Despois de coñecer os dous dianteiros que levarán os Trofeos aos Pichichis das Ligas da Costa, toca botar un ollo aos nosos gardametas, aos dous porteiros que levarán para as súas casas os prezados balóns da Olería de Buño polos Trofeos Álex Pombo aos porteiros menos goleados da 2ª e 3ª Galicia. Uns premios que se entregarán na VIII Gala do Fútbol da Costa QPC da que pronto teredes novas.

A clasificación este curso vese condicionada porque moitos dos clubs optaron por unha medida fantástica, como é a de rotar os porteiros cada semana, de xeito que varios dos porteiros dos equipos que recibiron menos tantos non optan ao trofeo por non cumplir o mínimo de partidos. É o caso de Sergio, do Baíñas, que só recibía 5 goles pois só disputou 14 partidos. Ou é o caso dos porteiros do San Lorenzo, ou Muxía, dous dos equipos menos goleados da Liga da Costa.

Finalmente, na Liga da Costa temos un repetidor, dando conta de que xa é un dos grandes referentes da comarca: Xandre, porteiro muradán, xa recibíu o ano pasado o premio (que entregábamos ás dúas categorías conxuntamente) e repite nesta 22-23. Moi preto quedaron os Rubín García (Coristanco), Álex Pouco (Outes) ou Maikel (Cee).

Na 3ª, a cousa está igual de dividida, quedando fóra da pelexa os metas do Baíñas ou do Laxe, e quedando finalmente como o Pombo da 3ª, Mariolo, o porteiro do Porteño, por diante de Darío (Buño), David Caamaño (Camelle) ou Pereiras (Zas).

Novas relacionadas

• Iván Rojo e Lucas levarán os Trofeos aos Pichichis das Ligas da Costa.