Copa da Costa: Unha Copa entre montañas

00:34 06/06/16

Soneira e Xallas fixeron valer a categoría ante Baio e Fisterra e compretaron unhas semifinais en forma de derbi de interior, despois das eliminatorias sabatinas.

O Xallas desatouse no segundo acto - Foto: Conchy Baio 0-2 Soneira

Campo: Platas Reinoso
Baio: Pablo, Yago, Norberto, Mario (Brais m.17), Luis Alvite (Porto m.58), Peke (Fachal m.76), Saleta, Moreno, Christian, Luisito e MC
Soneira: Anxo, Figueroa (Maikel m.70), Brais Mouzo, Jota, Aarón, Mario, De la Sierra (Martín m.66), Richi (Alberto m.76), Basti (Óscar de Maema m.59), Javi e Alberto Vía
Árbitro: Villamuelas Castro (A Coruña). Amonestou a Norberto, Brais e Porto do Baio; Richi e Mario do Soneira
Goles: 0-1 m.4 Basti; 0-2 m.70 Richi

KO técnico do Soneira Por terceira vez en catro partidos esta tempada o Soneira superou ao Baio, despois de ter que voltear o encontro de ida. Catro minutos lle durou a ameaza do gol da ida aos locais, xusto o que tardou Basti en abrir o marcador, tras un pase ás costas da defensa, no que resolveu cruzado ante Pablo. Cunha necesidade de remontada por parte baiesa, os vimianceses estiveron xa moito máis cómodos, contemporizando e deixando pasar os minutos con certa comodidade. Ademáis da derrota, a peor noticia para a parroquia local foi a lesión de Mario, tras caer mal nun choque con Basti. Xa no segundo acto un pase a Richi fixo que o 'mini Vía' resolvese de vaselina e metese ao Soneira en semifinais, onde lle agarda outro derbi, esta vez co Zas. Xallas 4-0 Fisterra

O Fisterra estivo cos Rapacollóns - Foto: SD Fisterra

Campo: A Fontenla
Xallas: Julián (Koke m.87), Cristian (Vecino m.84), Hugo (Doro m.75), Pablo Novo, Martín Barreiro, Canedo, Fernando, Jesús, Kevin (Bardeira m.84), Anxo e Camilo (Rachón m.70)
Fisterra: Norberto, Breixo (Mané m.61), Piti, Roco, Dani Rubia, Robertín, Rodri (Cote m.56), Pablo Lestón (Adri m.86), Adrián, Jesús (Julito m.70) e Bruno
Árbitro: Bermúdez Seoane (A Coruña). Expulsou a Bruno (m.85) do Fisterra. Amonestou a Cristian, Pablo Novo do Xallas; Rodri e Breixo do Fisterra
Goles: 1-0 m.55 Fernando; 2-0 m.78 Martín Barreiro; 3-0 m.85 Anxo; 4-0 m.90 Anxo

Desmelene Preferente Estoupou finalmente o cruce entre os dous equipos máis felices dos últimos meses, con permiso de Sofán e Soneira. Xallas e Fisterra, que deixaran un encontro antolóxico en Ara Solis, rebaixaronlle voltas ao motor no inicio do encontro decisivo, e mantiveron moito máis as formas, cun priorización do elemento estratéxico. Incluso, un conxunto habitualmente descarado e atrevido como a SD mirou de reollo ao global da eliminatoria e tapouse máis que de costume. O propio fixo o cadro local, e cun obxectivo por doquier: a búsqueda do erro do rival e castigar con espazos e contras. Unha ocasión de Adrián no primeiro acto foi prácticamente toda a bagaxe do primeiro tempo. Todo mudaría rápidamente na reanudación. Fernando compretou unha notable xogada colectiva e abriu un marcador que destapou a caixa de pandora. Cunha necesidade de dous goles, ante un rival que castiga o erro e domina á perfección A Fontenla, a ofensiva era un valiente hara kiri para o Fisterra, que encaixaría o segundo nun cabezazo de Martín Barreiro e tería a estocada con Doro asistindo a Anxo en dúas ocasións. Durante dúas horas e media o cruce entre o Xallas de Preferente e o campión da Liga da Costa foi un combate de boxeo sen proteccións, directo e apaixoante. No epílogo, e cun guión favorable aos combeses, aflorou a diferencia de categoría e acabouse a viaxe do barco fisterrán, con moralexa e aprendizaxe final de cara ao vindeiro ano en Primeira.

Norberto despediuse da SD Fisterra, que quixo agradecer públicamente a súa aportación - Foto: SD Fisterra

A Gala do Fútbol da Costa

Mazaricos acollerá a III Gala do Fútbol da Costa-QPC.

O Congreso de Adestradores

Novas relacionadas

Crónica do ascenso á Preferente do Sofán: 1ª Autonómica: Pelotas de aceiro e de Preferente.
Crónica da Permanencia do Xallas: Preferente: Querido Santa Claus….
Adrián Makaay, segundo máximo goleador da historia do Fútbol da Costa.
O Fútbol Base foi protagonista en Cabana, Outes, Cee e Santa Comba.
Basti e Makaay, Insua e Bugy, pichichis e Zamoras das Ligas da Costa.
4 equipos seguen pendentes dos arrastres.
3ª Autonómica: Os penaltis devolven ao Corcubión á Liga da Costa.
Copa da Costa Xuvenil: O Xallas, gran campión.
Artigo de Guillermo Parga do título do Fisterra: Vanse poñer de punta ata os pelos dos Rapacollóns.
Artigo de Guillermo Parga do ascenso do Soneira: Nunca agardei menos de ti.
Noé e Geiko, os premios Zamora e Pichichi da 3ª da Costa.
Rikísimo ascenso do Montelouro.
O Laxe é novo equipo da 2ª Autonómica!.

Máis información

Os cadros da Copa da Costa 2016 e das Fases de Ascenso en www.copadacosta.com.
As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
A actualidade no Facebook “Fútbol da Costa”.