A tenda Máis Deporte, en Cee, patrocina as Ligas de Xuvenís. Pincha e coñécenos a través do noso Facebook Se polo Sur parece as loitas están ben segregadas (no máis alto Cee e Xallas manteñen o pulso, mentres Fisterra e Outes pelexan pola 3ª prazaa), a atención destas Ligas Xuvenís céntrase na Liga Norte, onde a cousa está moita máis intensa. 5 equipos están en apenas 4 puntos pelexando polo título e as 3 prazas a tumba aberta. Da 10ª xornada, destaca a primeira derrota do Coristanco da tempada ante un potente Ponteceso, que o supera na clasificación. E tamén a vitoria do Cabana ao Corme, apretando moito a táboa e deixando aos dous equipos con 19 puntos. Pola súa volta, o líder, as Pedreiras, non aproveitaba e sufría un insperado empate en Zas.  

1ª Xuvenil, Grupo Sur, xornada 10

  Corcubión - Montelouro (5-1)

• Campo: Novo Cubaleiro.
• Corcubión: Abel, David, Porto, Diego, Mesejo, Juan, Luís Lojo, Samu, Antonio, Kevin B e Kevin D. Tamén xogaron: Danilo, José Ángel, Rafa, Carlos e Garea.
• Montelouro: Xaco, Caamaño, Javi, José, Fran, Joaquín, Ángel, Juan, Juan Lariño, Luís e Bertín.
• Goles: Luis Lojo (3) e José Ángel (2) para o Corcubión e Juan de Celia para o Montelouro.

Primeira vitoria do Corcubión que deixa ao Montelouro como único equipo sen estrear o taboleiro de vitorias. Un cadro loureán que chegaba con 12 xogadores (un só xogador, e lesionado, no banco), por mor das numerosas baixas, e mesmo Juan de Celia xogada con gripe. O Corcubión fixo un serio partido e estivo acertado cara gol, ao contrario que outras ocasións.   Fisterra - Os Miúdos (3-2)

• Campo: Ara Solis.
• Fisterra: Aarón, César Jf, Andrés, Papin (Alex), Manu, Dani (Aarón), Asier (Isaac), Pichino e Gabi.
• Os Miúdos: Gabri, Miguel (Dani, m.28), Toni, Flavio (Ángel, m.63), Anxo, Jose, Sergio (Rubén, m.65), Gesto, Javi, Manuel (Bruno, m.75).
• Goles: 0-1, m.11: Javi; 1-1, m.20: Dani tras un rexeite do porteiro; 2-1, m.40: Gabi remata só; 3-1, m.55: Alex; 3-2, m.75: Jose de volea pola escuadra.

Bo e igualado partido o disputado en Fisterra con dous propostas diferentes. O cadro de Eskío controlaba o balón, mentres os muradáns esperaban atrás, ben replegados, e buscaban ás contras. Así chegou, pronto, o gol inicial dos de Fernando Silva, tras un roubo de balón e unha saída rápida que finalizaba Javi. Mantiña o cadro local a calma, e non variaba o plan. Difícil era romper as dúas liñas de 4 dos Miúdos, e pronto chegaba o empate. Un erro na marca ao fío do descanso permitía aos locais ir aos vestiarios con vantaxe no marcador. Arrincaba a segunda cos Miúdos algo máis adiantado, pero Alex protagonizaba unha gran xogada persoal para marcar o 3º rompendo a liña defensiva. A partir de aí estirouse os Míudos, o Fisterra perdia o control do partido, e os muradáns recurtaban pero non eran quen de acadar o empate.   Esteirana - Outes (1-2)

• Campo: Xosé Luís Olveira.
• Esteirana: Alex de Yi; Anxo, David do Sixto, David de Noia; Rubén, Xian, Jaime, Adrián, Carajillo, Brais e Íker. Tamén: Kevin, Lires e Álvaro.
• Outes: Álex, Hortas, Alberto (Josiño), Joel, Gorgal, Simón, Saúl, Adán, Adrián (Álvaro), Fabio (Brais) e Serxio.
• Goles: 1-0, m.11: Carajillo; 1-1, m.39: Adrián; 1-2, m.56: Simón.

Notou o Outes a recuperación de varios xogadores e soubo remontar un partido, tremendamente igualado e con alternativas, que se lle puña pronto custa arriba. Os locais adiantábanse pronto e estiveron mellor na primeira metade. Pero Adrián puña o empate para os de Manu Roque antes do descanso. Na segunda cambiou o panorama e Simón metía por diante aos da Serra, e neses minutos de superioridade visitante puideron chegar máis. Pero o cadro local estirábase e achuchaban nos últimos minutos, nos que puideron caer goles de ambos lados.   Muxía - Xallas (1-3)

• Campo: Arliña.
• Muxía:  Hugo, Fran, Juan, Gusa, Vilela, Marce, Xan, Mario, Rodri, Iván e Toja.
• Xallas: Coke, Danis, Peke (Héitor), Raúl, Pablo, Raúl, Martín (Mosti), Juanjo, Alberto, Fran (Guillín), Grille (Cambón) e Carlos.
• Goles: 0-1, m.17: Carlos Riero nun rexeite; 0-2, m.27: Freire; 1-2, m.35: Xan de córner; 1-3, m.82: Carlos Riero.

Partidazo en Arliña cun Muxía que competiu man a man co poderoso Xallas na mañá dominical e no que puido acadar un empate. E iso que os muxiáns chegaban con 11 xustos. Tamén tiña baixas importantes o equipo xalleiro en especial as do "Pichichi" da liga, Juan Tunas, e Thiago, convocados co equipo senior de Preferente. Adiantouse o equipo de Dani Calvete aos 17 minutos de xogo. Un pase antre liñas chegáballe a Carlos Riero que se plantaba ante o meta muxián Hugo Sambad, que con xeonllo o chan paraba en primeira instancia, pero o rexeite chegáballe a Riero que facía o 0-1. Buscou a igualada o equipo muxián e rondouna en especial nunha xogada nas botas de Rodri, pero serían os xalleiros os que de novo tras un roubo en medio campo marcaban por medio de Freire. Merecía o gol o equipo da Vila da Barca e logrouno cun saque de curruncho sacado por Xan Nogueira que o meta xalleiro no primeiro pau despexaba cara o fondo das mallas. Xa na segunda metade os muxiáns puxeron casta e a pesar de non ter recambios, flirtearon co empate e desaproveitaron dúas moi boas ocasións, unha delas de novo de Rodri e con rexeites e co meta visitante Álvaro Blanco fora da porta, pero sen chegar a concretar. Carlos Riero xa cos muxiáns fundidos do esforzo e tendo máis erros no pase, "mataba" o encontro a falla de 8 minutos para o final e ponse a un gol con 14 do seu compañeiro Juan Tunas na loita polo "Pichichi" da liga. O Xallas FC sube a primeira praza da clasificación con un encontro máis co UC Cee que esta sema descansaba.  

1ª Xuvenil, Grupo Norte, xornada 10

  Camariñas - Laxe (6-0)

• Campo: Hermanas Patiño.
• Camariñas: Manu, Pablo Mouzo, Gabri, Espasandín, Pablo Suárez, Joseba, Álvaro, Brais Alonso, Brandon, Josiño e Álex. Tamén: Juan e Eloy.
• Laxe:
• Goles: Álvaro (2) e Brandon (4).

Pouco que contar dun partido controlado polos camariñáns ante un Laxe que non acaba de centrarse. Si que estaban intensos os locais, que comezaban intensos entrando ben pola banda esquerda con Pablo Suárez e Brandon. Pablo Suárez mandaba ao pau, Joseba ao longueiro, pero aguantaba o Laxe como podía, e ao descanso conseguía manter un 1-0 que deixaba o partido totalmente aberto. Non baixou o ritmo o cadro local e pronto comezaron a chegar os goles (en 10 minuto chegaron 3 goles seguidos), a medida que os laxenses baixaban os brazos.   Cabana - Corme (2-0) Imaxe do Cabana-Corme-Foto-Cabana SD

• Campo: As Redondas.
• Cabana: Darío, López (Alex Lema), Rubén, Gende, Steven, Julián (Roberto), Yago (David), Breo (Nando), Ferreiro, Alberto e Jose Ángel.
• Corme: Lucas, Pandi, Anxo, Cristian Garrido, Fran, Javi Bermúdez, Mauro, Manu Garrido, Bruno, Manu Tasende e Manu Bermúdez. Tamén: Roque, Diego, Aitor, Angel, e Martín.
• Goles: 1-0, m.15: José Ángel; 2-0, m.52: Alberto.

Partido protagonizado polo gran ambiente entre cabaneses e cormeláns. E iso que era un partido importante para manter o ritmo dos de arriba e seguir mantendo opcións de meterse no trío cabeceiro. Foi un choque moi disputado e igualado, no que o acerto cara gol dos locais foi o que determinou o sentido do partido. Despois do segundo gol local, o Corme adiantou liñas e intentou achuchar aos cabaneses, pero as mellores ocasións chegaban á contra, a pesar do que o marcador non se movería.   Coristanco - Ponteceso (1-3)

• Campo: A Rocheira.
• Coristanco: Eloy, Cristian, Espasandín (Jorge), Álvaro, Sergio, RR (Braian), Álex, Jose, Dani, Iván (Esteban) e Anido (Varela).
• Ponteceso: Damián, Luca, Iván Cousillas, Samuel, Jorge, Ismail, Iván Rod., Aarón, Eloy, Aday e Loureiro. Tamén Lucas, Víctor, David, Arturo e Brais.
• Goles: 0-1, m.37: Eloy; 1-1, m.39: Anido; 1-2, m.77: Eloy; 1-3, m.89. Eloy.
• Expulsión: o local Cristian m.62.

O Ponteceso Xuvenil deu unha demostración na Rocheira Partido intenso o vivido na Rocheira entre dous dos de arriba. Chegaba o cadro coristanqués como único invicto do grupo norte, ante un Ponteceso que é dos equipos que mellor fútbol practican. Foi un choque cun ritmo moi alto, con ocasións polas dúas bandas, e un Ponteceso un punto superior ante un Coristanco, con importantes baixas, que non estivo tan intenso e tan creativo como soe facer. Pola contra, o Ponteceso fixo un partido completísimo, xogou sen balón tan ben como soe facer co balón, con gran calidade, e mantivo unha presión continua que impedía xogar aos locais. Así e todo, a pesar da superioridade dos de Gurita, o partido estivo aberto ata o último suspiro. Eloy abría o marcador pero Anido empataba de contado. Na segunda metade seguía o mesmo guión, pero tardou Eloy en decantar o choque, e permitir que o Ponteceso sumase unha xusta vitoria e se coloque aí arriba.   Zas - As Pedreiras (1-1)

• Campo: San Andrés.
• Zas: Hadrián, Rubén, Lodi, Dani Mato, Darío, Ismael; Madelin, Brais, Adrián, Kevin; e Andrés.
• As Pedreiras: Benjamín, Pablo, Eloy, Dani Cotelo, Rubén, Jose, Aarón, Iván, Alex, Brais e David Lorenzo. Tamén Fidi, Alex Cotelo, Ángel, Esmorís e Diego.
• Goles: 0-1, m.14: David Lorenzo en xogada individual; 1-1, m.26: Dani Mato.

Saltou a sorpresa en "San Andrés", onde un Zas moi mermado de efectivos e con unicamente once xogadores, foi capaz de frear a marcha do líder do grupo, As Pedreiras, que se viu favorecido pola derrota do Coristanco ante o Ponteceso para manter a súa primeira praza. O partido comezou cun tempraneiro gol dos líderes, por medio dun David Lorenzo que voltaba tras unha longa lesiónde dende o mes de agosto. Pero reaccionou ben o conxunto zasence, que cunha forte e ben organizada defensa, foi capaz de ir crecendo segundo pasaban os minutos, ata alcanzar o empate e terse podido adiantar no marcador antes do descanso. Tralo descanso, o encontro seguiu polos mesmos derroteros, cun As Pedreiras que buscaba o tanto da vitoria e un Sporting que, á contra, levou perigo ante a meta visitante. Ao final, merecido punto para o once zasence e freo á boa marcha dos visitantes, que matienen o liderado, agora co Ponteceso pisándolle os talóns.   Sofán - Baio (1-6)

• Campo: O Carral.
• Sofán: Iván, Alberto, Diego, Alex Fidalgo, Nacho, Dani Eirís, Eloy Cabeza, Dani Bolón, Sergio García, David Dourado e Gabri Mariño. Tamén: Adrián, Borja, Ángel, Martín e Christian.
• Baio: Cedrón, Iago, Muíño, Gavin, Sergio Antelo, Souto, Mohedano, Estefan, Santi Moreira, Regueira e Alex. Tamén: Fuentes.
• Goles: Gabri Mariño polo Sofán. Regueira, Mohedano, Santi Moreira (3) e Estefan parao Baio.

Repaso de fútbol do Baio no Carral ante un Sofán que nunca puido manter o ritmo dos baieses.  

Crónicas das Ligas Xuvenís

• X.9: O Coristanco tamén quere gloria.
• X.8: Cee e San Lorenzo quedan sós.
• X.7: O Coristanco mantén o pulso de San Lorenzo, Xallas e Cee.
• X.6: 5 equipos invictos.
• X.5: O San Lorenzo vai en serio.
• X.4: Collendo posicións.
• X.3: O heroe inesperado.
• X.2: O primeiro derbi da historia carballesa.
• X.1: O San Lorenzo estrea As Pedreiras con goleada.

Máis información

• www.copadacosta.com.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.