Volveu, case que ao completo, o fútbol da Costa aos nosos domingos. Coma sempre, traeremos os resultados antes que ninguén e as crónicas das 4 ligas e dos xuvenís irán chegando entre o luns e o martes. Polo de pronto, xa deron comezo as 4 ligas de modestos, e unha de xuvenís, á espera de que o grupo sur xuvenil, cadetes, infantís e veteranos dean o pistoletazo de saída.

Nesta primeira fin de semana de setembro, houbo un pouco de todo. Na Preferente, xa na segunda xornada, sorte dispar para os nosos. O Santa Comba foi o único que sacou os 3 puntos de Bertamiráns, pero volvéronlle saír caros e remataron o partido de novo con 9 homes. O Soneira non podía co Compostela, mentres que Xallas e Dumbría non pasaban do empate na casa malia merecer algo máis.
Na 1ª Autonómica, os dous equipos da bisbarra colleitaron malos resultados e non sumaron neste comezo de campaña.

Comezaba tamén a Liga da Costa, e o facía con 8 vitorias visitantes e tan só un empate. O Malpica ponse de líder tras coller desprevenido ao Nantón, mentres que o Club do Mar xa amosa os dentes que o colocan na parte alta da táboa. Salientar tamén o bo comezo da Esteirana, que segue igual de rápido nos últimos metros que na temporada pasada sobre todo fóra da casa. Camariñas, Zas, Sofán, Dumbría B e Fisterra tamén sumaron os 3 primeiros puntos do ano.

A 3ª da Costa segue igualada. Apenas un par de goleadas estranas, como a do Volantes, que tras meterlle 9 na primeira xornada ao Muxía, caía por 5-1 ante o Cabana, que á súa vez caera en Louro. Precisamente os muradáns son un dos 3 equipos que suman 2 vitorias, xunto co Outes e Coristanco, deixando ver que este ano queren estar na zona alta. Cerqueda, Alcaián e Corcoesto, con 4 puntos, quedan na parte alta.

E tamén comezaba a Liga Xuvenil Norte, Gr.4. Parece que o Dumbría B volve ser claro favorito e arrasaba co Coristanco. O Cabana podía co Zas nun encontro moi igualado, igual que o Ponteceso co novo Laxe.

Para o luns traeremos as crónicas das 4 Ligas, mentres que os xuvenís, coma sempre, chegarán na tarde do martes.

Preferente Norte, xornada 2

1ª Autonómica, xornada 1

2ª Autonómica, xornada 1

3ª Autonómica, xornada 2

Liga Xuvenil Norte, Gr.4, xornada 1

Máis información

• Resultados e clasificacións 2011/2012.

Novas relacionadas

• Vídeo entrevista de Ángel Garrido a Alberto Pose.
• Primeiras sancións e horarios modificados para a posta en marcha de todas as Ligas da Costa.
• 3ª Autonómica: A loita en marcha.
• Preferente: Comeza a liga da igualdade.
• Resultados da volta do fútbol da Costa.

Máis novas

• Vídeo entrevista a Manolo Varela por Angel Garrido.
• Vimianzo lembrou a Martín Pena.
• O Plan Competicional e a Liga á carta.

Fonte

• Redacción de Deportes de QPC (deportes@quepasanacosta.gal).