Este domingo foi especial en Fisterra. A Xunta de Confrarías da Semana Santa celebraba un acto na Igrexa parroquial de Santa María das Areas de Fisterra para presentar o cartel anunciador da Semana Santa de Fisterra 2017. Foi o presidente da Xunta, Felipe Castro, o que primeiro salientou o traballo que se leva realizando estes 4 anos, nuns actos que involucran a unhas 2.000 persoas na vila do Cristo. Foi o portavoz, Javier Trillo, o que explicou e presentou o cartel e os eventos desta Semana Santa.

O cartel reflexa o día máis importante da Semana Santa de Fisterra, a Resurrección de Xesus, escenificación que se leva a cabo en Fisterra o Domingo de Pascua dende o s. XIV e que xunto o Venres Santo son as xoias da Semana Santa de Fisterra.

As datas fortes serán do venres 14 ao luns 17 de abril, comezando as procesións o Venres das Dolores, o 7 de abril.

Festa de Interese Turístico

A Xunta de Confrarías segue loitando e traballando para conseguir o necesario para que a Semana Santa de Fisterra sexa declarada de Interese Turístico Nacional. Xa está entregado un completo dossier de 4 tomos e 600 follas nas que se relata e ilustra o arraigo, tradición e difusión da Semana Santa de Fisterra. Ademais, están pendentes de conseguir reportaxes de medios importantes a nivel nacional para dar ese salto mediático fundamental para esta clase de distintivos.

Ao finalizar o acto tamén se reproduciu un vídeo promocional da Semana Santa de Fisterra que xunto co cartel será o que se promocione durante este 2017 por toda España.

Novas relacionadas

• 2016: O pobo de Fisterra xa está volcado coa Semana Santa
• 2016: A Semana Santa de Fisterra xa ten as súas orquestras.
• 2016: A Semana Santa de Fisterra xa ten programa e vídeo promocional.
• 2015: Fisterra, un pobo enteiro volcado coa súa Semana Santa
• 2015: A Semana Santa de Fisterra colgou o cartel de completo.
• 2015: Fisterra estreou con gran éxito a nova imaxe da Borriquita no comezo da Semana Santa.
• A Semana Santa de Fisterra foi distinguida por manter vivas as tradicións seculares.
• A retranca, polas veas de Fisterra.
• As 9 Festas Turísticas da Costa da Morte.
• 2014: O pobo mantén viva a chama da fe na Semana Santa de Fisterra.
• 2013: De viaxe pola Semana Santa na Costa da Morte.
• 2012: O sol renace canda Cristo nunha chea Semana Santa de Fisterra.
• Festas do Cristo 2011: Fisterra respirou devoción a pesar do tempo.
• Festas do Santo Cristo 2010: Fisterra respirou espiritualidade.
• Festas do Santo Cristo 2010: A Panorama “montou un bo cristo” en Fisterra .
• Festas do Santo Cristo 2009: E Cristo resucitou en Fisterra.
• Festas do Santo Cristo 2009: De procesión na Semana Santa de Fisterra .
• Festas do Santo Cristo 2008: “A Semana Santa en Fisterra non se pode describir, hai que vela e vivila”.

Fonte

• Redacción de QPC (info@quepasanacosta.com).