Nós diríamos que hai máis cousas que facer para ordenalo correctamente. Pero 1.000 actuacións xa son bastantes para o Plan Director do Cabo Fisterra, que vén de presentarse da man da Xunta 3 anos despois de facelo na vila do Cristo sen que se fixera apenas nada, máis que facer desaparecer os souvenirs asiáticos. O seu armadanzas, César Portela, autor do Cemiterio do Cabo Fisterra, fixo a presentación oficial deste chamado Parque Natural e Cultural Aberto, xunto co conselleiro de Cultura, Educación e Ordenación Universitaria en funcións, Xesús Vázquez Abad.

O Plan, que servirá para guiar as pautas de posta en valor, explotación turística e económica, e conservación do Cabo, conta cun orzamento total de 186.000 euros.

O que non se pode facer

Lamentamos en todo caso que non nos informen das liñas principais do Plan, se ben unha das liñas principais do Plan sinala o camiño por onde non debemos ir. O Plan implica a prohibición de construir en todo o promontorio. Algo perfectamente xustificado unha vez que 3 de 4 turistas que visitan a zona fano pola paisaxe.

Así, mentres non vaiamos sabendo cales son as liñas principais de actuación, polo menos non tomaremos decisións erróneas.

Iso si, entrementres, o Museo da Pesca do Castelo de San Xurxo, mantense pechado por falta de fontos...

Novas relacionadas

• 2009: Ideas no Plan Monte do Cabo Fisterra.
• Os peixes globo desaparecen do Cabo Fisterra.
• Parque Cultural Aberto no Cabo Fisterra.
• Ordenación económica do Cabo Fisterra.
• Necesidades do Camiño (II): Unha verdadeira ordenación do Cabo Fisterra .
• Costa da Morte, marco perfecto para o Necroturismo.

Recunchos da Costa

• O Cemiterio do Cabo Fisterra.
• O Cabo Fisterra.
• O Conxunto de San Guillerme.

Fonte

• Redacción de QPC (info@quepasanacosta.gal).
• Nota de prensa da Xunta.