Xoves. 20.01.2022
El tiempo

1ª Galicia: Só o Mazaricos salva unha xornada mala para os nosos

Volantes-Soneira-Foto-Adriana 2
Choque entre Volantes e Soneira-Foto-Adriana Fdez.
1ª Galicia: Só o Mazaricos salva unha xornada mala para os nosos

Arrasa o Negreira aló por onde vai, cunha solvencia espectacular, e desta volta pasou no Conco. Por detrás nó aguanta o ritmo o Tordoia de Dani Calvete, que venceu ao Baio aproveitando o seu baixón na segunda metade; e un Mazaricos que segue sorprendendo a todos e tamén foi capaz de gañar no Cairo.
Polo demais, a xornada foi mala para o Ponteceso, que perdeu con claridade un partido ante un rival directo da parte baixa, e o empate entre Volantes e Soneira que de pouco lles vale.  

Volantes - Soneira (1-1)

  • Volantes: Alex de Yi, Oscar Rey, David Pais, Pablo, Miguel da Corocha, Toni, Mateo, Santi, Pardelo, Pesco, Alex. Tamén: Alex Figueiras, Isma, Nacho, Riki e Kevin Lariño.
  • Soneira: Javi Souto, Brais Mouzo, Iván, Pichi, De la Sierra, Brais Pereira, Agra, Diego Lois, Alex Figueiras, Basti, Javi Souto. Tamén: Darío, Ángel, Dani Casal, Damián e Joel.
  • Goles: 1-0,m .67: Alex a centro de Pardelo; 1-1, m.87: Pichi.

Volantes gardando un minuto de silencio por Canuto copia
Un minuto de silencio polo pasamento do mítico siareiro local Pepe do Canuto

Primeira metade moi igualada, moi competida, con moita intensidade e chegadas, sen demasiada claridade, nas dúas áreas. O Soneira tiña algo máis o balón pero o Volantes estaba afiado nas contras. Houbo dous paus, un para cada equipo, de Pichi para o Soneira e Toni para o Volantes.

Na segunda o choque seguía con alternativas, e cando o Soneira estaba algo máis entonado, unha entrada por banda de Pardelo acaba co gol inicial de Alex. O Soneira tardou en espertar do golpe pero foise estirando con defensa de 3, e tivo ocasións para empatar. Ata que a falta de 3 minutos, cando o partido esmorecía, nunha xogada algo embarullada empataba Pichi para os soneiráns. Antes o Volantes pedira un penalti, pero o Soneira tamén viu un claro ao seu favor que o colexiado non sinalou. Contra o final añinda tería o Soneira un 3 contra 1 para levar o partido pero ao final xusto empate no Eleuterio.

 Volantes-Soneira-Foto-Adriana
Pesco controla o balón diante de Alex Figueiras

Dumbría - Negreira (0-2)

11 do Dumbria

  • Dumbría: Anxo, Mataso, Pablo Paz, Kanario, Sendón (Matías), Baba (Lucas), Xaco, Brais Fdez (Raúl), Mario, Darío e Alfredo (Yuyo).
  • Negreira: Dacuña, Juan, Sanín, Jose Caamaño; Marcos García, Jacobo, Brais, Juan D., Piki, Gonzalo e Berto. Tamén: Cabanal, Uxío, Berdullas, Julián e Miler.
  • Goles: 0-1, m.6: Gonzalo; 0-2, m.50: Marcos García.

Capis do Negreira e Dumbria co trio arbitral

Segue o Negreira pasando o rodillo pola categoría, e amosándose de novo superior ao Dumbría en todas as facetas do xogo. Dous tantos aos comezos de cada tempo, un do potente e versátil dianteiro Gonzalo, e outro do 4x4 Marcos García, foron suficientes para levar o partido e seguir con 23 goles a favor e só 3 en contra no alto da táboa.

 

Corme - Mazaricos (2-3)

  • Corme: Suso, Jesús, Pandi, Aitor, Eloy; Brais Torrado, Sergio Sueiro, Adrián Doldán, Lucas, Samu Costa e Alejo. Tamén: Illote, Brais Pombo, Diego, Borja e Josiño.
  • Mazaricos: Iván Baña, Oscarín, Sueiro, Marcos, Esteban, Marquitos, Riki, Mario, Kevin, Sandelo, Pose. Tamén: Raúl, Roberto, Brais Canosa, Iago, Cives.
  • Goles: 0-1, m.15: Marcos; 0-2, m.32: Sandelo; 1-2, m.43: Alejo de penalti; 2-2, m.61: Eloy Villar; 2-3, m.78: Kevin.

Partidazo vivido no Cairo con alternativas no xogo e no marcador. Intentaba mandar o Corme no comezo pero o Mazaricos conseguía presionar bastante arriba e inclinar o choque cara a área de Suso. Non había demasiadas ocasións, pero nun par de chegadas Marcos nun disparo cruzado e Sandelo nunha preciosa volea dende fóra da área pola escuadra facian o 2-0 antes da media hora.

Alejo, que xa avisara, marcou un penalti cometido sobre Samuel, que metía ao Corme no partido xusto ao fío do descanso.

O Corme estirábase e a rigurosa expulsión de Pose deixaba o partido moi vivo, co Mazaricos metido atrás ante as embestidas locais. Conseguían empatar o Corme cun tanto de Eloy nun córner aínda con media hora por diante. Media hora de asedio cormelán, cun Mazaricos que estaba ben armado e facía dano á contra, con balóns aos espazos. Alejo facía lucirse a Iván, pero o tanto da vitoria caería por parte de Kevin, tras un bo roubo de Marcos. De aí ao final, o Corme embotellou ao cadro amarelo, con varios remates de Alejo e sobre todo unha de Lucas, que lanzou unha volea que non entrou por pouco.

 

Ponteceso - Belvís (0-3)

11 do Ponteceso-Foto-Brais Pozse

  • Ponteceso: Benji, Luca, Moscoso, Juanjo (Eloy Santos, m.45), Isaac, Ismail, Alberto Recarey, Iago, Nando, Eloy Álvarez, Charro (Hadrián Neira, m.70).
  • Goles: 0-1, m.23; 0-2, m.32; 0-3, m.68.

Chegaba o equipo de Pablo Mallón con moitas baixas, pero aínda así saía mordendo con dúas ocasións de Charro. Pero pouco a pouco o equipo santiagués foise quitando a presión local e foi chegando ata que marcou o primeiro no ecuador da primeira. Caía o ritmo segundo pasaban os minutos e o Belvís aproveitaba para seguir facendo dano e facer o segundo á media hora.

Xuntaron liñas os locais ao comezo da segunda, e crearon máis ocasións chegando pola banda de Isaac. Alberto Recarey e Eloy Álvarez tamén poobaron ao porteiro e Luca mandaria un balón o pau. Pero nunhca contra sentenciarían os visitantes que foron deixando morrer o partido.

 Ponteceso-Belvis-Foto-Brais Pose

Tordoia - Baio (5-2)

  • Baio: Diego, Peke, Alberto, Yago, Alex Varela, Rubio, Bieito, Damián, Porty, Braian e Paco. Tamén: Iago, Mario, Santiso, Sergio e Pedro.
  • Goles: 1-0, m.1; 1-1, m.25: Bieito; 1-2, m.37: Bieito; 2-2, m.55; 3-2, m.73; 4-2, m.75; 8-2, m.82.

O Baio fixo 45 minutos espectaculares, pero despois baixaron o ritmo e o Tordoia de Dani Calvete estivo moi acertado cara gol. “Dos mellores equipos que pasaron polo noso campo”, sinala o adestrador de Buño.
E iso que os locais se adiantaban no primeiro minuto tras un erro na saída de balón. Fixo isto que o Baio tivese que levar o control do partido, mantendo a raia aos locais. Braian, Porty e Paco avisaban pero foi Bieito o que marcaba dous bos goles tras sendas xogadas por banda.

Outro erro na saída de balón custáballe o segundo en contra aos de Pablo Torreira, ante un Tordoia que melloraba tralos cambios con transicións moi rápidas que facían moito dano. Damián e Alex Varela, que sufría unha forte gole (agresión para uns e choque para outros), tiñan que deixar o campo e o Baio ía perdendo folgos a medida que o Tordoia ía chegando e marcando.

 

Todas as crónicas da 1ª Galicia

comentarios