Resultados e análise da xornada no #futboldacosta

21:14 17/03/13

O Buno parou ao Baio que levaba 18 xornadas sen perder-Foto- Santi Diaz

Nova fin de semana de fútbol da Costa. Unha fin de semana con moito máis que fútbol, como o puideron comprobar na vila do Cristo co desfile das estrellas da SD Fisterra. Pasade a botar un ollo a eses corpazos tras repasar a xornada desta semana que estivo marcada polo sorteo da Copa da Costa 2013, a do 50 aniversario.

E comezamos pola Preferente, con sorte dispar para os nosos. O Xallas de Santa Comba volvía de baleiro de Carral e case que di adeus, se non o fixera xa, a todas as posibilidades de ascenso. Máis do mesmo para o Dumbría tras caer na casa ante o Dubra. O único que nos daba unha alegría era o Soneira cunha gran vitoria en Taboada, cos goles do debutante Mayuyo e Baba. 3 puntos que practicamente rubrican a súa salvación.

Malísima xornada para os nosos na 1ª. Bueno, menos para o Malpica, que ca súa fantástica campaña e sacaba un gran empate en Noia a pesar de rematar con 10. Pero Fisterra, Camariñas e Ponteceso caían. E caían mal, ante rivais directos, como eran o Lamela, Piloño (ambos quedan con 33 puntos) e Villestro (este da liga dos de arriba), quedando os nosos, nos postos pegados ao descenso directo con 30, 29 e 27. O Laro é que marca o descenso directo con 26.

Na Liga da Costa, o Baio perdía onte ante un necesitado Buño tras 18 xornadas sen coñecer a derrota. Pero a Esteirana non aproveitaba o tropezo e non pasaba do empate ante un gran, no deportivo, Corcubión. O Cee si que sacaba tallada de Dumbría e empata a puntos cos baieses na codiciada segunda praza.
Por abaixo, gran vitoria do Outes en Corme, que lle dá un respiro, deixando ao Cabana pegado ao descenso tras caer en Muros. O Mazaricos e o Volantes empataban e quedan tamén en zoa de posibles arrastres, mentres que o Montelouro, practicamente coa mente na 3ª, sacaba un empate a un san Lorenzo cos deberes feitos.

A xornada na 3ª deparaba varias sorpresas. O Independiente queda máis líder e queda con 6 puntos de vantaxe tras aproveitar o descanso do Camelle, e o tropezo do Porteño en Corcoesto tras xogar boa parte do choque con 10.
Na segunda loita tamén houbo novidades. O choque da xornada era o Cerqueda-Soneira B, e a vitoria visitante deixa aos de Jose Ángel cun pé na fase de ascenso. O Cerqueda queda agora inmerso no grupo de aspirantes, empatado con 40 puntos co Ameixenda, que sumaba os puntos do filial fisterrán. Pero non sumaron nin Laxe, que queda a 4 de cerquedáns e ceenses tras caer co Alcaián; nin Baíñas, que facái sufrir ao líder e queda a 5; nin Muxía, que caía co Nantón en casa. Si sumaba o Lira, agora, con 34, e ata o Nantón e o Corcoesto, agora a 10 da 5ª praza, soñan con meterse aí.

Nos Xuvenís case que está todo o peixe vendido, e así o refrendan as goleadas sen sentido. Na Liguilla, ademais da suspensión do Cabana-Malpica, o Xallas de Santa Comba case que rubricaba o seu pase á Fase de Ascenso á Liga Galega. Fáltalle un punto na última xornada ou que o Malpica non gañe ao Cabana no choque que se disputará este venres.
Na Copa, con Muros e Soneira eliminados dos Oitavos, só queda agardar polo sorteo. Mentres os equipos seguen "competindo" por quedar o máis alto posible nesta liga sen sentido, na que o Outes no Gr.1 e o Cee no Gr.2 xa son campións.

Cómpre falar tamén da Liga Galega Infantil (a cadete descansaba) pois o Dumbría xa pode respirar tranquilo tras unha nova vitoria. O Bergantiños, mentres, volvía caer e segue de último na Liguilla polo título.

A xornada si que foi importante en Infantís. O empate do Cee en Fisterra deixa ao Xallas de Santa Comba co camiño para celebrar o título.

Ademais, en Veteranos, o Soneira mira en fite o título, tralo tropezo do Castriz ante un potente Coristanco. Son 5 puntos os que os separan e 8 co Cabana.
Na 2ª, o Muros recuperaba a senda da vitoria tras dúas derrotas consecutivas e volve afianzar ese 1º posto que tiña case que asegurado. Por detrás, o Laxe aproveitaba o descanso do Corcoesto para quedar a só un punto, e aínda cun partido menos.

Preferente, xornada 29

Taboada	0-2	Soneira
Carral	2-0	Xallas StComba
Dumbría	0-1	Dubra

1ª Autonómica, xornada 27

Lamela	2-0	Fisterra
Ponteceso	0-1	Villestro
Camariñas	0-1	Piloño
Noia	0-0	Malpica

2ª Autonómica, xornada 27

Baio	2-3	Buño
Dumbría B	1-2	Cee
Montelouro	1-1	San Lorenzo
Esteirana	1-1	Corcubión
Muros	3-1	Cabana
Mazaricos	1-1	Volantes
Sofán	2-0	Carnota
Zas	1-1	Castriz
Corme	1-2	Outes

3ª Autonómica, xornada 27

Xaviña	6-5	Coristanco
Lira	3-1	Castrelo
Muxía	2-3	Nantón
Corcoesto	4-1	Porteño
Alcaián	2-0	Laxe
Indep. Carballo	1-0	Baíñas
Cerqueda	1-2	Soneira B

Descansa Camelle.
Fisterra B - Ameixenda (0-2)

Liguilla Previa á Fase de Ascenso á Liga Galega Xuvenil, xornada 9

Ponteceso	6-1	Fisterra
Xallas StComba	3-1	Dumbría
Malpica	21/03 - 18:00*	Cabana

* Susp. polo campo encharcado.

Liga Previa da Copa da Costa Xuvenil, Gr.1, xornada 9

Camariñas	1-5	Laxe
Outes	10-0	Muxía
Muros	9-0	Baio

Liga Previa da Copa da Costa Xuvenil, Gr.2, xornada 9

Soneira	2-1	Corme
Esteirana	2-3	Cee
Mazaricos	3-1	Coristanco

Liga Galega Infantil, Playoff Título, xornada 6

Bergantiños

0-3

Val Miñor

Liga Galega Infantil, Playoff Descenso, Gr. Norte B, xornada 6

Negreira

0-1

Dumbría

1ª Cadete, xornada 19

Outes	2-3	Coristanco
Muros	1-2	Muxía
Esteirana	5-1	Ponteceso
Con. de Carnota	2-0	Fisterra
Zas	2-1	Cabana
Porteño	5-2	Baio
Cee	2-1	Xallas StComba

1ª Infantil, xornada 23

E.M.F. Vimianzo	1-2	Outes
Sofán	1-8	Cabana
Xallas StComba	4-0	Ponteceso
Baio	2-1	Coristanco
Corme	5-3	Muxía
Fisterra	0-0	Cee
Os Miudos	3-3	As Baleas

Descansa Esteirana.
Fisterra-Cee alteran orde e xogan en Ara Solis.

Ligas de Veteranos, xornada 26

1ª División

Bergantiños	2-2	Ponteceso
Soneira	1-0	Nantón
San Román	5-0	Vimianzo
Coristanco	3-1	Castriz
Zas	1-1	San Lorenzo
Cabana	4-2	Corcubión Vet.
Camariñas	0-1	Xv. Bergantiños
Bértoa	-	Baio