FF: A primeira vitoria visitante das Miúdas dalles opcións a soñar
![](/asset/thumbnail,992,558,center,center/media/quepasanacosta/images/2017/11/28/As-Miudas-na-Estrada-Foto-Chama-Caamano.jpg)
![As Miudas e Estrada contra a Violencia de Xenero-Foto-Chema Caamano](/media/quepasanacosta/images/2017/11/28/As-Miudas-e-Estrada-contra-a-Violencia-de-Xenero-Foto-Chema-Caamano.jpg)
Fin de semana reivindicativo nos campos do Fútbol Feminino Galego. Non fallaron as costeiras que se vestiron para a ocasión.
Chegou a primeira vitoria a domicilio das Miúdas na Estrada ante un dos equipos que pecha a clasificación. 3 puntos que deixan ás de Fran Figueroa nunha máis que cómoda 7ª praza, con 12 puntos, a apenas 4 do 2º posto de promoción de ascenso. Soñar, polo de pronto, é de balde.
Mentres, o Bergantiños non puido facer nada antes as líderes do Gr.1, o Imperátor. As de Gueli fican na zona morna da clasificación.
![O Bergantinos contra a Violencia de Xenero](/media/quepasanacosta/images/2017/11/28/O-Bergantinos-contra-a-Violencia-de-Xenero.jpg)
2ª División, Grupo 2, xornada 7
- Resultado: At. Estrada - Os Miúdos (0-4)
- As Miúdas: Julia, Yaiza, Paula, Antía, Martina, Laura, Irea, Bárbara, Leti, María e Iria. Tamén: Isa, Gala, Eva, Marta e María Dosil.
- Goles: 0-1, m.35: Bárbara a pase de Leti; 0-2, m.59: María Dosil; 0-3, m.70: Bárbara de vaselina; 0-4, m.84: Marta.
![As Miudas na Estrada-Foto-Chama Caamano](/media/quepasanacosta/images/2017/11/28/As-Miudas-na-Estrada-Foto-Chama-Caamano.jpg)
Empezada o choque marcado pola desorganización, pero así e todo xa se vía vir o resultado final, pois Bárbara facía moito dano en ataque dende o primeiro minuto. Sería no minuto 35 tras unha xogada levada en banda por Leti cando Bárbara non perdonaría poñendo o 0-1 coa punteira co que se chegaría o tempo de descanso.
Xa na reanudación e coas liñas ben marcadas, o dominio sería total das visitantes xogando case que toda a 2ª parte no campo rival e entrando con perigo polas bandas, ademais sumando as numerosas subidas das centrais Antía e Martina. Así no minuto 59 a recién entrada no campo María Dosil conseguiría o 0-2 resolvendo unha xogada na area despois de unha galopada pola banda de unha Gala, que se está destacando como lateral nos últimos encontros pero que lle gusta pisar campo contrario.
![As Miudas na Estrada-Foto-Chema Caamano](/media/quepasanacosta/images/2017/11/28/As-Miudas-na-Estrada-Foto-Chema-Caamano.jpg)
As locais terían a súa mellor ocasión nun libre directo ao borde da area de Julia, pero o forte disparo marcharía a escasos metros da escadra Miúda. Foi Bárbara a que non perdonou facendo o seu doblete particular cunha bonita vaselina trala saida da porteira da Estrada que nada pudo facer ante o golazo da “pichichi” costeira. Puido María Dosil tamén facer doblete pero foi Marta a que non perdoou poñendo o 0-4 definitivo.
Pola tarde, para celebrar a vitoria, as Miúdas foron invitadas polas súas “madriñas” do Depor ABANCA para presenciar o seu partido en Ponte dos Brozos ante o Sporting de Xixón.
Tócalles ahora preparar o encontro fronte un Antas SD que lidera a categoría e visitará o Eleuterio Balayo no próximo domingo.
![As Miudas coas madrinas do Depor ABanca-Foto-Chema Caamano](/media/quepasanacosta/images/2017/11/28/As-Miudas-coas-madrinas-do-Depor-ABanca-Foto-Chema-Caamano.jpg)
2ª División, Grupo 1, xornada 9
- Resultado: Imperátor - Bergantiños (4-0)
- Bergantiños: Lucía, Piroja, Eva, Torrado, Paula (Sabrina, m.70), Lore, Noe, María (Nerea, m.60), Isa (Lydia, m.55), Tamara (Fariña, m.70), Laura Cambón (Seo, m.55).
Demasiado abultado o marcador para o partido que se viu na Coruña. As carballesas fixeron unha boa primeira metade, permitindo apenas unha ocasión de gol ás locais, gracias á forte intensidade defensiva imposta polo equipo de Gueli. A única ocasión clara aproveitaríana as coruñesas para adiantarse no marcador ao anotar Aroa unha falta desde 25 metros. Tamara tería o empate nas súas botas pero o seu lanzamento saíu fóra por pouco. Poucas ocasións máis na primeira parte.
Trala raenudación, o esforzo defensivo da primeira parte fixo mella, e novamente Aroa fixo o segundo gol. A 20 minutos do final chegaba o terceiro e o cuarto case co pitido final.
Crónicas da tempada do Fútbol Feminino
- Partidazos con pouco premio.
- As Miúd@s xa saben golear.
- Vitoria moral das Guerreiras da Costa da Morte ante as líderes do Aguiño.
- As Miúd@s xa saben gañar.
- As Miúd@s e o Bergan comezaron a súa campaña na 2ª División Feminina.
Novas relacionadas
- Laura Torrado e Marta Calvo participaron coa Selección Coruñesa no Campionato Galego.
- Marta Calvo: Igualdade no Fútbol da Costa.
- O Eleuterio Balayo acolleu a estra das Miúdas na Festa dao Fútbol Feminino da Costa da Morte.
- 21 rapazas xa forman a familia das Miúdas amadriñada por Susú Cores e Vero Boquete.
- Arrincou con esperanza o proxecto dos equipo feminino dos Miúdos.
- Os Miúdos lanza a súa aposta polo Fútbol Feminino.
- O Combinado Feminino do Fútbol da Costa debutou en Buño.
Máis novas
Fonte
- Redacción de QPC ([email protected]).