Onte presentouse no museo da Terra do Xallas o 2º Rallymix que terá lugar a vindeira fin de semana en Santa Comba O museo da Terra do Xallas acolleu onte a presentación do 2º Rallymix que terá lugar a vindeira fin de semana en Santa Comba. Iván Corral - presidente da Federación galega de Automobilismo -, María Pose - alcaldesa de Santa Comba -, Silvia Cancela - concelleira de deportes - e representantes das escuderías HC Competición e Esa Moto-Amigos do Motor asistiron ao acto de presentación. Iván Corral agradeceu a “aposta firme e decidida do concello de Santa Comba” para a celebración desta proba e a axuda económica da Deputación e da Secretaría Xeral para o Deporte. Pola súa banda, a alcaldesa destacou a “tradición no mundo do motor” de Santa Comba e aplaudiu o traballo das escudarías, dos voluntarios e do persoal municipal e lembrou o compromiso do executivo local co deporte “desde as escolas deportivas ata as actividades para os maiores como é o Cachibol”. Tamén fixo unha mención a participación neste Rallymix do piloto local, Bruno Almeida.
II RALLYMIX TERRA DE XALLAS SANTA COMBA por santacombatv Tanto a alcaldesa como o presidente da Federación fixeron un chamamento aos seareiros para que non se perdan a última proba do ano do campionato galego desta modalidade e pediron que se respecten as informacións dos comisarios da proba e das forzas de seguridade para poder gozar dunha cita segura e divertida.

Novas relacionadas

• Chega o 2º Rallymix Terra do Xallas
• De Pasarela para o mundo.
• Maio 2016: A crema do autocross galego fixo vibrar o Circuito de Bértoa.
• Febreiro 2016: Iván Corral: “Estamos traballando nun Rally da Costa da Morte”.

Fonte

• Redacción QPC (info@quepasanacosta.com)
• Concello de Santa Comba