O Cee volveu gañar o Xallas e se proclamou campión da primeira fase no Sur A tenda Máis Deporte, en Cee, patrocina as Ligas de Xuvenís. Pincha e coñécenos a través do noso Facebook Xornada importantísima esta a penúltima da primeira fase das Ligas Xuvenís. Polo Sur dous choques copaban toda a atención. En Castriz, o Cee volveu demostrar do que é capaz vencendo a todo un Xallas e rematará invito con probabilidade, por diante do cadro xalleiro. Xunto a eles, o terceiro posto aínda está por definir. O sábado o Outes vencía en Fisterra, pero só por un gol, o que lle permite ao cadro fisterrán manter o golaverage. Un detalle que pode ser clave, pois a vindeira semana o Outes recibe a todo un enrabietado Xallas, e só lle vale gañar. Se empata o cadro da Serra e vence o Fisterra será o equipo verde o que se meta na Liguilla dos campións. Polo Norte, quedou todo resolto. O Ponteceso remata líder, pero pareceu que ao debutante As Pedreiras lle puido a presión de rematar no máis alto. Xunto a eles, será o Coristanco e non o Corme o que se meta na seguinte fase, tras certificar o seu pase vencendo, a pesar da derrota do partido aprazado no seu día, polo golaverage. Impecable este Ponteceso de Gurita, campión da primeira fase do grupo Norte  

1ª Xuvenil, Grupo Sur, xornada 17

  Xallas - Cee (0-1)

• Campo: San Pedro.
• Xallas: Coke, Danis, Peke (Grille), Pablo (Brais), Raúl (Heitor), Alberto, Juanjo, Fran (Manu), Thiago,Rachón, Carlos (Guillín).
• Cee: Carlos, Trillo, Rubén Senlle, Hugo, Chema, Alex Agulleiro, Jon, Isma, Samu e Pablo. Tamén: Adrián, Xabi, Brais, Xavi e José Carlos.
• Gol: 0-1, m.62: Isma tras un regate na área.

Tenlle a medida gañada este Cee ao poderoso Xallas. Só se deixou esta primeira fase 6 puntos o cadro de Dani Calvete, as dúas derrotas endosadas polos de Carlos Pazos. Os ceenses rematarán esta primeira fase invictos se vencen ao Muxía na última xornada. Ambos sairán como favoritos na Liguilla de campións para meterse na Fase de Ascenso á Liga Galega. O choque sabatino mantivo o guión previsto, practicamente calcado o da primeira volta, co Xallas ca posesión do balón, pero con pouca profundidade e sen crear case perigo, un par de faltas na frontal e un par de mans a mans, foron insuficientes para facer gol ante un Cee moi rochoso con dúas liñas moi xuntas que buscaban a contra. Nunha delas, e tras un erro defensivo xaleiro, chegaría ao cuarto de hora o gol de Isma. Un gol que deixou tocado ao cadro xalleiro, que tardou en repoñerse. O Xallas volcouse con máis corazón que cabeza nos últimos 20 minutos, pero sen acerto de cara porta.   Muxía - Montelouro (8-1)

• Campo: Arliña
• Muxía: Hugo, Adrián (Martín, m.46), Gusa, Marce, Vilela (Pabliño, m.46), Tomás, Xan, Iván, Mario, Josiño e Toja.
• Montelouro: Xavi, Bertín, Javi, Airam, Jose, Joaquín, Juan de Lariño, Alexis, Luís e Felipe.
• Goles: Mario (3), Josiño (3), Toja (2) e Martín para o Muxía. Luís para o Montelouro.

Pouco que contar nun partido moi desigual en Arliña, cun Muxía moi superior ante un cadro loureán que chegaba con 11 xustos e que remataba con 10 sobre o céspede por unha lesión. Adiantouse o cadro visitante co gol de Luís, pero só serviu para espertar aos vermellos.   Corcubión - Esteirana (2-4)

• Campo: Novo Cubaleiro.
• Corcubión: Abel, David, Porto, Jose Angel, Danilo, Juan, Luís Lojo, Samu, Antonio, Mesejo e David Oca. Tamén xogaron: Rafa e Roberto.
• Esteirana: Dani (Álex de Yi), Anxo, Chaki (Kevin), David (Álvaro), David de Noia, Álex de Dina, Rubén, Xian, Carajillo, Pachín e Iker (Benji).
• Goles: 1-0, m.22: José Ángel; 1-1, m.31: Carajillo; 2-1, m.33: Luís; 2-2, m.50: Carajillo; 2-3, m.65: Xián; 2-4, m.87: Xian.
• Expulsión: o corcubionés José Ángel no 70 por doble cartón.

Mal partido en Corcubion nun encontro no que os equipos non se xogaban nada e o único a cómpre reseñar son os goles, algún de bella factura. O Corcubión comezou meténdose por diante en dúas ocasións, pero nunha boa segunda metade o cadro blaugrana remontou.   Fisterra - Outes (1-2)

• Campo: Ara Solis
• Fisterra: Aarón, Papin (Manu), Andrés, Jf, César, Dani, Pichino, Asier, Gabi, Alex, Aarón Lobelos.
• Outes: Alex, Álvaro, David (Siro), Joel, Alberto, Saúl, Simón, Adrián (Fran), Fabio (Mateo), Adán e Sergio.
• Goles: 0-1, m.30: Adán de falta directa; 1-1, m.50: Pichino cun remate dentro da área pequena; 1-2, m.54: Simón en xogada a balón parado.

Partido importantísimo en Ara Solis entre os dous candidatos a ocupar o 3º posto e meterse na Liguilla. O Fisterra chegaba con vantaxe a este partido pero o rematou sen depender de si mesmo. Foi un choque tremendamente igualado, decidido nas xogadas a balón parado, e no que o cadro da Serra tivo a sorte de cara. Tras media hora de respecto máximo, sen un dominador claro, cun Fisterra con maior dominio de balón e un Outes ben armado e buscando a velocidade das súas puntas. Adán abría o marcador de falta directa. Comezaba a segunda metade co empate de Pichino. Pero o Outes volveriase poñer por diante outra vez a balón parado nunha falta lateral. A partir de aí quedarían 20 minutos nos que o cadro de Eskio se volcouen ataque e os “uisss” se convertiron en protagonistas pero a pelota non quixo entrar. Agora, o Outes conta con dous puntos máis de cara a última xornada, pero terá que facer o mesmo que faga o Fisterra, e ante todo un Xallas. É dicir, se vence o Fisterra en Esteiro, o Outes ten que gañar a todo un Xallas.  

1ª Xuvenil, Grupo Norte, xornada 17

  Ponteceso - As Pedreiras (4-1)

• Campo: O Pinguel
• Ponteceso: Damián, Luca, Iván Cousillas, Aarón, Samu, Ismail, Iván Rod., Brais, Eloy, Aday e Loureiro. Tamén; Pop, Espasandín, David Velo, Arturo e Víctor.
• As Pedreiras: Benjamín, Pablo, Diego Fidalgo, Ferreiro, Dani Cotelo, Pazos, Aarón, Alex Cotelo, Alex e Brais. Tamén: Iván, Alberto e Diego Vázquez.
• Goles: 1-0, m.2: Ismail; 1-1, m.8: Alex Cotelo; 2-1, m.9: Eloy; 3-1, m.56: Ismail; 4-1, m.86; Eloy.

Era un dos partidos da semana, co liderado do Norte en xogo. Pero o cadro das Pedreiras pagou a inexperiencia do debutante e os nervos non lle permitiron desenvolver o xogo ao que nos ten acostumado o cadro de Rudi. Os locais de Gurita saíron tremendamente enchufados e en apenas 2 minutos xa se adiantaban. Empatou pronto o cadro visitante pero apenas un minuto despois volvían poñerse en vantaxe. Na segunda metade houbo maior diferencia para os locais, que souberon baixar o balón, controlar os tempos e sentenciar no momento axeitado, para celebrar o primeiro título da tempada. Ambos loitarán co Coristanco, Cee, Xallas e Outes ou Fisterra por meterse na Fase de Ascenso.   Zas - Corme (2-8)

• Campo: Platas Reinoso.
• Zas: Hadrián; Ruben, Brais, Calo, Ismael; Kevi, Madelin e Adri.
• Corme: Pombo, Pandi, Anxo, Cristian, Aitor, Martín, Isaac, Bruno, Roque, Manu Bermúdez, Diego. Tamén: Mauro, Manu Tasende, Javi.
• Goles: Manu Bermúdez (3), Isaac Torrado, Roque (2), Cristian Garrido e Diego. Brais (2) para o Zas.

Simulacro de partido xa que o Zas só xunto 8 xogadores. Unha vitoria que non lle vale ao Corme para pelexar polo podio.   Cabana - Laxe (4-0)

• Campo: As Redondas.
• Cabana: Darío, Yago, Rubén, Fernando (Martín), Álex López, Breo, David (Kevin), Julián, Ferreiro, Alberto, Álex Lema (Roberto).
• Laxe: Íñigo, Valentín, Miguel, Bruno, Manu Cousillas, Solís, Santi Casas, Nico Pazos, Bieiro, Alex e Samuel. Tamén Iván e Álvaro.
• Goles: 1-0, m.8: Ferreiro a cntro de Fernando; 2-0, m.65: Alberto dende lonxe pegando no longueiro e no porteiro antes de entrar; 3-0, m.76: Kevin; 4-0 m.89: Julián.

Foto-Cabana Comezou o partido o Cabana atacando e tendo balón ante un Laxe que esperaba atrás e sacaba contras. Pronto se adiantarían os de Fernando, pero tralo 1-0 o partido estancaríase. A defensa e o porteiro laxense estaban ben e non permitían mover máis o marcador. A partir de aí o partido sería máis claro e Kevin nun rexeite tras outro paradón de Íñigo e Julián, sentenciaban no treito final.   Sofán - Camariñas (6-0)

• Campo: Carral.
• Sofán:
• Camariñas: Manuel, Facundo, Gabriel, Alex, Eloy, Luis, Juanito e Álvaro.
• Goles: Sergio García (2), Alex Fidalgo, Brais Rey (2) e Dani Bolón.

Con só 8 xogadores chegaba Faus ao Carral, debido a que coincidiu o día co partido dos senior e que varios rapaces estaban enfermos. Así e todo deron a cara os camariñáns durante máis dunha hora e o segundo gol local só chegou no min.75, momento no que xa se descompuxo a defensa visitante e que permitiu que caesen outros 4 Pero durante a primeira metade e esa case media hora da segunda, os bravos camariñáns, ben xuntiños, aguantaron as embestidas dun bo Sofán.   Coristanco - Baio (5-2)

• Campo: A Rocheira.
• Coristanco: Alex, Iago, Jorge, Álvaro, Sergio, Adrián RR, Alex, Dani, Carlos, Iván, Castro. Tamén: Braian, Anido, Varela, Espasandín, Mirchu.
• Baio: Cedrón, Leal, Muíño, Gavín, Sergio, Souto, Mohedano, Damián, Estefan, Santi Moreira, Alex. Tamén: Julián, Queiro, Iago, Fuentes e Ordóñez.
• Goles: 0-1, m.8: Estefan; 0-2, m.10: Sergio; 1-2, m.16: Dani Vázquez de falta; 2-2, m.17: Alex; 3-2, m.20: Castro; 4-2, m.66: Anido; 5-2, m.89: Adrián RR.

O Coristanco xuvenil meteuse ente os mellores do curso Chegaba este novo Baio, ás ordes de Fredi despois da marcha de Roberto Lozano, á Rocheira, para enfrontarse a un Coristanco que necesitaba a vitoria para meterse na Fase dos mellores. O equipo de Eloy, aínda con numerosas baixas, comezaba despistado e era o Baio o que comezaba empurrando. Era un choque de moita intensidade e cada erro pagábase caro. En 20 minutos os erros protagonizaron 5 goles, que metían primeiro por dúas veces ao Baio por diante, pero que permitían ao Coristanco remontar e acabar eses tolos 20 minutos por diante cun novo gol de Castro. Seguía o partido moi igualado ao descanso, cun Coristanco gozando do seu fútbol no que cada erro baiés era o pan de cada contra. Anido rompía definitivamente o partido mediada a segunda metade e permitía que o cadro local se gustase nos últimos minutos.  

Crónicas das Ligas Xuvenís

• /o-futbol-da-costa-encheu-o-eleuterio-balayo-para-disfrutar-da-seleccion-xuvenil/>O Fútbol da Costa encheu o Eleuterio Balayo para disfrutar da Selección Xuvenil.
• X.15: Só dúas loitas pendentes.
• X.14: Esteirana, Outes e Corme perderon o barco dos 5 de arriba.
• X.13: O repóker de ases.
• X.12: Contra vento e marea.
• X.11: Non fallou ningún.
• X.10: Ferve o Norte.
• X.9: O Coristanco tamén quere gloria.
• X.8: Cee e San Lorenzo quedan sós.
• X.7: O Coristanco mantén o pulso de San Lorenzo, Xallas e Cee.
• X.6: 5 equipos invictos.
• X.5: O San Lorenzo vai en serio.
• X.4: Collendo posicións.
• X.3: O heroe inesperado.
• X.2: O primeiro derbi da historia carballesa.
• X.1: O San Lorenzo estrea As Pedreiras con goleada.

 

Máis información

• www.copadacosta.com.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.