Deportistas do panorama nacional e internacional participan no IX Open de pesca do río Xallas. Imaxe: Manuel Suárez Os ríos que discorren polos concellos de Dumbría e Mazaricos serán o escenario este venres e sábado (28 e 29 de abril) do IX Open de pesca a mosca por parellas Río Xallas - organizado polo clube Salmo coa colaboración do concello dumbriés e os patrocinadores do evento - . En total participarán 68 deportistas entre os que destacan Jordi Oliveras e Pablo Castro - bicampións do mundo por equipos - e o galego David Arcay - tricampión do mundo -. Tamén competirán os actuais campións de España xuvenís - Ali Pérez e Manuel Gómez - e o campión galego - José Manuel Socastro -. Ademais no open paticiparan deportistas de distintas nacionalidades (franceses, portugueses, arxentinos) así como unha ampla representación do panorama nacional e galego. A proba desnvolverase no coto de Xallas-Beba que é un dos poucos ríos galegos regulados para a pesca sostible sen morte. O río dividirase en 17 tramos que se distribuirán entre os deportistas por sorteo, habendo oito mangas de dúas horas de duración. Neste mesmo escenario xa se celebrou o campionato de España e o campionato do mundo xuvenís. O Open do Xallas - que vai pola novena edición - é unha das competicións máis relevantes do panorama nacional e internacional e conta cunha longa lista de espera de competidores que desexan ter a súa praza no evento. Novas relacionadas

• Cinco campións do mundo compiten no VIII Open de Pesca Río Xallas
• Máis de 200 persoas participan nun concurso internacional de pesca deportiva
• O Río Xallas volveu convertir Dumbría nun referente internacional da pesca sen morte
• O Río Xallas recibe ao máis granado da pesca sen morte internacional.
• O Xallas recibe á élite da pesca.
• Dous campións do mundo estarán no Open de Pesca Río Xallas.
• O Anllóns e o Xallas volveron comprobar a supremacía do clube de Pesca Salmo.
• O Couto de Verdes do río Anllóns acolle unha nova exhibición do coruñés David Arcay.
• A Costa da Morte xa está no circuito de pesca de salmónidos.
• A pesca tomou a Laxe e Camariñas.
• O Campionato de Pesca Submariña cede 350 kg de peixe a Cáritas.

Fonte 

• Redacción QPC (info@quepasanacosta.com)
• Club Salmo.