Martes. 30.11.2021
El tiempo

Un impulso ao imprescindible Servizo de Axuda no Fogar

Servizo de Axuda do Fogar en Fisterra
Visita institucional ás profesionais do Servizo de Axuda do Fogar de Fisterra
Un impulso ao imprescindible Servizo de Axuda no Fogar

Un dos servizos sanitarios que máis se teñen reivindicado con toda esta pandemia é o Servizo de Axuda no Fogar. Trátase dun dos gastos máis importantes dos Concellos, que contan coas axudas das administracións para afrontalos.

É o caso de Fisterra, onde o Concello presta servizo a preto de 50 persoas maiores e dependentes.

Onte, o presidente da Deputación, Valentín González Formoso achegouse ata Fisterra para asegurar que a entidade provincial ratifica o seu compromiso co servizo e que os seus programas sociais “non deixan a ninguén atrás” na saída da crise.

Anunciou así o financiamento de 75.000 horas de servizo de axuda no fogar nos concellos da Costa da Morte, permitindo a contratación de 35 profesionais. Os concellos da comarca reciben este ano máis de 4 millóns de euros da Deputación a través da parte social (obrigatoria) do POS. A meirande parte dos concellos decidiron sufragar os gatos do SAF co POS, dos que saíron 2,4 millóns; os outros 1,6 millóns saen do Programa de Servizos Sociais Comunitarios.

”Máis que a Xunta”

Aproveitou Formoso para asegurar que a Deputación paga mellor que a Xunta. A achega da Deputación para financiar os servizos de axuda no fogar é de 12 euros/hora, moi superior aos 9,7 euros/hora que dispón a Xunta de Galicia que, a pesar de ter as competencias na área social, “mantén conxelada a súa achega desde 2016, o que ocasiona unha importante carga económica para os concellos, xa que non cubre nin a metade do prezo dun servizo que a día de hoxe costa arredor de 18 euros/hora, o que obriga aos concellos a asumir a outra metade”, afirmou Formoso.

comentarios