Rafael Louzán: “A nivel de Copa non se vive en ningún punto de Galicia o que se vive na Costa”

07:10 26/12/16

Rafael Louzán durante a Gala do Fútbol da Costa QPC de Mazaricos-Foto-JP Tivemos a ocasión esta semana de ter unha longa conversa co presidente da Federación Galega de Fútbol, Rafael Louzán. Un home que cumple dous anos no cargo, e que segue achegándose cada vez a cada fútbol galego. Precisamente resalta a necesidade de “descentralizar” a federación, para poder chegar coa formación e co resto de servizos a onde estean os clubs. E precisamente na Costa é onde hai moitos e senlleiros clubs, e ata aquí quere chegar mello coa apertura da nova sede en Baio, da que tamén falamos con el.

QPC: Que diferencias atopou entre xestionar unha Deputación e unha Federación Deportiva?

A verdade é que a diferencia máis grande é no apartado economico, pois na Deputación tes 150 millóns e aquí só 5. Pero o importante é a xestión humana. Aquí estaba todo por facer e estamos traballando para convertirnos na gran aliada dos clubs. Estes días estou vendo por exemplo adestrar á Selección Galega Feminina que volveu despois de 9 anos, igual que a Selección Galega masculina, por iso creo que hai moito por facer.

QPC: Precisamente sobre ese Fútbol Feminino, como vai a aposta da Federación por el? Na Costa temos 5 equipos, de gran categoría, no FSF, e pode que nun futuro non moi lonxano sexamos potencia.

Está medrando en fichas e equipos, pero pode medrar máis. En todo caso, estámonos atopando cun serio problema entre a conciliación de vida familiar e laboral, que non é tan fácil como parecía. O deber da Federación é intentar facilitar ás cousas ás xogadoras. Creo que co evento de Vilagarcía dámoslle un impulso, pois xogar contra unha das mellores seccilóns do país como é Cataluña é importante para a Selección. Ademais, estaremos centrados en axudar aos clubs e na captación de máis mulleres que queiran practicar igual que estamos facendo no mundo de arbritaxe, para incorporar máis mulleres.

QPC: Falando de Fútbol Base. Por que non houbo ningún equipo costeiro nesa cita de hai un mes na que se propuxeron varios cambios no fútbol base galego?

Pois a verdade é que en Galicia temos 7 delegacións, e collemos 2 clubs por delegación. Era unha primeira cita para escoitar aos clubs, e aí xa temos un Comité de Fútbol Base establecido, que vai ser o que ten que tomar medidas. O tema que na Federación nunca se puxemos a valorar cambios. E hai que facelos, porque como todo na vida, o fútbol base vai evolucionando. Para 17/18 estamos traballando para evitar os insultos nos campos, ou esas goleadas que se poderían chegar a entender como humillacións, pero son moitas cousas que hai que escoitar e tomar decisións. Todo será en base a diálogo e a consenso.

QPC: E Achegándonos xa á Costa da Morte, e seguindo en clave de base. Podería a Costa albergar un campionato de seleccións sub-16, por exemplo?

Sen dúbida, a vantaxe de levar estes eventos da Costa é que temos garantizada unha cousa, que é o apoio masivo do público do Fútbol da Costa. Faremos o posible, buscaremos unha ubicación idónea, sempre en base ao que nos pidan os clubs.

QPC: Que lle sorprende do Fútbol da Costa?

Non me equivoco se digo que o arraigo que ten o Fútbol da Costa é do máis importante do fútbol modesto galego. Temos que darlle o fútbol da Costa o que se merece e estamos poñendo todo da nosa parte. As dúas veces que fun á Copa da Costa quedei impresionando. Non vin ningunha en toda Galicia que teña a dimensión da vosa, a cercanía, o calor… A nivel de Copa non se vive en ningún punto de Galicia o que se vive na Costa.

QPC: E falando xa da nova sede da Federación de Baio. Que cousas aportará á zona?

Pois si, estamos a piques de abrir dúas novas delegacións en Baio, emais en Burela, coa intención de seguir descentralizando os servizos. Son novos espazos necesarios para os clubs, árbitros e adestradores.

QPC: Que cousas boas aportará á zona?

Conleva unha vantaxe moi importante, porque vai haber unha delegación dos árbitros da Costa, que permite bonificar o recibo arbitral para que lle salga moito máis barato aos clubs da Costa. É de xustiza que se leve a cabo.

QPC: Como vai ser o seu funcionamento?

O convenio co Concello de Zas permítenos utilizar o edificio anexo ao pavillón de Zas, onde haberá unhas moi boas aulas de formación, algo moi beneficioso para os clubs, arbitros e adestradres. Unha persoa estará fisicamente 3 días á semana e todas as veces que se demande por parte dos clubs.

QPC: Xa van máis de 200 diplomados nos últimos anos. A nova sede servirá para seguir fomentando a Formación de adestadores?

A formación é moi importante. Sei que non foi doado para todos os clubs, pero é moi fundamental para o futuro do noso fútbol, sobre todo na base, que na temporada 17/18 en todos os bancos de Galicia vai haber unha persoa cun título formativo, como mínimo de monito de fútbol base, e iso é o importante, porque para coidar e formar nenos hai que ter un mínimo de formación. É algo que nunca se quixo facer, e que sabendo que é un tema polémico, conseguimos levalo adiante e facelo unha realidade.

QPC: Na Costa segue habendo moitas queixas trala modificación do Plan Competicional que obriga aos equipos da zona a viaxar máis lonxe, e que deixa moi coxa a 3ºGalega. Vaise revisar?

Calquera cambio dese calibre o deben e ovan decidir os clubs, e nós facendo de árbitros pensando no conxunto. Esa medida de engadir unha 1ª máis non foi unha boa medida porque as 3ª Galegas quedaron con moi poucos equipos. Estamos pensando nelo, e veremos que decisión se toma nun futuro, pero sempre con previa consulta aos clubs. Estamos mirándoo, si.

QPC: Hai algún proxecto en marcha para fortalecer, engrandecer o noso fútbol costeiro?

O que queremos facer e o poderedes comprobar vós este ano, é darlle a importacia real que ten a Copa da Costa, polo respaldo e o apoio do púbico a este evento. Así que a FGF vaise ocupar de organizala este ano, actuando de maneira importante para darlle impulso. Iso tamén de estarmos a traballar de poder facelo en categorías base.

Rafael Louzán na Gala QPC-Foto-JP

QPC: Que lle merecen os proxectos de QPC no Fútbol da Costa como a Gala, na que estiveches o pasado verán?

Quedei gratamente sorprendido pola dimensión do acto, mesmo o auditorio de Mazaricos quedou pequeno, e pola humildade de todas as persoas que estades aí detrás. A min me gustaría que se contara con nós, así que vos invito a que nos sentemos dende o primeiro momento. Estaremos encantados en participar activamente.

QPC: Que carencias lle ves ao Fútbol da Costa? Que cousas deberíamos mellorar?

Eu levo 2 anos intentando crear unha estrutura completa na Federación para achegarnos aos clubs. Cambiamos unha gran sede da Coruña de 5 millóns por moitos puntos pequenos adquiridos pola entidade para seguir chegando: Santiago, Lugo, Ourense… Nas 7 delegacións hai novos espazos para traballar e iso é fundamental. Ademais, a min me gustaría coñecer as infraestruturas da zona, que son susceptibles de mellora, e niso temos que traballar. Por primeira vez a FGF vai invertir en invertir nas melloras de 5 campos de fútbol en Galicia, algo que nunca fixo, por agora só en Lugo, Ourense e Santiago, dous campos da Coruña do FEF e outro en Vigo da Deputación. Temos que axudar a melloralas.