Igualdade total, non hai rival pequeno, todos os tópicos que se queiran nesta liña serven para definir este comezo de campaña na Liga da Costa. Cunha salvedade, o Club do Mar, que parece comezar este ano un paso por riba do resto. Con todo, aínda non fixo nada o conxunto caionés e os rivais que ten superado, con relativa facilidade, non son dos que estarán arriba, salvo o Castriz. De feito, o ano pasado os caioneses venceran 8 dos 10 primeiros partidos e finalmente se desinflaran. Nas vindeiras semanas, Baio, Camariñas e Sofán serán boas pedras de toque para medir o verdadeiro potencial desta, xa chamada, "selección". Ollo tamén ao Camariñas, que comeza a sumar de 3 en 3, e ao Malpica, que xa partía como favorito tralos reforzos deste verán.

Camariñas - Sofán (3-0)

• CAMARIÑAS: Pombo, Pesqui (Nico, min.46), Carlos, Breo, Maikel, Moriño, De la Sierra (Javi, min.60), David (Daniel, min.76), Juan oBello, Brais e Leo.
• SOFÁN: Richard, David Velo (Victor, min.72), Adrián, Juanjo, Eloy Boedo, Aleman, Ivan Rey, Suso Docampo, Abel, Edu (Berti, min.69) e Jacobo.
• Goles: 1-0, min.75: Leo; 2-0, min.78: Javi; 3-0, min.80: Leo.
• Lesión: David Velo, cun problema no hombreiro.

Igualado partido no Hermanas Patiño que se decidiu nun arreón local nos últimos 15 minutos. Un partido ademais marcado pola lesión de David Velo que tivo que marchar ata o San Rafael da Coruña cun hombreiro fóra de sitio, incrementando a xa interminable lista de baixas sofanistas. Foi un encontro tenso, cun Camariñas dominando o tempo do partido pero coa SD saíndo en rápidas e perigosas contras. Abel tivo unha boa ocasión para os sofanistas, e Suso Docampo pediu penalti. Foi na segunda metade cando volveu aparecer ese temido medio campo camariñán, con Moriño e De la Sierra, ben arroupados por Juan oBello. Con todo, foron 5 minutos de desaxuste na defensa sofanista os que aproveitaron os locais para matar o choque, cun Leo moi acertado.

Corcubión - Malpica (1-3)

• CORCUBIÓN: Cristian, Pablo (Sebas, min.63), Sergio Manín, Conguito, Papi, Alán, Edu, Camacho (Balucho, min.85), Mario, Lourido e Johni.
• MALPICA: Suso; David Álvarez (Avelino, min.46), Eme (Casais, min.46), Víctor, Iago, Nando (Rancaño, min.46), Neucha (Cheo, min.46), Daniel, Pablo, Andrés e Alfredo.
• Goles: 1-0, min.5: Lourido tras un córner. 1-1, min.43: Pablo de penalti cometido por Sergio Manín sobre el mesmo. 1-2, min.47: Alfredo a centro de Cheo. 1-3, min.88: Pablo de penalti de Sergio Manín sobre Cheo.
• Expulsión: o adestrador local Manín.

Non mereceu o Malpica un resultado tan claro tralo visto no novo Cubaleiro na tarde do sábado. Os de Manín foron superiores durante moitos minutos e protestaron moito a actuación arbitral, sobre todo, co 1-0 a favor, un gol anulado a Lourido no min.35. E non foi a única ocasión dos locais para sentenciar, pois Johni, Alán, Conguito e o propio Lourido puideron meter distancia no marcador. Pero un tanto ao fío do descanso de penalti, meteu de cheo ao equipo malpicán no partido. Na segunda metade espertou o Malpica cos cambios. Xa aos 2 minutos Alfredo marcaba para os de Agilda e o Corcubión víñase lixeiramente abaixo. Chegaron os mellores momentos do Malpica, que tampouco sentenciaron ata o treito final. Iso si, o Corcubión puido empatar en varias ocasións, pero ao final o premio é nulo.

O Pindo - Club do Mar (0-4)

• O PINDO: Julián, Diego de Ameixenda (Hipo, min.80), Ángel (Pablo, min.80), Juan, Manolito do Porto, Lolo, Carlos Leis, Hugo, Riolo (José da Maroca, min.70), Javi Conexo e Carlos (Vicente, min.40).
• CLUB DO MAR: Iago, Corral, Repi, Alberto (Luís Lareo, min.82), Rubén (Fran Borrazás, min.55), Alex, Jacobo, Tonecho, Bertín, Santi Silva (Manu, min.70) e Vituco (Brais, min.80).
• Goles: 0-1, min.30: Vituco, de penalti; 0-2, min.60: Tonecho nunha falta indirecta dentro da área. 0-3, min.70: Bertín; 0-4, min.80: Brais.

Pasou o Club do Mar por Lombáns e non puido aguantar o ritmo o equipo local. Na primeira parte o Club do Mar mantivo o control do balón pero cun Pindo aguantando con seriedade e firmeza, e ata con algunha ocasión por medio de Riolo e Carlos. Pero no segundo tempo acabáronse as forzas e os caioneses puideron marcar algún máis. Segue así o Club do Mar xerando moitas espectactivas como gran candidato ao ascenso. Dende o Pindo valoraron que foi o mellor equipo que pasou por Lombáns nestes dous anos. Pero dende Caión son prudentes e recoñecen que aínda queda moito que facer, e que por agora non se fixo nada. O equipo, iso si, como recoñece o presidente Javi, está feito para ascender.

Baio - Corme (0-3)

• BAIO: Poyo, Andrés (Pablo, min.15), Mario, Iván de Treos, Fermín, Martín, Eloy, Martín MC, Alberto (Rubio, min.60), Canai e Javi Suárez.
• CORME: Suso, Adolfo, Jesús, Cordobés, Abel, Pandi, Alejandro, Lucas, Adrián Doldán (Gonzalo, min.65), Diego (Javi, min.70) e Iago (Martín, min.55).
• Goles: 0-1, min.30: Iago; 0-2, min.50: Alejandro; 0-3, min.75: Diego.
• Lesión: o baiés Andrés cunha rotura de fibras.

Gran vitoria do Corme ante un Baio con moitas baixas e ao que non lle quixo entrar a pelota. Non foi un repaso, pero os cormeláns estiveron moi acertados nas súas letais contras, e van ser ser este ano un equipo moi perigoso tanto no Cairo como fóra da casa. Os locais tiveron boas ocasións, e lanzaron ata 4 balóns á madeira, 2 nos pés de Martín. No bando visitante, Iago xa afinou a puntería e haberá que estar atento á súa velocidade e definición, Alejandro segue dando clases de fútbol, e Diego tamén estivo fino cara gol.

Nantón - Esteirana (3-2)

• NANTÓN: Martín, David Lareo, Diego, Félix, Sito, Carlos Vidal, Fabio, Martín, Luís, Manolo e Iván (Cristian, min.65).
• ESTEIRANA: Benancio, Roi, Suizo, Chispi, Fran (Dani, min.75), Pichu, Eloi, Adrián (Isma, min.70), Alex, Adelino e Cajulo.
• Goles: 1-0, min.25: Manolo a pase de Luís; 1-1, min.50: Adelino; 1-2, min.80: Adelino; 2-2, min.82: Sito; 3-2, min.85: Luís.
• Expulsión:  O local Félix no min.65.

Importante vitoria do Nantón e máis ante unha Esteirana que chegaba moi forte, pero con moitas baixas, como a de Simón no quecemento que obrigou a cambiar o prantexamento inicial. Pero a veteranía do Nantón e o campo cabanés foron determinantes para a vitoria local. Foi un encontro moi igualado, con alternativas no marcador. Comezou a Esteirana con algo máis de dominio de balón, pero foi Manolo o que adiantou aos seus tras un pase de Luís. Puido matar o partido co 1-0 o Nantón, pero Iván marrou a portería baleira tras outro bo pase do eterno capitán. Na segunda a Esteirana aproveitou a relaxación local e deu a volta ao marcadro con dous tantos de Adelino. Pero o segundo tanto serviu para espertar aos locais, que levaban media hora fóra do partido. Sito e Luís puxeron o 3-2, que se cadra foi demasiada bagaxe analizando o cómputo global do partido.

San Lorenzo - Zas (2-2)

• SAN LORENZO: Sergio, Santi, Adrián, Dubra, Puñal, Cachizo, Jorge (Chucho, min.65), Anxo (Miguel, min.60), Marcos Cancela, Fuentefría (Canteiro, min.80) e Carlos Fuentes (Eloy, min.75).
• ZAS: Damián, Martín (Dani Castelo, min.55), Mancebo, Lagoa, Pereiro, Juan, Peque, Jaime, Adrián, Rafa (Pastor, min.70) e Pablo Muíño.
• Goles: 0-1, min.6: Pablo Muíño aproveita unha falta de entendemento entre defensa e porteiro; 1-1, min.20: Santi dende o borde da área; 1-2, min.50: Lagoa saca de falta dende o medio campo e o balón se lle escapa ao metal local Sergio; 2-2, min.60: Puñal de cabeza.

Vai collendo o tono da competición o San Lorenzo tras un comezo algo dubitativo. Pero onte ata mereceu gañar, malia que o empate final é bastante xusto. Os zaenses non se deron acostumado ao campo seco e duro, e o San Lorenzo, que saíu algo nervioso o inicio de cada tempo, demostrou que ten moito perigo, sobre todo a balón parado, e máis ante un Zas de planta baixa. O Zas aproveitou eses momentos de desconcerto local ao comezo de cada parte para adiantarse no marcador. Os de Chema Eirís, sempre a remolque, puideron empatar por dúas veces e ata se puideron marchar cos 3 puntos con dúas ocasións moi claras contra o final e ata un gol anulado no min.92 bastante discutible. Así e todo, este punto supón unha inxección de moral de cara o calendario que vén por diante para os de Verdillo.

Buño - Muros (3-3)

• BUÑO: Brais, Ángel, Diego, David (Alfredo, min.46), Brais, Jorge, Ismael, Rubén (Emilio, min.50), Dourado (Miguel, min.70), Elías (Antelo, min.65) e Víctor.
• MUROS: Lupi, Mingos (Gelo), Teo, Mayuyo, Marco, Manu Dosil (Yanki), Dani (Alberto), Jesús (Gabriel), Óscar, Seluco e Sexo.
• Goles: 0-1, min.15: Seluco; 1-1, min.20: Víctor. 2-1, min.47: Víctor; 3-1, min.70: Antelo; 3-2, min.75: Mayuyo de falta directa; 3-3, min.85: Seluco a pase de Sexo.

Partidazo o xogado no campo de Xaviña, con alternativas no marcador e moita brega en ambos conxuntos. Saíu o Muros tocando o balón e dominando, e así Seluco puña por diante aos de Sil. Pero resarciuse rápido o Buño e cun forte xogo arriba foi quen de empatar rápido e arrinconar ao Muros. Xa na segunda marcaron Víctor e Antelo o que parecía a sentencia, facendo boa a mellor situación sobre o céspede dos locais. Pero non se rendiría o conxunto muradán, que nun arreón final acadou un empate máis que xusto.

Mazaricos - Dumbría B (0-0)

• MAZARICOS: Pejo, Casais, Matías (Ramón, min.0), Marcos, Chico, Brais (Oreiro, min.70) (Sandelo, min.80), Ramón, Esteban Pereiro, Rodrigo, Cristian e Rafa (Tubi, min.50).
• DUMBRÍA B: Anxo, José Carreira, Sergio Cives, David Carreira, Ramiro, Jesús, Riki (Fernando, min.55), José Manuel, Toni (Rodrigo, min.70), Pablo Lestón e Miguel Poyo.
• Lesión: Tuco (fibras) e Matías (no xeonllo) xa no quecendo e Oreiro, nun nocello.

O Mazaricos, con lesionados por todas partes, acadou un bo resultado, ante un Dumbría B moi en forma neste comezo de temporada. Foi un choque moi igualado, co Mazaricos mantendo máis o control do balón na primeira metade pero sen demasiadas ocasións. No bando dumbriés Faltou a circulación de balón habitual nestes primeiros encontros, porque lle custou adaptarse á herba de Pedra de Ouro. As mellores ocasións chegaron contra o final, cando a falta de 5 minutos o Dumbría marrou un penalti que parou Pejo. E á volta Cristian tamén puido marcar para desnivelar o marcador. Ao final, xusto empate.

Castriz - Fisterra (1-1)

• CASTRIZ: Herrera, Martín, Sergio Pose (Jonhi), Alejandro, Toniño, Alberto, Toño, Pablo (Rubén), Prego, Sebas e Iván.
• FISTERA: Joselu, Juan, Gus, Manuel Cartamil, Pana (Piti, min.46), Nico, Roco, Guardiola (Marco Docabo, min.60) (Santi, min.80), Roa (Tata, min.70), Rivas (Mané, min.70) e Dudo.
• Goles: 1-0, min.1: Sebas; 1-1, min.25: Dudo.

Partido igualado no que puido gañar calquera. Comezou o Castriz mellor colocado, e de feito no minuto 1 xa marcara Sebas. Tardou en reaccionar o equipo de Juan Jesús, que conseguía empatar por medio de Dudo. Eran os mellores momentos dos fisterráns que volveron acusar a falta de puntería cara o gol, e só levan 2 goles en 4 encontros. Herrera fixo boas intervencións e Mané mandou dous balóns á madeira. A segunda metade foi menos combativa, máis igualada. Iso si, os fisterráns tiveron boas ocasións contra o final, e sen embargo foi Iván o que tivo a ocasión máis clara para os locais xa co tempo cumplido tras un balón longo que non foi quen de aproveitar no man a man co Joselu.

Máis información

• Resultados e clasificacións 2011/2012.

Novas relacionadas

• Preferente: O Dumbría xa sabe gañar.
• 1ª Autonómica: Mala xornada.
• Resultados dos 67 encontros do fútbol da Costa.

Máis novas

• Vídeo entrevista de Ángel Garrido a Alberto Pose.
• Vídeo entrevista a Manolo Varela por Angel Garrido.
• Vimianzo lembrou a Martín Pena.
• O Plan Competicional e a Liga á carta.

Fonte

• Redacción de Deportes de QPC ([email protected]).
• Colabora a SD Fisterra, o blog da SD Sofán, o blog do Malpica de Luís E. Porto e o Blog do Baio.