Ferrá Adriá intentou restar protagonismo aos produtos da Costa da Morte pero non fixo máis que afianzar a súa presencia no Forum Gastronomic de Girona. Esta mañá de luns 21 de xaneiro de 2011 os mariscos da nosa bisbarra centraron a atención 90 profesionais (cociñeiros, hostaleiros, xornalistas gastronómicos…) de todo o estado. Todo gracias á presentación que realizaron os mestres cociñeiros María Josefa Insua Canosa e Francisco Insua Fernández, do restaurante O Fragón de Fisterra; no marco do ateneo que a Deputación da Coruña e a APTCM organizaron nunha das citas máis singulares da gastronomía española. Ademais tamén participaron o comercializador www.produtos-gallegos.com e Embutidos Domínguez. Unha oportunidade esta fantástica para a nosa gastronomía. Así o recoñece Anabel Piñeiro, responsable da Asociación de Profesionais de Turismo da Costa da Morte, que destaca que a "divulgación da oferta e a aposta pola especialización está recollendo froitos". I é que trala Fam Press da semana pasada, a nosa gastronomía costeira está espallándose a pasos axigantados. E se o ano pasado foi o porco celta o representante da Costa no Forum Gastronómico de Santiago de Compostela, este ano o marisco tomou o relevo e mantivo o nivel. Ademais, os Mariscos e Cedeira, o Requeixo da Capela, os Grelos de Monfero, o Pan de Neda e o Polbo á Mugardesa tiveron o seu tempo de exhibición.

Un produto con denominación de orixe

A intención da corporación costeira era clara: amosar os segredos do xénero e probar de seguido os resultados. Pero cunha clara aposta pola relación entre produto e o seu lugar de orixe, que, segundo Piñeiro, "demostra que xa comeza a estenderse a idea de que o produto da Costa da Morte é de calidade”. Aí estiveron os percebes do Roncudo, inconfundibles en todo o mundo por ese tamaño, que serviron para presentalos marinados. Os cociñeiros fisterráns tamén fixeron paté de Longueirón, unha novidade que non pasou desapercibida en toda a sala. Ademais os asistentes comprobaron a través de dous vídeos sobre a extracción do percebe e o longueirón a dificultade que entraña o traballo dos e das mariscadoras da Costa da Morte. Todos os produtos foron maridados con viños galegos de produción limitada, como o Finca Teira ou o Ladeiro cos que Fran Insua pretendeu enxalzar os produtos da nosa costa. Concretamente estes foi o menú presentado:

• Percebes marinados con Tricó 2008 (D.O. Rías Baixas)
• Paté de Longueirón, marinado con Landairo Barrica 2008 (D.O. Monterrei)
• Longueirón en escabeche de verduras, marinado con Landairo Barrica 2008 (D.O. Monterrei)
• Embutidos artesáns da Costa da Morte, marinados con Finca Teira 2009 (D.O. Ribeiro).

Para pechar a presenza de APTCM no neste Fórum, mañá ás 20:00 horas terá lugar o sorteo dunha noite de aloxamento e un menú gastronómico para dúas persoas no Hotel Rústico Insula Finisterrae.

Novas relacionadas

• Dous cociñeiros de Fisterra ensalzan o marisco da Costa no Forum Gastronomic de Girona.
• A Costa da Morte exhíbese no Forum Gastronómico de Comppostela 2010.
• APTCM busca unha rede de contactos estables para comercializar a Costa como destino turístico.
• Xornalistas especializados de toda a península coñecen os tesouros da Costa.
• Cataluña si quere saborear Muxía.
• Fitur volve coñecer varias Costas da Morte.

Máis novas

• Xornadas Cómete o Mar: As cocochas de bacallau e berberechos do corcubionés Rafa Fuentes foron as vencedoras do concurso Cómete o mar.
• Xornadas Cómete o Mar: A Costa sabe degustar o seu mar.
• Lira abandeira a presencia galega na Feira de Turín, a máis importante da Slow Food .
• Presentación do Convivium Galicia da Slow Food: A Costa comeza a “xantar de vagar”.

Fonte

• Nota de prensa da APTCM.