Despois de ter convertido en estrellas aos xogadores das categorías sénior do Fútbol da Costa, era hora de facelo coa nosa canteira. O terceiro álbum da historia do Fútbol costeiro está en marcha, e desta volta os protagonistas serán os xogador@s das categorías Prebenxamín, Benxamín, Alevín e Infantil.

Serán máis de 900 cativos entre 5 e 12 anos (de 83 equipos que teñen 22 clubs da comarca nestas categorías), os que poidan disfrutar de coleccionar o seu cromo e o de todos compañeiros da comarca, facendo así un exercicio de vertebración comarcal a través dos sanos valores do deporte.

Da man da empresa viguesa Sportcrom, en breve comezamos a realización das fotos para a confección do álbum, esperando telo na rúa antes de que remate este 2019.

De novo boa parte dos clubs serán intermediarios para levar os cromos aos campos, para que a rapazada, e tamén as súas familias, poidan coleccionar as estrellas da Costa. Ademais, haberá varios puntos de venta abertos en diferentes vilas da comarca.

Todas as novidades do Álbum da Costa

• Febreiro 2019: Muros, Corme, Vimianzo e Baio, os puntos quentes do Álbum da Costa.
• Decembro 2018: Xogadoras e árbitros, protagonistas da Gala de estrea do Álbum da Costa.
• Decembro 2013: Da repercusión mediática do Álbum de Cromos da Costa.