Mércores. 01.12.2021
El tiempo

Sen parada no Fútbol Costeiro

Sen parada no Fútbol Costeiro

Non ten parada xa o fútbol costeiro. Menuda fin de semana esta do ecuador de agosto, con fútbol de punta a punta. Imos repasando as citas que nos foron chegando, comezando polo torneo dos torneos.

Campionato de Barrios de Esteiro

Independiente campion do Campionato de Barrios de Esteiro 2014

Moito fútbol viviron as xentes de Muros esta fin de semana. O sábado tivo lugar unha das citas máis esperadas do ano, pois moita da xente que vive lonxe da terra, ten este evento, no marco das Festas do Carme, como a gran cita futbolística da tempada. A gran final do Campionato de Barrios de Esteiro 2014 volveu ateigar o Xosé Luís Vara. E desta volta foi o Independiente o que se proclamou campión ao vencer na final ao Ciclóns do Maio.

3º quedou o Carallo Santo e 4º o Tal, deixando a cuchara de pau, o deshonroso pero simpático premio ao último clasificado, para o Praias de Reimundes. Sempre dicimos da calidade do torneo, como o refrenda o nome do máximo goleador, Kike Paluca, dos Ciclóns. O porteiro menos goleado foi o seu compañeiro Ricard Esteiro, mentres que o xogador máis deportivo foi Fernando, do Tal.

Ciclos do Maio quedaron segundos no Campionato de Barrios de Esteiro 2014

Triagunlar en Muros

Montelouro-Volantes

Para o domigno quedou o Triangular do Volnates que servía para ver aos 3 equipos que quedan vivos no Concello, con numerosas caras novas.

O Montelouro comezaba vencendo ao Volantes por un claro 3-0 e empatando ca Esteirana sen goles. No último choque, o Volantes vencía á Esteirana, mermado polo campionato do sábado, claro, por 1-0, polo que o cadro de Jurjo se alzaba co título.

Montelouro-Esteirana

Triangular de Vimianzo

Fantástico foi o Triangular vimiancés entre Baíñas, Soneira e Castrelo, que tivo que ser aprazado a fin de semana das festas pola gran participación soneirá na Copa Deputación, Moi bo ambiente no municipal para ver os seguintes choques:

  • Soneira - Castrelo (2-0).
  • Castrelo - Baíñas (1-2).
  • Soneira - Baíñas (2-0).

Así, mantivéronse as posicións segundo categorías, e o campión foi o Soneira, 2º o Baíñas e 3º o Castrelo.

Trofeo Concello Vimianzo 2014-Fotos-Oscar

Cee, campión do Trofeo da Xunqueira

Cee campion do Trofeo Xunqueira 2014

O U.C. Cee proclamouse campión do LIV Trofeo da Xunqueira celebrado este pasado sábado entre o cadro azulón que agora dirixe Rafa, o novo Ameixenda de Manolín e o SD Fisterra de Nacho. Os ceenses venceron os seus dous partidos.

Ruben Fiuza e Jose Carlos recollendo o Trofeo da Xunqueira

Trofeo Apligasa de Cabana

Cabana campion infantil do Trofeo Apligasa

Na xornada deste sábado disputouse nas Redondas o Trofeo Apligasa de fútbol base, no que particiaron os rapaces do Cabana, os do Sp. Zas, Atl. Arteixo e Club do Mar. Os resultados foron os seguintes:

  • Infantís: Cabana SD - Sp. Zas (8-2).
  • Cadetes: Cabana SD - Atl. Arteixo (6-1).
  • Xuvenís: Cabana SD - Atl. Arteixo (2-2) (ganaron os cabaneses na ronda de penaltis).
  • Sénior: Cabana SD - Club do Mar (0-7).

Trofeo Concello de Outes

Noia e XSC no Trofeo de Outes

Moita calidade se viu no Cunchido no Trofeo Concello de Outes entre 4 equipazos. O Outes vencía ao Cruído e o Noia 1-0 ao XSC, e na final o Noia superaba 0-2 aos locais, polo que se alzaba co título. A mala nova protagonizouna Elías Ruso, que se lesionaba de gravidade.

Memorial José Pailos

Alejo no Memorial Jose Pailos-Foto-Edu Cambon

En Corme tiña ligar o Memorial José Pailos, lembrando un mítico do clube azulón. O Cairo recibía ao Imperátor, pero o Corme non se amilanou e venceu por 4-1, con 3 tantos de Alejo, que parece que comeza a temporada para dar que falar na 1ª, e un de Manu.

Un par de amistoso

Zas-Sofan en San Andres-Foto-SD

Partidazo en San Andrés para probar dous equipazos, como son Zas e Sofán. O cadro sofanistas, este ano na 1ª, se impuxo por 0-2 cos tantos de Braus e Raúl tras unha gran xogada de Iván Rojo.

O Ponteceso vencía ao Laxe por 0-1 nun Partido amigable polas Festas de Laxe. Foi un choque moi disputado por ambos conxuntos no que se decantou a vitoria do Ponteceso no min.80 con gol de Alberto Recarey nun barullo na area. O capitán Javi Peón levantaba o trofeo como gañadores do partido.

Mentres, a S.D.San Lorenzo de Verdillo obtivo na tarde de hoxe unha ben traballada e merecida vitoria por 1 a 2 fronte ao Coristanco equipo locatario. Os goles na tarde de hoxe foron da man de Dani Laxe e David Álvarez.

Pola súa banda, o novo Camariñas de Gerpe enfrontábase ao Nantón, ao vencía por un 1-0 nun partido moi complicado para os camariñáns.

O domingo tamén xogaron un amigable o S.D. Camelle e o Porteño no campo do Rodeiro (Camelle) co resultado de empate a 3 goles e uns 150 siareiros nas gradas.

E nas categorías inferiores, o venres tivo lugar un amistoso no Conco entre o Dumbría xuvenil e o Bergan de Liga Nacional. A pesar da diferencia de categoria e das moitas baixas dos de Dumbria (Jano, Duarte, Lucas, Pablo Pardiñas e Bruno entre outros ) os locais gañaron 1-0 con gol de Juan de Dora que se tivo que retirar lesionado tras unha entrada aos 15 minutos. O dominio foi dos locais que gozaron de varias ocasións, se ben o Bergan tirou un balon o pau. Tras o descanso mais do mesmo pero a falta de 20 minutos un xogador do Bergantiños lesionariase de maneira grave nun choque fortuito tendo que ser trasladado en ambulancia o hospital. Os dous equipos de forma conxunta decidiron rematar o partido minutos despois co resultado de 1-0 para o Dumbría.

Máis información

Novas relacionadas

Novas relacionadas

Fonte

comentarios