Copa da Costa: A prórroga da liga

07:00 18/05/17

A maioría dos equipos en oitavos confirmaron as sensacións e tendencias coas que remataran a tempada regular, agás un Camariñas que sorprendeu en Verdillo ao San Lorenzo

O Muxía deu un gran nivel no Pinguel - Foto: SD Ponteceso Ponteceso 1-1 Muxía

Campo: O Pinguel
Ponteceso: Brais, Ismail, Dani Cotelo (Mara m.60), Charly (Javi Peón m.60), Matias, Mendieta, Baba, Nando, Martín Puente, Dieguito e Eloy
Muxía: Santi Papi, Munitis, Denis, Maikel, Martinciño, Adrián Alcaina, Julián, Conguito (Gusa m.92), Iván Chans (Pesqui m.68), Víctor Alcaina (Josiño m.70) e Iván Lagoa (Ruso m.86)
Árbitro: Insua Lago (A Coruña). Amonestou a Matías, Mara, Nando, Charly do Ponteceso; Julián, Víctor Alcaina, Pesqui do Muxía
Goles: 0-1 m.10 Iván Chans; 1-1 m.74 Dieguito

O Ponteceso tentouno ata o final ante o campión de Terceira - Foto: SD Ponteceso Aguantou como un campión Pasou a proba do algodón un Muxía que competiu e sacou un bo resultado na súa visita ao Ponteceso. Os da Vila da Barca foron quen de administrar o madrugador tanto de Iván Chans, nunha contra conducida por Conguito e finalizada con clase (unido a un erro de marcaxe). O plan desde entón variou respecto ao que viña sendo habitual na liga: iniciativa do rival e unha ordeada defensa. Non atopou espazos durante o primeiro tempo o conxunto local, monopolizador da bola aínda que sen grandes opcións. Mellorou para os seus intereses o panorama nunha reanudación na que só o bo facer de Santi Papi e a línea defensiva evitaron a remontada. O Ponteceso atopou o camiño do gol nun libre directo executado maxistralmente por Dieguito. Xa na prolongación habería unha opción clara para cada un, pero o marcador xa non se movería. Cerqueda 3-2 Sporting Zas

O Cerqueda pegou unha sorpresa - Foto: UD Cerqueda

Campo: Xaviña
Cerqueda: Richard, Bastón (Diego Dourado m.80), Uru, David Velo, Dani, Javi Pazos, Sergio (Vieites m.60) , Iván, Eloy (Juanjo m.70), Lorenzo e Méndez
Sporting Zas: Lagoa, Ángel, Fuentes, Josito, Diego, Alberto (Álvaro m.69), Dani Mato, Pablo, Bruno, Fabián e Roberto
Árbitro: Cedeira Méndez (A Coruña). Expulsou a Fuentes do Zas (m.82). Amonestou a David Velo, Iván do Cerqueda; Diego, Dani Mato e Bruno do Zas
Goles: 1-0 m.11 Iván; 2-0 m.20 Javi Pazos; 2-1 m.32 Dani Mato, de penalti; 2-2 m.36 Dani Mato, de penalti; 3-2 m.52 Iván, de penalti

Unha eliminatoria de once metros Resultou ser prácticamente unha tanda de penaltis o acto inicial da eliminatoria entre Cerqueda e Sporting Zas, que por diferentes motivos presentaron onces moi pouco habituais. Os locais pagaron as expulsións da última xornada de liga en Esteiro, mentres que os sportinguistas hai tempo que teñen un déficit de efectivos. Saíron intensísimos os de Raúl Periscal, que grazas a dous bos remates de Javi Pazos e Iván poñerían terra de por medio. Pero todo mudaría en cuestión de cinco minutos, o tempo que necesitou o Zas para provocar e anotar dous penaltis, con seguridade por medio de Dani Mato. Controlaría o esférico o equipo de Primeira nunha reanudación na que de novo desde os once metros, pero esta vez para o equipo local, o único en anotar sería Iván. Buscaría de aí ao final as contras o Cerqueda, ante o estéril dominio do balón por parte visitante. Malpica 5-1 Esteirana

Campo: A Pedra Queimada
Malpica: Brais, Pensado, Rubén, Mario, Leilán, Laye, Isma, Iván (Álex m.35), Eloy, Cololo e Brais Lado
Esteirana: Roberto, Brais, Dani Rama, Xián (Carlos m.62), Álex (Campos m.79), Adrián (Iker m.82), Josiño Barreiro, Pablo Rama (Eloy m.82), Codesido, Jaime e Tobío
Árbitro: Seoane Sánchez (A Coruña). Amonestou a Josiño Barreiro e Codesido da Esteirana
Goles: 1-0 m.8 Brais; 2-0 m.10 Cololo; 3-0 m.20 Mario Casal; 4-0 m.27 Brais Lado; 4-1 m.44 Tobío; 5-1 m.67 Tobío, en propia meta

A lei de Brais O corcubionés Brais foi o home do partido entre o Malpica e unha Esteirana moi diferente á do gran sprint final de Liga da Costa. Os locais, que atravesan o seu mellor momento do curso, case pecharon a eliminatoria en media hora. Madrugou Brais no primeiro para controlar un pase de Iván, recurtar a cantos rivais lle encimaron e sacar un disparo inapelable. Só dous minutos despois o extremo centraría para que Cololo rematase a pracer o segundo. O vendaval non paraba e Mario impoñía o seu poderío nun córner para facer o terceiro. Sen chegar ó minuto trinta, unha vaselina preciosa poñía a guinda a un arranque espectacular de Brais, que lembrou ao xenio da súa etapa Cadete. Entrou nun ritmo moito máis cansino o choque desde entón, a pesares de que Tobío, antes do descanso, recurtaba distancia. Heroe e villano, o centrocampista metería despois na súa propia portería o gol que sentenciaba prácticamente o cruce. Nantón 1-4 Dumbría

Campo: Fontiñas
Nantón: Guille, Fabián, Silva, Pablo, Lareu (Dani Bardanca m.35), Carlos Vidal, Fabio, Redondo, Enmanuel, Martín e Eloy
Dumbría: Iván Bouzón, Jose, Raúl, Pablo Conde, David Carreira, Aarón, Adrián (Cristian m.72), Iago (Jose m.50), Martín (Charly m.60), DIego Cespón e Darío Capelo
Árbitro: Rey Sánchez (A Coruña). Amonestou a Carlos Vidal e Silva do Nantón; Iago e Aarón do Dumbría
Goles: 0-1 m.1 Iago; 0-2 m.27 Martín; 0-3 m.43 Adrián; 0-4 m.47 Adrián; 1-4 m.80 Enmanuel

Demasiada diferencia O campión de Primeira non tivo problemas ante un rival de Terceira Galega, polo que o mellor resumo do enfrontamento entre Nantón e Dumbría pasa polo concepto de normalidade. Por se había algún lugar á sorpresa, as dúbidas duraron o minuto que tardou Iago en abrir o marcador. O de Ameixenda leva case dúas décadas de Copa da Costa no lombo, e cada vez parece máis decisivo. A pracer, o Dumbría dominou ante un rival que, iso si, non perdeu a competitividade en ningún momento. O Xuvenil Martín fixo o segundo, e faltaba o efecto Adrián, bigoleador nesta ocasión. Antes do descanso deixou o seu selo cunha vaselina, e posteriormente sacou un gran disparo de fóra do área. O tesón local tivo premio na recta final, co tanto de Enmanuel para maquillar o que foi unha contienda con diferencias. Fisterra 0-0 Mazaricos

Campo: Ara Solis
Fisterra: Ángel Luis, Rubia, Breixo, Robertín, Roa, Álex, Angeliño (Javier m.87), Jesús (Jorge m.78), Adri (Pablo Lestón m.62), Cote e Bruno
Mazaricos: Miguel, Estéfano, Xabi, Martín, Matías, Pereiro, David, Ricardo, Chenel (Oreiro m.23), Molinos e Brais (Maneiro m.66)
Árbitro: García Martín (A Coruña). Amonestou a Rubia e Bruno do Fisterra; David, Molinos e Ricardo do Mazaricos

As espadas no alto Houbo intensidade e igualdade no cruce entre Fisterra e Mazaricos, quenes a pesares de competir en ligas distintas coñécense á perfección. Foi dos locais a iniciativa nunha cita que non tivo demasiadas oportunidades de perigo e na que aos visitantes custoulles atopar a fórmula para sorprender. Reclamaron, iso si, penalti por mans dun defensor local nun tiro de David. O colexiado non interpretou que houbera voluntariedade. Foi o meta Miguel o máis destacado na reanudación, así como a habitualmente férrea zaga amarela. A ocasión máis clara a tería o Mazaricos, nun lanzamento de falta no que Oreiro rematou ao traveseiro da portería defendida esta vez polo muxián Ángel Luis. San Lorenzo 1-2 Camariñas

Campo: As Pedreiras
San Lorenzo: Puyi, Ángel (Javi Souto m.75), Kevin, Juanjo, Rubén (Puñal m.64), Pablo Díaz, Mario, Juni, Fuentefría, Diego e Dani Pena
Camariñas: Brais, Kevin, Rodri, David, Yuyo, Brais, Míchel, Pablo Mouzo, Maikol, Maikel e Nazo
Árbitro: Baña Tajes (A Coruña). Expulsou a David (m.18) do Camariñas; Puyol (m.78) e Puñal (m.77) do San Lorenzo
Goles: 0-1 m.60 Brais; 1-1 m.74 Diego; 1-2 m.82 Yuyo, de penalti

O imprevisible Camariñas Dous goles dos canteiráns Brais e Yuyo, determinantes na mellor etapa ligueira do Camariñas, déronlle ao seu equipo a vitoria nas Pedreiras, ante o subcampeón de Segunda e candidato ao ascenso na promoción. Precisamente, esa fase condicionou en boa medida o prantexamento local, cunha formación mixta. Tamén pouco habitual foi a dun Camariñas con novidades no seu once coma Míchel, e sen algúns dos fixos na tempada regular. Empezou quente a cousa, coa expulsión de David tras unha polémica con Juni. Un pau nun centro envenenado foi a mellor dos carballeses nunha primeira metade na que Nazo comprobou a capacidade de Puyol nun balón sacado xusto na línea para o 0-1. O dinamismo ofensivo e o equilibrio con Míchel no medio elevaron aos visitantes, que se adiantarían na reanudación cun toque sutil e raso de Brais. Se xa recuara notablemente, o tanto fixo que os visitantes deran outro paso atrás máis e viran como a base de balóns colgados apretaba e moito o San Lorenzo. Ata que nunha desas chegou a igualada, cun cabezazo tamén moi axustado de Diego. Non variou a aposta do Camariñas nin en vantaxe nin sin ela. E acabou por darlle os seus froitos. A falta de oito minutos Nazo, bullicioso, controlou un balón e aguantou para ser arrollado por Puñal, que sería expulsado ao ver o segundo cartón. Non fallou Yuyo desde os once metros, nunha acción protestada pola parroquia local. Quixo sacar rápido o San Lorenzo, o colexiado curtou a xogada e na protesta quedaría con nove homes e unha papeleta por diante á que lle queda o capítulo de volta. Baíñas 6-2 Cabana

Campo: Municipal de Vimianzo
Baíñas: Maikel, Cristian, Tantán, Álex Canedo, Eloy García, Chento, Jaime (Damián m.73), Felipe (Oreiro m.63), Braulio (Samuel m.68), David Blanco e Pablo Muíño
Cabana: Víctor, Julián, Cabana, Raúl, Ismael, Álex (Diego m.73), Manolo do Cruceiro, Nando (Reigía m.60), Miki Pose, Fernando (Kevin m.82) e José Ángel (Eloy m.86)
Árbitro: Pardo Pose (A Coruña). Amonestou a Samuel, Pablo Muíño e Álex Canedo do Baíñas; Diego, Reigía, Miki Pose e Raúl do Cabana
Goles: 1-0 m.15 Braulio; 2-0 m.17 Jaime; 2-1 m.34 Jose Ángel; 3-1 m.40 Braulio; 4-1 m.51 David Blanco; 5-1 m.62 David Blanco; 5-2 m.70 Reigía; 6-2 m.72 David Blanco

Neaño aniquila Cabana Un cabanés 'ilustre', David Blanco, foi o verdugo dos seus paisanos, que caeron ante o Baíñas cun resultado tenístico e pode que algo cruel para o equipo de Terceira. Empezaron dominando e apretando os vimianceses, que viron como Víctor sacaba dúas accións francas de Pablo e Braulio. Resarciuse o ex do Sporting Zas pouco despois, ao interceptar un mal pase ao porteiro e resolver con calidade. Pouco despois, outro ex de San Andrés, Jaime, finiquitaba unha combinación a tres con pase da morte. O Cabana tentaba asomar a cabeza e acurtaba distancias á media hora, nunha contra, pero novamente Braulio afogaba ese aire que tomara co terceiro, antes do intermedio a centro de Eloy García. Foi a pegada o factor diferencial nun segundo acto no que o Cabana non atinou nas súas e David Blanco golpeou e goleou en tres ocasións, unha delas con tarxeta de visita dun dos dianteiros con máis calidade da Liga da Costa. Baio 2-0 Porteño

O Porteño vendeu cara a súa pel - Foto: CF Porteño

Campo: Platas Reinoso
Baio: Diego, Isaac (Ramón m.87), Norberto (Christian m.77), Yago, Luis, Fachal (Moreno m.63), Martín, Rubio (Eloy m.87), Santi Díaz, Javi Suárez e Martín MC
Porteño: Jimmy do Cairo, Pejo, Cousillas, Chavín, Quilmes, Wii, Marcos (Adrián m.56), Isma, Roi, Cachi (Manu m.66) e Rodri
Árbitro: Vázquez Lema (A Coruña). Expulsou a Roi, do Porteño (m.76). Amonestou a Rubio e Fachal do Baio; Pejo e Quilmes do Porteño
Goles: 1-0 m.22 Rubio; 2-0 m.76 Santi Díaz

Cuestión de dinámicas Venceu e fixo o previsto o Baio, campión da Liga da Costa, ante o descendido Porteño, aínda que a forma foi moito máis sufrida do que ese guión podería suxerir. Non resultou o encontro máis atractivo dos oitavos, aínda que si un exercicio de practicidade por parte local. Abreu o marcador Rubio, nun centro de Luis ao segundo pau no que o canteirán rematou de cabeza. O Porteño, ben metido atrás e coas líneas moi xuntas, tivo o seu protocolario erro en boca de gol, esta vez por mediación de Wii tras unha deixada de Roi, o prolongador habitual. Precisamente, o defensa sería protagonista, xa na segunda metade, da acción do tanto definitivo. Recuperou Nortberto o balón e, tras un par de rexeites, Santi acertou a remachar. Os visitantes reclamaron falta, e na protesta Roi vería o segundo cartón. Se o efecto A Grixa non o impide, o campión de Liga aínda non rematará a tempada.