Volei: Unha montaña rusa de compromiso
O Volei Dumbria cos traballadores de Ferroatlantica
Menudo partido este pasado sábado no Conco. Un partido de contrastes, que foi unha auténtica montaña rusa de emocións e xogo por parte dos dous equipos, que fixo as delicias dos case 500 espectadores que poboaban as gradas do municipal dumbriés. Unha bancada entregada ao seu equipo que saltaba ao campo demostrando o compromiso do deporte coa sociedade costeira e amosando o seu apoio aos traballadores de Ferroatlántica.
Derrota no campo
Enfrontábanse dous equipos moi diferentes en estilo de xogo e experiencia. O partido empezou cun primeiro set dominado claramente polo equipo local, baseados nunha gran defensa e bloqueo, e un ritmo elevado de xogo, permitiulles levarse o primeiro parcial por un 25-18 O segundo set foi un continuo desgaste dos dous equipos cunha igualdade máxima que os xogadores locais non puideron pechar na fase final cun 21-18 ao seu favor. Un arreón final dos xogadores do Arona permitiulles levarse o set cun axustado 24-26.
A perda deste set desmoralizou aos xogadores locais que non souberon repoñerse e acabaron cedendo claramente as dúas mangas seguintes por uns claros 25-14 e 25-10.
O cadro de Charli queda na 7ª praza, con 3 equipos aínda por detrás, sumando 7 puntos. A vindeira xornada, o sábado 19 recibe de novo ao Universidad de Valladolid ás 17:00h no Conco.
Máis información
Novas relacionadas
- Néstor, a fichaxe venelozana do Volei Dumbría, comeza a demostrar o seu poderío.
- O Volei Dumbría abónase ao 3-2 da man dun gran Néstor González.
- Unha derrota e un empate para as categorías inferiores do Volei Dumbría.
- Unha remontada épica para soñar.
- O Volei Dumbría volve á crúa realidade da SuperLiga2
- O Volei Dumbría engancha á afección no histórico debut en SuperLiga2.
- O Volei Dumbría comeza a súa histórica andaina pola SuperLiga2.
- O Volei Dumbría xogará na Superliga 2.
Fonte
- Volei Dumbría.
