FUTFEM: O Muxía celebra outro título

O Comité de Competición aprobou o descenso administrativo da Esteirana tras unha denuncia do At. Milagrosa.

Muxia CF Campioas de Lga 25-26 — As Corviñas celebrando o título de Liga en Arliña

FUTFEM: O Muxía celebra outro título

10:29 01/06/26

Volveu ser Arliña o epicentro do fútbol costeiro, coa conseución do título da 2ª Div. Fem por parte do Muxía CF. Ano histórico para o club muxián, despois da consecución da Copa masculina, e a agora conseguir o título da 2ª Div. e o ascenso á 1ª García Ulloa.

Non fallaron as corviñas na mañá dominical. Recibían ao San Lázaro e tiñan que vencer para asegurar o título, nesta longa carreira contra o Tordoia. 7-0 endosaron as de Noe Iglesias ao conxunto lucense cos tantos de Barca (2), Eva Lema (4, e quedou a un gol de Rebeca na loiota polo pichichi) e un de Patri Romaní.

Os números das muxiás (30 vitorias, 1 empate e 1 derrota, con 159 goles a favor e só 37 en contra) dan conta do conseguido este ano por este grupo de amigas.

As Corvinas do Muxia celebrando o titulo — As Corviñas celebrando o título

Descenso nos despachos da Esteirana

10 da Esteirana feminina na Coruna — As blaugranas xogando con 10 nun partido desta temporada

A cara máis amarga da competiciu pola contra, vívese estes días en Esteiro. Está sendo o fútbol coa Esteirana, e despois de aguantar o curso enteiro con graves problemas de efectivas e gañándose a permanencia no campo, ve como unha denuncia nos despachos provoca o seu descenso administrativo.

As de Fran Figueroa disputaron 3 xornadas consecutivas con só 10 xogadoras, o que, trala denuncia presentada polo At. Milagrosa, provoca a eliminación do equipo e o seu descenso automático. Non se atreveron as lucenses a pelexar no campo polos 3 puntos que lles aseguraban unha praza do playoff á que tamén aspiraba o Corme (que venceu en Maniños e completou tamén un curso incrible), e denunciaron ao equipo esteirán provocando este inxusto descenso, sen poder sequera, despedirse da súa afección.

Xallas e Cee preparan a gran final

A última xornada desta última liga en competición, deixou varias cousas, como o 2-1 do Xallas na 1ª Div. ante o Orzán B. Olalla e Claudia Facal farían os tantos para o equipo de Eloy, que partirá como favorito na gran final da Copa da Costa deste vindeiro domingo no campo de Fontenla.

En fronte estará o Cee, que vén coa marcha posta tras vencer 1-3 a un Dumbría que xa tiña feitas as maletas para ir de vacacións. Un tanto de Lurs, e dous de Pauliña Veriga, que chega nun gran momento de forma con 25 goles só nesta metade da temporada tras volver dunha longa lesión, serviron para que as ceenses cheguen á finalcon bo sabor de boca.