Completa fin de semana vinícola en Laxe. O programa Reláxese, con este marzo enolóico, culmina cunha fin de semana na que se celebrará a I Mostra de Viño Galego "Beber do País" que concentrará a un total de 17 adegas no Museo do Mar este sábado día 24.

Xa o venres, xusto despois de facer entrega do premio ao autor do cartel premiado do Rosario da Boa Morte, ás 19:00h, terá lugar no renacido Museo do Mar unha cata de viño da D.O. Rioja a cargo de Chelo Palacios, enóloga e xerente de Bodegas Palacios Remondo.

Pero a cita máis grande, para pechar o “Inverno Gatronómico”, chega o sábado (de11:00 a 14:00h e de 17:00h a 20:00h), coa Mostra do Viño Beber do País. 17 adegas galegas de varias Denomiacións de Orixe (DO) e Identificacións Xeográficas Protexidas (IXP) estarán no Museo do Mar:

• DO Monterrei: Couto Mixto (Verín), Crego e Monaguillo (Monterrei).
• DO Rías Baixas: Coto Redondo (As Neves), Viña Moraima (Barro).
• DO Ribeira Sacra: Pilares de Belesar (O Saviñao), Toalde (O Saviñao).
• DO Ribeiro: Area Lux (Cenlle), Eloi Lorenzo (Arnoia).
• DO Valdeorras: Alán de Val (A Rúa), Casal Novo (Rubiá), José Arestegui (A Rúa).
• IXP Barbanza: Antonio Saborido (Boiro), Entre Os Ríos (A Pobra).
• IXP Betanzos: Casa Beade (Paderne), Conexión Mandeo (Betanzos).
• IXP Ribeiras do Morrazo: Adega Ardán (Marín) e Os Areeiros (Vilaboa).

O público asistente á mostra poderá probar os viños nunha mostra conducida por Antonio Portela, viticultor e elaborador de viño IXP Ribeiras do Morrazo e membro da Asociación Galega de Sumilleres.

Novas relacionadas

• O Rosario da Boa Morte, xa ten cartel.
• Laxe gosta de Beber do País:
• 2018, o ano da recuperación do Arquivo Fotográfico Vidal.
• O viño, o gran protagonista do mes de marzo no programa laxeiro Reláxese.

Fonte

• Redacción de QPC (info@quepasanacosta.com).