Preferente: Só o Santa Comba supera unha xornada complexa

Preferente: Só o Santa Comba supera unha xornada complexa

08:55 02/04/12

Era unha xornada complicada que se traduxo en resultados malos para os nosos. Só o Santa Comba foi quen de sumar os 3 puntos, nun choque no que perde ata 3 xogadores por expulsións, unhas expulsións que parecen que sentan ben aos laranxas. O cadro de Gelucho segue nunha liña moi boa de resultados e xa se mete na 4ª praza, a só 2 puntos do Boiro. Precisamente o Boiro podía co Soneira nun encontro no que os de Miguel prantaron cara pero se viron superados por goles en momentos clave. Tamén caeu o Dumbría cun Narón veterano e eficaz. Pola súa banda, o Xallas sumaba un punto de ouro, contando coas baixas que tiñan os verdes, co Bertamiráns.

Dumbría - Narón (1-2)

DUMBRÍA: Juan, Iván (Tatán, min.77), Ismael, Aarón Fdez., Suso, Aarón López, Luisete (Poyo, min.64), Schuster (Riki, min.77), Iago, Eloy e Leo (Cacho, min.64).
Goles: 0-1, min.29: ; 1-1, min.41: Leo; 1-2, min.71.

Escapouse un punto de novo do Conco, tras un partido igualado, cun Narón veterano e tremendamente eficaz. Foi un choque con moito xogo no medio campo, sen ocasións, cun cadro ferrolán que soubo contemporizar, e que sentenciaron en dúas xogadas de estratexia. Así e todo os visitantes acabaron pedindo a hora e Iago no desconto tivo unha ocasión a "bocajarro" para empatar. Antes un gol anulado a Eloy por fóra de xogo puido supoñer a vantaxe dos locais, pero ao final nulo premio para os dumbrieses.

Boiro - Soneira (3-0)

SONEIRA: Durán, Ferreiro, Pablo, Martín, Vecino, Santi, Andrés (Mayor, min.60), Míchel (Mauro, min.80), Iago, Kike (Richi, min.73) e Brais (Javi, min.60).
Goles: 1-0, min.44; 2-0, min.70: de penalti; 3-0, min.89.
Expulsión: Vecino no min.70.

Dando a cara o Soneira ante o potente Boiro pois o resultado foi moi enganoso. Miguel quedou contento porque o equipo compite cos de arriba, pero os goles en momentos claves decantaron o choque. Moi ben os de Miguel na primeira metade, sobre todo nos primeiros 20 minutos. Aí pediron os soneiráns un penalti sobre Brais, que o colexiado non viu. Pero ao fío do descanso chegaría o primeiro gol psicolóxico dos locais. Kike tivo unha só diante do porteiro para empatar, pero no minuto 70 chegaría a xogada que acabou co partido: un penalti e expulsión de Vecino que puña o 2-0 e deixaba o Soneira con 10. Para a semana, o cadro afronta un partido vital ante o Unión, un dos que marcan o descenso, a falta de 8 xornadas, ten 7 puntos menos que os vimianceses.

O Val - Santa Comba (0-1)

SANTA COMBA: Diego, Gelo, Angelo, Roberto, Gonzalo, Jota, Doro (José Ángel, min.6) (Darío, min.47), Noli (David Agra, min.88), Orlando (Óscar, min.67), Julián e Pablo Baña.
Gol: 0-1, min.87: Darío de falta directa.
Lesión: Doro cun forte golpe no nocello e José Ángel cunha brecha no pómulo.
Expulsión: Gelo (min.52), David Agra e Roberto Amoedo e o segundo adestrador Manolo Genaro no min.89, ademais de numerosas cartóns amarelos por protestar.

Foi o Santa Comba o único en sumar 3 puntos, e tamén 4 expulsións, pero parace que as expulsións séntanlle ben aos de Gelucho. O cadro laranxa vai como unha moto e xa van 4 vitorias e un empate nos últimos 5 partidos. Foi este de O Val un partido igualado, disputado, de moita intensidade, ante un bo equipo, no que os xalleiros contaron cun pelín de sorte e acerto. Os locais non marcaron as que tiveron pero o xuvenil Darío, que volvía tralo seu paso polo Conxo de División de Honra, tirou de descaro, e tras un partidazo, colleu o balón nunha falta ao borde da área e a clavou cando apenas faltaban 3 minutos para o final. Iso si, o cadro laranxa levou o peso do partido e tivo varias ocasións para Noli de cabeza que salvou o porteiro; outra tras ese córner José Ángel mandou un rexeite ao longueiro. Na segunda, Julián e Pablo Baña tamén avisaron pero foi Darío quen asinou o gol da vitoria.

Xallas - Bertamiráns (0-0)

XALLAS: Cheli, Isma, Iván Forján (Óscar, min.83), Becerra, Álvaro, Ricardo, Rubén Forján, Pío (Luís Castro, min.52), Luís, Brais e Alexandre.

O Xallas acadou un empate que lle sabe a gloria, pois o Bertamiráns foi mellor de principio a fin. Os de Iván Cancela andan xustos de xente e de forzas, e a liga estase facendo moi longa. Saíu plegado o Xallas, dificultando a saída do balón, e non permitindo que o Bertamiráns desplegase o seu xogo. Pero en liñas xerais, o cadro santiagués foi superior. Só avisou o cadro local con unha ocasión de Becerra nunha xogada de estratexia, pero sen máis consecuencias. Empate pois que lle permite seguir cómodo na táboa ao cadro verde.