Sardiñeiro e Fisterra prepáranse xa para outra fin de semana de actividades e troula

08:22 10/08/22

Completa volve, trala impresionante Festa do Linqueirón e Encontro Pirata, a fin de semana a Fisterra. A vila do Cristo e a súa veciña Sardiñeiro terán unha fin de semana completa.

En Fisterra

O venres 12 de agosto, toca Cine na Rúa na Praza da Constitución con Scooby ás 22:00h.

Xa o sábado 13, seguindo o programa de actividades municipais de verán, ás 12:00h, tamén na Praza da Constitución, Abradacadaver, un espectáculo divertidísimo para toda a familia cos números de circo máis terroríficos que xamais se viron e que nos porán os pelos de punta. Malabares, faquirismo, acordeón, equilibrios e moitas sorpresas máis non aptas para cardíacos.

En Sardiñeiro

Venres e sábado haberá Fe4stas do Carme en Sardiñeiro. O cvenres 12 comezan coa sardiñada, amenizada pola Charanga local O Rumbo,m por suposto, e polo Dúo Explosión e a disco móbil.

O sábado haberá festa infantil, con festa da espuma ás 19:00h e inchables de 20:00h a 23:00h. En clave de festas, salientar que as 11:00h terá lugar a misa previa á saída da procesión marítima do Carme. A sesión vermú e a verbena serán co trío Carman.