Xa queda menos para a XI Gala do Fútbol da Costa-QPC que se vai celebrar o vindeiro venre 12 de agosto en Muros. E se ben a meirande parte dos premiados e premiadas serán escollidos por unha votación que xa temos en marcha, hai 8 persoas que xa teñen gardado un espazo na estantería do salón para o prezado balón da Olería de buño.

6 xas os coñecemos dos Pichichis e Pombos do fútbol masculino. E hoxe, despois de rematar a liga da 2ª Div. e 1ª Div. coñecemos quen son as que levarán os balóns ás súas casas.

Eva Lema, a pichichi

A contabilidade da Pichichi vai sempre por número de tantos, e aí as xogadoras dos equipos de 2ª Div. tiveron máis sorte, ao ter 32 partidos, polo 22 da 3ª. E aí é onde Eva Lema ivo vantaxe, e non a desaproveitou, marcando nada menos que 57 goles que lle valen para levar outro balón para as súas vitrinas, pero non para gañar o pichichi da categoría, pois na última xornada, Rebeca (Tordoia) marcou 5, polos 4 da muxiá, sumando un total de 58.

Por detrás queda unha das relevacións da temporada, Kenny, a soneirá coa súa velocidade rompeu mil defensas anotando 47 goles en só 22 partidos, máis de 2 por partido. Preto quedaron Barca, Rut, Laura Lires, Claudia ou Paula Veiga, que apunta á final da Copa deste domingo.

Desi, a Pombo

O premio á porteira goleada (co nome que lembra ao mítico porteiro cabanés Alex Pombo, finado en 2015) dase por promedio. E aí a cousa estivo moi igualada. Sacando de calculadora, a Premio Pombo 2026 é para Desi. A porteira do EF Juan Cabrejo cumpriu o mínimo número de partidos para a sáu categoría (16) sendo a única que promedia menos dun gol encaixado por partido, dando conta do bo traballo defensivo dun equipo que quedou, por décimas, sen ascenso de categoría.

A loita foi total, porque moi preto quedan Karen do Soneira e Miriam do Cabana, cun tanto por partido. A porteira muxiá Sheila, a cormelá Lucía ou a cerquedá Inés Barcanca completan a zona de porteiras destacadas do curso.

Máis novas