostrar o seu poderío.
• O Volei Dumbría abónase ao 3-2 da man dun gran Néstor González.
• Unha derrota e un empate para as categorías inferiores do Volei Dumbría.
• Unha remontada épica para soñar.
• O Volei Dumbría volve á crúa realidade da SuperLiga2
• O Volei Dumbría engancha á afección no histórico debut en SuperLiga2.
• O Volei Dumbría comeza a súa histórica andaina pola SuperLiga2.
• O Volei Dumbría xogará na Superliga 2.

Fonte

• Volei Dumbría.