XEAL vai comezar as obras da Planta de Carbón Vexetal nas instalacións da súa fábrica de Dumbría trala aprobación do proxecto por parte da Xunta como proxecto industrial estratéxico.

A nova planta permitirá substituír entre un 15% e un 40% do carbón fósil utilizado como axente redutor na produción de ferroaleaciones por carbón vexetal, contribuíndo así a unha significativa redución de emisións de gases de efecto invernadoiro (GEI).
Cun investimento total de máis de 25 millóns de euros, dos cales 8,7 millóns proceden do PERTE de Descarbonización, a planta terá capacidade para producir entre 11.000 e 14.000 toneladas de carbón vexetal ao ano.

A compañía, que prevé finalizar a súa construción en xuño de 2026, lembra que ten tamén en marcha o proxecto para producir ferrosilicocromo na súa planta de Cee; así como a polémica central hidráulica reversible de Monte da Ruña, asumindo xa como propio o proxecto.

Máis novas