O prazo de presentación de solicitudes para os 5 novos permisos de explotación para a extración de percebe a pé nas confrarías de Laxe e Fisterra será de 15 días hábiles dende este xoves 24 ce abril. Unha ocasión para, en tempos de crise, adicarse, legalmente, á extracción dun dos nosos meirandes tesouros gastronómicos.

Así, para a confraría de Fisterra convócanse 3 prazas para a cobertura de vacantes no ámbito do plan de explotación deste cabido. Para a confraría de Laxe convócanse 2 novos permex tamén de percebe a pé. Estas novas incorporacións son unha mostra máis da aposta da Xunta pola xeración de actividade e o incremento dos postos de traballo para a incorporación de xente nova ao marisqueo, especialmente no contexto económico actual.

Máis información sobre a solicitiude

Para poder optar aos permisos de explotación, os solicitantes deben cumprir, entre outros, os requisitos esixidos no Decreto 425/1993, do 17 de decembro, polo que se regulan os permisos de explotación para exercer a actividade pesqueira e marisqueira e presentar a documentación requirida pola Consellería do Medio Rural e do Mar. O prazo de presentación de solicitudes será de 15 días hábiles dende mañá, tras a publicación desta convocatoria no taboleiro de anuncios da Xefatura Territorial e na páxina web da Consellería. As solicitudes presentaranse nas oficinas de rexistro da Xunta de Galicia, oficinas de correos ou no resto de lugares indicados na Lei de réxime xurídico das administracións públicas e do procedemento administrativo común. Unha vez rematado o prazo de solicitude, a Consellería do Medio Rural e do Mar procederá á súa valoración.

Novas relacionadas

• O Pindo forma mariñeiros e 2 permex máis para Corme e Laxe.
• Unha tarde cos percebeiros de Laxe.
• Unha homenaxe, en vídeo, á figura de percebeiro.
• Os mergulladores terán que seguir traballando en apnea.

Máis novas de mar

• Limpando praias e conciencias.
• O sector pesqueiro da Costa da Morte apoia aos mariñeiros do Cerco.
• ASOAR denuncia a dramática situación da pesca artesanal e o marisqueo e esixe medidas compensatorias.
• Os temporais deixan unhas perdas do 50% nos mariñeiros da Costa da Morte.
• A crise afecta cada día máis á precaria situación da pesca artesanal.

Fonte

• Redacción de QPC (info@quepasanacosta.gal).